Connect with us

ព័ត៌មានជាតិ

ការប្រជុំចរចាកំណត់ប្រាក់ឈ្នួលកម្មករសម្រាប់ឆ្នាំ ២០២៤ នឹងត្រូវធ្វើឡើងនៅពាក់កណ្ដាលខែសីហា ឆ្នាំ ២០២៣នេះ

បានផុស

នៅ

ការប្រជុំចរចាកំណត់ប្រាក់ឈ្នួលអប្បបរមា សម្រាប់កម្មករ-និយោជិត នៅក្នុងផ្នែកវាយនភណ្ឌកាត់ដេរនៅក្នុងឆ្នាំ ២០២៤ នឹងត្រូវធ្វើឡើងនៅពាក់កណ្ដាលខែសីហា ឆ្នាំ ២០២៣នេះ។  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ្វា សាលី ប្រធានសម្ព័ន្ធសហជីពជាតិ ប្រាប់កម្ពុជាថ្មីនៅថ្ងៃទី ៣១ ខែកក្កដានេះថា ក្រសួងការងារ និងបណ្ដុះបណ្ដាលវិជ្ជាជីវៈ បានចេញលិខិតអញ្ជើញក្រុមសហជីព ដែលជាសមាជិកក្រុមប្រឹក្សាជាតិប្រាក់ឈ្នួល​ ដើម្បីចូលរួមការប្រជុំចរចាកំណត់ប្រាក់ឈ្នួលអប្បបរមា សម្រាប់កម្មករ-និយោជិត នៅក្នុងឆ្នាំ ២០២៤។ ការប្រជុំនឹងត្រូវរៀបចំឡើងនៅថ្ងៃទី ១៦ ខែសីហា ឆ្នាំ ២០២៣ខាងមុខ។

លោក ហ្វា សាលី បានឲ្យដឹងថា ភាគីសហជីព មិនទាន់បានជួបប្រជុំគ្នា ដើម្បីកំណត់តួលេខជាក់លាក់ណាមួយ សម្រាប់យកទៅចរចានៅឡើយទេ។ ប៉ុន្តែក្រុមសហជីព តាមរយៈការប្រជុំនាពេលកន្លងមកបានយកតួនាទី ជាអនុប្រធានក្រុមប្រឹក្សាជាតិប្រាក់ឈ្នួលអប្បបរមា ដោយបានទៅលើលោក គឹម ចាន់ សំណាង ដែលជាប្រធានសហភាពសិទ្ធិកម្មករកម្ពុជា។

ប្រធានសម្ព័ន្ធសហជីពជាតិ បន្ថែមបែបនេះថា «ការកំណត់ប្រាក់ឈ្នួល គឺក្រុមសហជីពនៅពុំទាន់បានកំណត់ប្រាក់ឈ្នួលនៅឡើយទេ ប៉ុន្តែយើងនៅមានពេលប្រមាណ ១៥ ទៅ ១៦ថ្ងៃទៀត ចឹងវាអត់ជាបញ្ហានៅក្នុងការកំណត់តួលេខ ប៉ុន្តែជាទូទៅការកំណត់តួលេខនេះ គឺក្រុមសហជីពមិនដែលសូវត្រូវគ្នាទេ»។

លោក ហ្វា សាលី ក៏លើកឡើងដែរថា ការចរចាប្រាក់ឈ្នួលនាឆ្នាំ ២០២៤ គឺរឿងដ៏ពិបាកមួយ។ ពិបាក​នៅត្រង់ថា វិបត្តិសង្រ្គាមរុស្ស៊ី-អ៊ុយក្រែន នៅបន្តអូសបន្លាយ ហើយការបញ្ជាទិញក៏មានការកាត់បន្ថយផងដែរ។

តែយ៉ាងណាក៏ដោយ លោកសង្ឃឹមថា រាជរដ្ឋាភិបាលអាណត្តិទី ៧ ដែលដឹកនាំដោយយុវជនបន្តវេន នឹងគិតគូរទៅលើបញ្ហាប្រាក់ឈ្នួលរបស់កម្មករ-និយោជិត ផ្នែកវាយនភណ្ឌកាត់ដេរ ផលិត​ស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ ២០២៤ខាងមុខនេះ។

នៅឆ្នាំ ២០២៣នេះ ប្រាក់ឈ្នួលអប្បបរមាសម្រាប់កម្មករ-និយោជិត ផ្នែកវាយនភណ្ឌកាត់ដេរ ផលិតស្បែកជើង និងផលិតផលធ្វើដំណើរ និងកាបូប ទទួលបានចំនួន ២០០ដុល្លារអាមេរិក៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២៦ នាទី មុន

យក់ ឋិតរដ្ឋា សុខៗ ស្រាប់តែពោលពាក្យស្រលាញ់ស្អប់ ធ្វើឲ្យអ្នកគាំទ្រឆ្ងល់គ្រប់គ្នា

ព័ត៌មានជាតិ១ ម៉ោង មុន

ក្រសួងកសិកម្ម ដឹកនាំអ្នកសារព័ត៌មានចម្រុះស្ថាប័ន ចុះទស្សនកិច្ចនៅតាមសហគ្រាសជលផល

ព័ត៌មានជាតិ២ ម៉ោង មុន

ស្ពាន ១ កន្លែងដាច់​ដោយកម្លាំងទឹកហូរ ខណៈផ្លូវប្របមាត់ប្រឡាយស្រុតបាក់ជាបណ្តើរៗ

ជីវិតកម្សាន្ដ២ ម៉ោង មុន

អបអរ ទេព បូព្រឹក្ស ត្រឡប់ចូលសិល្បៈវិញ និងក្លាយជាទូតសុច្ឆន្ទៈផ្លូវការរបស់​ភេសជ្ជៈប៉ូវកម្លាំងគ្រុឌ និងភេសជ្ជៈ​វី-អាកទីវ

សន្តិសុខសង្គម២ ម៉ោង មុន

លួចលុយក្រុមហ៊ុន​ជាង ១ ៣០០ ០០០ បាត​ ចូល​កាសុីណូ​លេងល្បែងចាញ់អស់ ត្រូវអាវុធហត្ថឃាត់ខ្លួន

Sokha Hotels

ព័ត៌មានពេញនិយម