ព័ត៌មានជាតិ
ឃាត់ខ្លួនមនុស្ស៣នាក់ បានរួមគ្នាចាប់រំលោភក្មេងស្រីម្នាក់ រហូតបានសម្រេច
ក្រុមយុវជន ដែលជាជនសង្ស័យចំនួន ៣នាក់ ក្នុងចំណោមបក្ខពួក៤នាក់ ត្រូវបានកម្លាំងសមត្ថកិច្ចនៃអធិការដ្ឋាននគរបាលស្រុកសំពៅលូន តាមស្រាវជ្រាវ និងឈានដល់ការឃាត់ខ្លួន បន្ទាប់ពីពួកគេបាននាំគ្នាចាប់ក្មេងស្រីម្នាក់អាយុក្រោម ១៥ ឆ្នាំរំលោភរហូតបានសម្រេច ក្នុងពេលតែមួយរួចមក។

យោងតាមរបាយការណ៍របស់កម្លាំងសមត្ថកិច្ចនៃអធិការដ្ឋាននគរបាលស្រុកសំពៅលូនបានឱ្យ ដឹងថាកម្លាំងជំនាញ បានទទួលនូវពាក្យបណ្តឹងពីក្រុមគ្រួសាររបស់ក្មេងស្រីរងគ្រោះ ដែលបានចោទប្រកាន់ទៅលើយុវជនមួយក្រុមថាបានចាប់រំលោភបូកទៅលើកូនស្រីរបស់គាត់កាលពីថ្ងៃទី២៧ ខែមករាឆ្នាំ២០២១នៅក្នុងបុរី ងិនវិតស្ថិតក្នុងភូមិវាលវង់ឃុំតាស្តា ស្រុកសំពៅលូនខេត្តបាត់ដំបង រួចក៏បាននាំគ្នាគេចខ្លួនបាត់ស្រមោលអស់។
ក្រោមការបញ្ជាផ្ទាល់ពីលោកអធិការ ពេជ្រ សារ៉ែន ដើម្បីតាមស្រាវជ្រាវរកមុខសញ្ញារំលោភ មានស្ថានទម្ងន់រហូតដល់ថ្ងៃទី២៨ ខែមករា ឆ្នាំ២០២១ វេលាម៉ោង ២ និង ១០នាទី រសៀល កម្លាំងអធិការដ្ឋាននគរបាលស្រុកសំពៅលូនបានធ្វើការឃាត់ខ្លួនយុវជនជាជនសង្ស័យបានចំនួន៣នាក់គឺ ៖ ១.ឈ្មោះសៅ រតនា ភេទប្រុសអាយុ១៩ឆ្នាំមានទីលំនៅភូមិអូរឃុំសន្តិភាពស្រុកសំពៅលូន ២.ឈ្មោះ ហៀង ប្រុស ហៅលាងភេទប្រុសមអាយុ ១៨ ឆ្នាំ មានទីលំនៅភូមិត្រពាំងព្រលិត ឃុំសន្តិភាពស្រុកសំពៅលូន និង ៣.ឈ្មោះ នី បូរ៉ា ភេទប្រុស អាយុ១៨ឆ្នាំ មានទីលំនៅនៅភូមិវាលវង់ ឃុំតាស្តា ស្រុកសំពៅលូនខេត្តបាត់ដំបង។ ដោយឡែកជនសង្ស័យ១នាក់ទៀត ឈ្មោះ ឡា ពិសិដ្ឋ ភេទប្រុស អាយុ ១៧ ឆ្នាំ រស់នៅភូមិតាស្តា ឃុំតាស្តា ស្រុកសំពៅលូន បានរត់គេចខ្លួនបាត់ទៅហើយ ដោយសមត្ថកិច្ចកំពុងបន្តស្រាវជ្រាវ។

រីឯក្មេងស្រីរងគ្រោះដែលមាន ឈ្មោះ អ វ ដ ហៅ ម អាយុ១៥ឆ្នាំ ដោយបច្ចុប្បន្នជនសង្ស័យទាំង៣រូប ត្រូវបានកម្លាំងជំនាញចាត់បញ្ជូនទៅកាន់ស្នងការដ្ឋាននគរបាលខេត្ត ដើម្បីចាត់ការបន្តទៅកាន់តុលាការក្នុងការផ្ដន្ទាទោសតាមច្បាប់៕
សោ និយមរ័ត្ន

-
ព័ត៌មានជាតិ៥ ថ្ងៃ មុន
តើធ្វើដូចម្ដេចទើបរៀនភាសាអង់គ្លេស ឆាប់ចេះអាន និយាយ និងសរសេរបានល្អ?
-
ព័ត៌មានជាតិ៦ ថ្ងៃ មុន
លោក គង់ វិបុល ប្តេជ្ញាប្រមូលពន្ធឱ្យគ្រប់ផែនការក្នុងឆ្នាំ ២០២៣ ទោះ ៨ខែមកនេះ ធ្លាក់ចុះ ២១ភាគរយ
-
ព័ត៌មានអន្ដរជាតិ៦ ថ្ងៃ មុន
ហេតុផល ៥យ៉ាង ដែលព្រលានយន្តហោះឡាវ មិនមានជើងហោះហើរត្រង់ទៅកាន់អឺរ៉ុប
-
ព័ត៌មានជាតិ៧ ថ្ងៃ មុន
ជាលើកដំបូង កម្ពុជា នាំចេញបង្កងកណ្ដូបរស់ចំនួន៤៥គីឡូក្រាម ទៅកាន់ទីផ្សារចិន
-
សន្តិសុខសង្គម១ សប្តាហ៍ មុន
មន្ត្រីនគរបាលដែលបើករថយន្តបុកស្ត្រីម្នាក់ស្លាប់នៅកោះរាជាស្វាមីស្ត្រីរងគ្រោះ
-
សុខភាព១ សប្តាហ៍ មុន
ភាគច្រើននៃមនុស្សពេញវ័យ សឹងហួសពេលព្យាបាល ព្រោះច្រឡំអាការៈគ្រុនឈាម និងផ្តាសាយ
-
ព័ត៌មានជាតិ៥ ថ្ងៃ មុន
មុនអាចឡើងកាន់តំណែងជាអភិបាលរាជធានីខេត្ត ត្រូវមានលក្ខខណ្ឌយ៉ាងណាខ្លះ?
-
ព័ត៌មានជាតិ៤ ថ្ងៃ មុន
អ្នកឧកញ៉ា គិត ម៉េង នឹងដឹកនាំម្ចាស់ក្រុមហ៊ុនជិត ១០០ អមដំណើរសម្តេច ហ៊ុន ម៉ាណែត ទៅអាមេរិក