ព័ត៌មានជាតិ

បេក្ខជនជិត ៩០០ នាក់ ចូលរួមប្រឡងក្របខណ្ឌមន្ត្រីរាជការថ្មីក្រសួងការងារ ខណៈក្រសួងជ្រើសរើសតែ ២០ នាក់

បានផុស

៣ years មុន

នៅ

ថ្ងៃសុក្រ ១៨ សីហា ២០២៣

ដោយ

ក្រសួងការងារ និងបណ្ដុះបណ្ដាលវិជ្ជាជីវៈ បានបើកការប្រឡងជ្រើសរើសក្របខណ្ឌ “ក” មន្ត្រីរាជការថ្មីសម្រាប់ឆ្នាំ ២០២៣ ដោយមានបេក្ខជនចូលរួមប្រឡងប្រជែងសរុបចំនួន ៨៩១ នាក់ ដោយក្រសួងជ្រើសរើសមន្ត្រីថ្មីតែ ២០ នាក់ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រឡងប្រជែងជ្រើសរើសមន្ត្រីរាជការក្នុងក្របខណ្ឌក្រសួងការងារ និងបណ្ដុះបណ្ដាលវិជ្ជាជីវៈសម្រាប់ឆ្នាំ ២០២៣ នេះ បានប្រព្រឹត្តទៅនៅវិទ្យាស្ថានពហុបច្ចេកទេសព្រះកុសុមៈ នៅព្រឹកថ្ងៃទី ១៨ ខែសីហា ឆ្នាំ ២០២៣ លើជំនាញសំខាន់ៗ ចំនួន ៩ ផ្សេងគ្នា មានដូចជា រដ្ឋបាល, នីតិសាស្ត្រ, គ្រប់គ្រង, ព័ត៌មានវិទ្យា, សេដ្ឋកិច្ច, អក្សរសាស្ត្រភាសាបរទេស, ធនាគារ និងហិរញ្ញវត្ថុ, ទំនាក់ទំនងអន្តរជាតិ និងគណនេយ្យ។

ពាក់ព័ន្ធនឹងការប្រឡងជ្រើសរើសមន្ត្រីរាជការក្របខណ្ឌក្រសួងការងារ និងបណ្ដុះបណ្ដាលវិជ្ជាជីវៈឆ្នាំ ២០២៣ នេះ ត្រូវបានចែកចេញជា ២ វិញ្ញាសា គឺ ចំណេះដឹងទូទៅ ពាក់ព័ន្ធនឹងវិស័យការងារ និងបណ្ដុះបណ្ដាលវិជ្ជាជីវៈ ដែលមានរយៈពេលប្រឡង ២ ម៉ោង និងវិញ្ញាសាភាសាអង់គ្លេស ដែលមានរយៈពេល ១ ម៉ោង ៣០ នាទី។