ព្រះបំណែក ព្រះបរមអដ្ឋិ​សម្តេចឪ​បានតម្កល់ក្នុងវត្តលង្កា​បើក​ជូនប្រជានុរាស្រ្តក្រាបថ្វាយបង្គំជាសាធារណៈ

ព្រះបំណែកព្រះបរមអដ្ឋិនៃព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពដែនដី និងឯកភាពជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុតបានតម្កល់ក្នុងវត្តលង្កាដើម្បីបើកជូនប្រជានុរាស្រ្តក្រាបថ្វាយបង្គំជាសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីដង្ហែ ព្រះបំណែកព្រះបរមអដ្ឋិ នៃព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពដែនដី និងឯកភាពជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត ជាចំណែកដែល សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ប្រគេនចំពោះ សម្តេចព្រះធម្មលិខិត សៅរ៍ ចន្ទថុល្ល យាងចាកពីមហាកុដិ មកតម្កល់ក្នុងព្រះមហាបុស្បុក ក្នុងព្រះវិហារវត្តលង្កាព្រះកុសមារាម កាលពីថ្ងៃទី២៩ ខែមករា ឆ្នាំ២០២១ ដើម្បីបើកជូនដល់បងប្អូនកូនចៅប្រជានុរាស្រ្តមានឱកាសចូលក្រាបថ្វាយបង្គំជាសាធារណៈ ស្របតាមព្រះរាជតម្រិៈដ៏ខ្ពង់ខ្ពស់បំផុត នៃសម្តេចព្រះមហាក្សត្រី ព្រះវររាជមាតាជាតិខ្មែរ  ជាទីគោរពសក្ការៈដ៏ខ្ពង់ខ្ពស់បំផុត។

ពិធីដង្ហែ ព្រះបំណែកព្រះបរមអដ្ឋិ នៃព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពដែនដី និងឯកភាពជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុតធ្វើឡើងដោយមានការចូលរួមពីសម្ដេចចៅហ្វាវាំង គង់ សំអុល ឧបនាយករដ្ឋមន្រ្តី រដ្ឋមន្ត្រីព្រះបរមរាជវាំងនិងមន្ត្រីក្រសួងព្រះបរមរាជវាំងជាច្រើនទៀត៕

សំអឿន