ព័ត៌មានជាតិ
មន្ត្រីជលផលកំពង់ចាម បន្តចុះបង្ក្រាបបទល្មេីសនេសាទនៅភូមិសាស្ត្រស្រុកបាធាយ
លោក អ៊ុក ណារិន នាយខណ្ឌជលផល នៃមន្ទីរកសិកម្មរុក្ខាប្រម៉ាញ់ និងនេសាទខេត្តកំពង់ចាម បានឲ្យដឹងថា ខណ្ឌរដ្ឋបាលជលផលកំពង់ចាម បានសហការជាមួយអាជ្ញាធរស្រុកបាធាយ បន្តចុះប្រតិបត្តិការបង្ក្រាបបទល្មើសជលផល ចំនួន៣ករណី នៅចំណុចផ្សេងៗគ្នា ស្ថិតនៅក្នុងស្រុកបាធាយ ខេត្តកំពង់ចាម នៅថ្ងៃទី២៦ ខែកញ្ញា ឆ្នាំ២០២៣ ។
លោកនាយខណ្ឌបានបន្តថា ដោយមានការអនុញ្ញាតពី លោក វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម សមត្ថកិច្ចបានចុះធ្វើកិច្ចសន្យាបញ្ឈប់សកម្មភាពចំពោះមុខសញ្ញាបទល្មើស ដែលប្រើប្រាស់ឧបករណ៍លូស្បៃមុង និងចុះប្រតិបត្តិការបង្រ្កាបបទល្មើសជលផលបានចំនួន ៣ករណី ដោយកសាងសំណុំរឿងតាមនីតិវិធីនៃច្បាប់ស្តីពីជលផល និងរុះរើបំផ្លាញចោលវត្ថុតាងបទល្មើសជលផលនៅនឹងកន្លែង។ ជាក់ស្ដែងរួមមាន ទី១ នៅចំណុចស្ពានដែក ឃុំបាធាយ ស្រុកបាធាយ រឹបអូសបានលូស្បៃមុងចំនួន ៦មាត់ របាំងស្បៃមុងចំនួន៣០០ម៉ែត្រ ស៊ងស្បៃមុងប្រវែង៦០ម៉ែត្រ បង្គោលចម្រឹងចំនួន១៨០ដើម ចាក់លែងកូនត្រីចម្រុះ ០៦គីឡូក្រាម ។
ទី២ នៅចំណុចភូមិទួល ឃុំបាធាយ រឹបអូសបាន លូស្បៃមុងចំនួន ៤មាត់ របាំងស្បៃមុងចំនួន២០០ម៉ែត្រ ស៊ងស្បៃមុងប្រវែង៤០ម៉ែត្រ បង្គោលចម្រឹងចំនួន ១៨០ដើម ចាក់លែងកូនត្រីចម្រុះ ០៤គីឡូក្រាម។ ទី៣ នៅចំណុចភូមិជ្រែក ឃុំបាធាយ រឹបអូសបានឧបករណ៍រ៉ាវចំនួន ៦មាត់ របាំរ៉ាវប្រវែង៤០០ម៉ែត្រ ស៊ងរ៉ាវប្រវែង៦០ម៉ែត្រ បង្គោលចម្រឹងចំនួន១៨០ដើម ចាក់លែងត្រីចម្រុះ ៦គីឡូក្រាម។
ទន្ទឹមនេះ លោក អ៊ុក ណារិន ក៏បានបញ្ជាក់ទៀតថា ការចុះបង្ក្រាបនៅតាមទីតាំងបទល្មេីសទាំងអស់នោះ គឺមានស្ថានភាពលក្ខណៈស្មុគស្មាញ និងលំបាក ចូលទៅដល់ភ្លាមៗ ដូច្នោះលោកស្នេីសុំឲ្យអាជ្ញាធរមូលដ្ឋានចូលរួមសហការ រាយការណ៍ និងបង្ក្រាប អ្វីដែលមន្ត្រីជំនាញស្នេីសុំទៀតនោះ គឺសូមឲ្យប្រជាពលរដ្ឋចូលរួមសហការទប់ស្កាត់ ការនេសាទខុសច្បាប់ ដេីម្បីរក្សាពូជត្រីបានច្រេីន ៕
អត្ថបទ និង រូបភាព៖ ឡេក ចាន់ពេជ្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត