ព័ត៌មានជាតិ
អភិបាលខេត្តកែបរំពឹងថា ព្រឹត្តិការណ៍បុណ្យសមុទ្រឆ្នាំនេះនឹងមានការទាក់ទាញ និងអធិកអធមជាងឆ្នាំមុនៗ
កាលពីថ្ងៃទី១៧ ខែតុលា ឆ្នាំ២០២៣ លោក សោម ពិសិដ្ឋ អភិបាលខេត្តកែបបានលើកឡើងថា ព្រឹត្តិការណ៍បុណ្យសមុទ្រលើកទី១០ ជុំទី៣ នៅខេត្តកែប នឹងត្រូវប្រារពរៀបចំធ្វើឡើងចាប់ពីថ្ងៃទី១ ខែធ្នូ រហូតដល់ថ្ងៃទី៣ ខែធ្នូ ឆ្នាំ២០២៣ខាងមុខនេះ នៅបរិវេណឆ្នេរ ២.៧០០ម៉ែត្រ ក្បែរតំបន់រមណីយដ្ឋានផ្សារក្តាម។
លោកអភិបាលខេត្តបានលើកឡើងថា ទោះពេលវេលារៀបចំមានរយៈពេលខ្លីក៏ពិតមែន ប៉ុន្តែលោករំពឹងថា ព្រឹត្តិការណ៍បុណ្យសមុទ្រឆ្នាំ២០២៣ខាងមុខនេះ គឺជាព្រឹត្តិការណ៍ជាតិដ៏ធំមួយដែលថ្មី ប្លែក និងធ្វើឱ្យមានការទាក់ទាញ និងអធឹកអធមល្អជាងឆ្នាំមុនៗ ដើម្បីស្វាគមន៍វត្តមាននាយករដ្ឋថ្មីអញ្ជើញមកកាន់ខេត្តកែប។
លោក សោម ពិសិដ្ឋ អភិបាលខេត្តកែប បានមានប្រសាសន៍ថា មកដល់ពេលនេះរដ្ឋបាលខេត្តកែប និងក្រសួងទេសចរណ៍ និងក្រុមការងារអន្តរក្រសួងកំពុងតែសិក្សាអំពីប្លង់មេ ក្នុងការកំណត់រៀបចំទីតាំងផ្សេងៗសម្រាប់អង្គព្រឹត្តិការណ៍ពីធីបុណ្យសមុទ្រ លើកទី១០ ជុំទី៣ នៅខេត្តកែបទាំងមូល បន្ទាប់ពីរាជរដ្ឋាភិបាលបានកំណត់យកនៅថ្ងៃទី១ ខែធ្នូ ដល់ថ្ងៃទី៣ ខែធ្នូ ឆ្នាំ២០២៣ខាងមុខ ដើម្បីប្រារពព្រឹត្តិការណ៍បុណ្យសមុទ្រធ្វើនៅបរិវេណតំបន់ឆ្នេរ ២.៧០០ម៉ែត្រ នៅក្បែរផ្សារក្តាម។
ជាមួយគ្នានេះលោក សោម ពិសិដ្ឋ អភិបាលខេត្ត បានបញ្ជាក់ឲ្យដឹងទៀតថា ទីតាំងរៀបចំថ្មីក៏ជួបបញ្ហាព្រឈមថ្មីផងដែរ ប៉ុន្តែការជ្រើសរើសយកទីតាំងខាងលើ ដើម្បីបង្ហាញអំពីសមិទ្ធផល និងសក្តានុពលតំបន់ឆ្នេរដែលទើបពង្រីកថ្មីរបស់ខេត្តកែប ដែលពីមុនទេសចរអាចទៅងូតទឹកកម្សាន្តតែនៅឆ្នេរស្រី ស ប្រវែងតែជាង៣០០ម៉ែត្រប៉ុណ្ណោះ។
ទោះបីជាយ៉ាងណាក៏ដោយ ផ្អែកនៅលើបទពិសោធរបស់ក្រសួង និងការចូលរួមសហការគ្នារវាងអាជ្ញាធរខេត្ត និងក្រុមការងារអន្តរក្រសួងផងនោះ លោកសង្ឃឹមថា បុណ្យសមុទ្រឆ្នាំនេះ នឹងមានអ្វីថ្មី ប្លែក អធឹកអធម ហើយល្អប្រសើរជាងឆ្នាំមុនៗ ព្រោះវាជាព្រឹត្តិការណ៍ជាតិធំមួយ បន្ទាប់ពីរដ្ឋាភិបាលថ្មីត្រូវបានបង្កើត ក៏ដូចជាដើម្បីស្វាគមន៍វត្តមានសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញមកកាន់ខេត្តកែប។
លោកអភិបាលខេត្តកែបបានសូមអំពាវនាវទៅដល់ប្រជាពលរដ្ឋ និងអាជីវករ និងមន្ត្រី រួមទាំងមន្ទីរ អង្គភាពពាក់ព័ន្ធទាំងរដ្ឋ និងឯកជន ព្រះសង្ឃគ្រប់វត្តអារាម គ្រូបង្រៀន និងសិស្ស និស្សិតនៅតាមសាលារៀនទាំងអស់ ត្រូវចូលរួមសម្អាត និងថែរក្សាអនាម័យ បរិស្ថាន តាមកន្លែងរបស់ខ្លួនឲ្យបានល្អប្រសើរចាប់ពីពេលនេះទៅ ពិសេសនៅតំបន់រៀបចំព្រឹត្តិការណ៍ពិធីបុណ្យសមុទ្រខាងមុខតែម្តង៕
អត្ថបទ៖ សឹង រ៉ាត់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង