ACU ត្រូវការអ្នកស្ម័គ្រចិត្តជាង៣ពាន់នាក់ ដើម្បី​ចូលរួមសង្កេតការណ៍ការប្រឡងបាក់ឌុបឆ្នាំនេះ

អង្គភាពប្រឆាំងអំពើពុករលួយ (ACU) បានប្រកាសជ្រើសរើសអ្នកសង្កេតការណ៍ស្ម័គ្រចិត្តចំនួន ៣ ០៤០នាក់នៅទូទាំង២៥ រាជធានី-ខេត្ត សម្រាប់ការប្រឡងបាក់ឌុបនៅថ្ងៃទី០៦ ខែវិច្ឆិកា ឆ្នាំ២០២៣ខាងមុខនេះ។ នេះបើតាមការប្រកាសនៅលើទំព័រហ្វេសប៊ុករបស់ ACU នៅរសៀលថ្ងៃទី១៨ ខែតុលា ឆ្នាំ២០២៣។

ចំពោះលក្ខខណ្ឌចុះឈ្មោះត្រូវមាន៖

• អាយុចាប់ពី២១ឆ្នាំឡើងទៅ
• មានអាសយដ្ឋានស្នាក់នៅ នៅរាជធានី ឬ ខេត្តដែលខ្លួនសុំចុះឈ្មោះ
• មានមធ្យាបាយ ធនធាន ពេលវេលាគ្រប់គ្រាន់សម្រាប់ការងារសង្កេតការណ៍ស្ម័គ្រចិត្តនេះ រាប់ទាំងការធ្វើដំណើរដោយខ្លួនឯងផង
• គោលរពតាមច្បាប់ បទប្បញ្ញត្តិ លិខិតបទដ្ឋានគតិយុត្តជាធរមាន ឱ្យបានខ្ជាប់ខ្ជួន និងយល់ពីតួនាទីច្បាស់
• មានឡេតេក្រាមដែលត្រឹមត្រូវ មានរូបថត និងលេខទូរសព្ទពេញលេញ។

សម្រាប់អ្នកដែលចូលរួមស្ម័គ្រចិត្តនេះ នឹងទទួលបានវិញ្ញាបនបត្របញ្ជាក់ពីការចូលរួម១ ប្រគល់ជូនថវិកា ១០ម៉ឺនរៀលសម្រាប់អ្នកសង្កេតការណ៍ម្នាក់ៗ និងការថ្លែងអំណរគុណ។ ចំពោះអ្នកមានចំណាប់អារម្មណ៍ អាចចុះឈ្មោះតាមរយៈតំណនេះ៖ https://rb.gy/n5jz6 ឬចូលទៅកាន់តេឡេក្រាមឆានណែល ACU News: https://t.me/acunews សម្រាប់ព័ត៌មានអំពី អ.ប.ព. ។ ឈប់ទទួលពាក្យនៅថ្ងៃទី ២៤ ខែតុលា ឆ្នាំ២០២៣។

អង្គភាពប្រឆាំងអំពើពុករលួយ បានបញ្ជាក់ថា នៅពេលបំពេញទម្រង់ចុះឈ្មោះ បេក្ខជនត្រូវភ្ជាប់មកជាមួយនូវ (Upload)៖

– អត្តសញ្ញាណប័ណ្ណ ឬលិខិតឆ្លងដែន ឬសំបុត្រកំណើត ១សន្លឹក

– រូបថតកាត ៤×៦ ចំនួន ១សន្លឹក

– ប័ណ្ណសរសើរ ឬលិខិតសរសើរ (ចំពោះបេក្ខជនធ្លាប់បានចូលរួមសង្កេតការណ៍កន្លងមក)៕