ACU ចូលរួមសង្កេតការណ៍ការប្រឡងជ្រើសរើសសិស្ស ក្រឡាបញ្ជីជំនាន់ទី១០

ថ្នាក់ក់ដឹកនាំ និងមន្រ្តីសង្កេតការណ៍អង្គភាពប្រឆាំងអំពើពុករលួយ (ACU) ចំនួន ៨២ រូប ចូលរួមសង្កេតការណ៍ការប្រឡងជ្រើសរើសសិស្ស ក្រឡាបញ្ជីជំនាន់ទី១០ សម័យប្រឡង ២៨ កញ្ញា ២០២៥ នៅមណ្ឌលប្រឡងសាកលវិទ្យាល័យភូមិន្ទភ្នំពេញ។

គណៈកម្មការដឹកនាំការសង្កេតការណ៍ និងមន្រ្តីសង្កេតការណ៍នៃអង្គភាពប្រឆាំងអំពើពុករលួយ នេះ ដឹកនាំដោយ លោក កែវ ធីវុធ ឧបការី អង្គភាពប្រឆាំងអំពើពុករលួយ។

ការប្រឡងជ្រើសរើសសិស្សក្រឡាបញ្ជីជំនាន់ទី១០ សម័យប្រឡង ២៨ កញ្ញា ២០២៥ ដឹកនាំដោយគណៈកម្មការនាយក ដែលមាន លោក កើត រិទ្ធ ឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌ ជាប្រធាន។ ជាមួយគ្នានេះ ការប្រឡង មានប្រឡងប្រជែងវិញ្ញាសាសរសេរ ដែលមានបេក្ខជនសរុប ១,៦៨១រូប ស្រី ៨១៩រូប ត្រូវបានបែងចែកជា ៣៨បន្ទប់ ដើម្បីសម្រិតសម្រាំងបេក្ខជនជ័យលាភីដំណាក់កាលទី១ ចំនួន ១៥០ រូប ក្នុងការបន្តទៅដំណាក់កាលវិញ្ញាសាស្តាប់-កត់ត្រា និងសួរផ្ទាល់មាត់ ដោយជ្រើសរើសបេក្ខជនជាប់ជាស្ថាពរចំនួន ១០០ រូប។

សូមជម្រាបថា នេះគឺជាលើកទី៧ហើយ ដែលអង្គភាពប្រឆាំងអំពើពុករលួយ (ACU)  ចូលរួមសង្កេតការណ៍ការប្រឡងជ្រើសរើសសិស្សក្រឡាបញ្ជី។ ក្នុងនោះ ACU នឹងចូលរួមសង្កេតការណ៍រហូតដល់ប្រកាសលទ្ធផលស្ថាពរ ផងដែរ៕