​ផ្ដើមរដូវប្រមូលផលទីផ្សារដំឡូងមីមានតម្លៃល្អ​

លោក អិល ឈិញ ប្រធានសមាគមកសិករដំឡូងមីខ្មែរបានឱ្យដឹងថា នៅខេត្តឧត្តរមានជ័យ​តម្លៃដំឡូងមីស្រស់មានភាពល្អប្រសើពី ៣១០-៣៣០ រៀល ក្នុងមួយគីឡូ ខណៈដំឡូងស្ងួតតម្លៃ ៨៥០ រៀល ដែលលោកអះអាងថា នៅទាបនៅ ឡើយ។ ជាទូទៅបើស្រស់តម្លៃខ្ទង់ជាង៣០០ ស្ងួតគួរតែ៨៨០-៩១០ តែពេលនស្ងួតនៅមិនទាន់បាល្អទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក អិល ឈិញ តំបន់ផ្សេងៗដូចជា កំពង់ចាម ស្ទឹងត្រែង ព្រះវិហ៊ា រតនគីរី តម្លាំ ៤៨០-៥២០ (តែខាងលានប្រមូលទិញគេកាត់ភាគរយ ចន្លោះពី ១៨-២២%)។ ជាទូទៅតំបន់ជាប់ព្រំដែនវៀតណាទទួលបានតម្លៃខ្ពស់ តែការកាត់ភាគរយក៏ខ្ពស់ដែរ។

រីឯតំបន់ជាប់ព្រំដែនថៃ តម្លៃទាប តែកាត់១០%។ រីឯខាងព្រំដែនវៀតណាមតម្លៃខ្ពស់ ការកាត់ភាគរយក៏ខ្ពស់ដែរ ចន្លោះពី ២២-២២%។ សម្រាប់ឆ្នាំនេះដំឡូងមីនឹងនៅតែទទួលបានតម្លៃល្អជាងឆ្នាំមុនៗ ដោយសារការដាំដុះតិចជាងមុនតម្រូវ ការច្រើនជាងឆ្នាំមុនៗ។

ពេលនេះជារដូវចាប់ផ្តើមប្រមូលផលហើយ រហូតដល់ខែ៧ ហើយដំឡូងក៏ចាប់ផ្តើមឡើងថ្លៃ។ ជាទូទៅតម្លៃខ្ពស់ជាងគេនៅខែ៣ ហើយធ្លាក់ថ្លៃមកវិញនៅដើមខែ៤ ឬពេលមានធ្លាក់ដំបូង។

របាយការណ៍ក្រសួងកសិកម្ម រុក្ខាប្រមាញ់ និងនេសាទបានបង្ហាញ​ថា នៅក្នុងរយៈពេល៨ខែ ឆ្នាំ២០២៣នេះ ការនាំចេញចំណិតដំឡូងមីក្រៀម មានបរិមាណជាង ៩៦ ម៉ឺនតោន ថយចុះជាង៤០ភាគរយ, ដំឡូងមីស្រស់ជាង​៧២ ម៉ឺនតោន ថយចុះជាង២៤ភាគរយ បើប្រៀបនឹងឆ្នាំ ២០២២។ ទីផ្សារដំឡូងមីរបស់កម្ពុជា មានប្រទេសវៀតណាម និងប្រទេសថៃ៕