ព័ត៌មានជាតិ
មន្ត្រីទេសចរណ៍ខេត្តកោះកុង ណែនាំដល់ប្រតិបត្តិករសេវាកម្សាន្តចេះបដិសណ្ឋារកិច្ចភ្ញៀវឱ្យបានត្រឹមត្រូវ
កោះកុង ៖ មន្ត្រីបច្ចេកទេសនៃមន្ទីរទេសចរណ៍ខេត្តកោះកុង បានជំរុញណែនាំដល់គ្រប់ប្រតិបត្តិករ និងសេវាករបម្រើសេវាកម្មស្នាក់នៅ និងហូបចុកនៅឃុំកោះស្តេច ត្រូវចេះរបៀបធ្វើបដិសណ្ឋារកិច្ចភ្ញៀវឱ្យបានល្អត្រឹមត្រូវ ចៀសវាការខ្វះចន្លោះនាំឱ្យបាត់បង់ទំនុកចិត្ត។
ក្រុមមន្ត្រីបច្ចេកទេសបណ្តុះបណ្តាលរបស់មន្ទីរទេសចរណ៍ខេត្តកោះកុង បានចុះធ្វើសិក្ខាសាលាផ្សព្វផ្សាយបដិសណ្ឋារ កិច្ច និងទេសចរណ៍ស្របតាមបទដ្ឋានទេសចរណ៍អាស៊ានដល់ក្រុមអាជីករ សេវាករ និងប្រតិបត្តិករនៅលើភូមិកោះស្តេច ស្រុកគិរីសាគរ រយៈពេល៣ថ្ងៃ។
លោក សុខ ចាន់គ្រឹះស្នា ប្រធានមន្ទីរទេសចរណ៍ខេត្តកោះកុង ឱ្យដឹងនៅថ្ងៃទី៣០ ខែតុលា ឆ្នាំ២០២៣ថា គោលដៅចម្បងរបស់មន្ទីរ គឺចង់ផ្តល់ចំណេះដឹងផ្នែកទេសចរណ៍ជូនដល់ពលរដ្ឋដែលកំពុងបម្រើសេវាកម្មស្នាក់នៅ និងហូបចុក បានយល់ដឹងបន្ថែមពីចំណុចខ្វះខាត ដើម្បីភាពជោគជ័យទៅថ្ងៃមុខ។
លោក សុខ ចាន់គ្រឹះស្នា បន្ថែមថា គ្រប់អាជីវករ សេវាករ និងប្រតិបត្តិករ គប្បីត្រូវចេះពីរបៀបបដិសណ្ឋារកិច្ចដល់ភ្ញៀវបានក្បួនខ្នាតជំនាញត្រឹមត្រូវ ចៀសវាងធ្វើឱ្យបាត់បង់ទំនុកចិត្តពីភ្ញៀវទេសមកទទួលយកសេវាកម្មរបស់ខ្លួន។ ក្រុមការងារជំនាញ នឹងបង្ហាញពីវិធីសាស្ត្របដិសណ្ឋារកិច្ច កំណត់តម្លៃសេវា ការរៀបចំសោភ័ណ្ឌភាពបរិស្ថានអនាម័យ ព្រមការផ្សព្វផ្សាយនូវដែលពួកគាត់កំពុងមានទៅកាន់អតិថិជន។
លោកប្រធានមន្ទីរទេសចណ៍ រំពឹងថា ក្រោយការស្វែងយល់បន្ថែមរបស់ពលរដ្ឋដែលជាអាជីករ សេវាករ និងប្រតិបត្តិករផ្នែកទេសចរណ៍ នឹងទទួលបានប្រាក់ចំណូលកាន់តែច្រើន ប្រសិនបើអនុវត្តតាមល្អទៅការបទបង្ហាញរបស់ក្រុមមន្ត្រីជំនាញ។
បញ្ហានេះដែរ ត្រូវបានលោកសាយ ង៉ែត អភិបាលរងស្រុកគិរីសាគរ ទទួលស្គាល់ថា ពលរដ្ឋជាសេវាករ អាជីករ និងប្រតិបត្តិករមួយចំនួនធំ ពិតជាមិនទាន់យល់ដឹងច្បាស់លាស់ពីរបសៀបការធ្វើបដិសណ្ឋារកិច្ចអតិថិជនបានល្អនៅឡើយទេ។ ដូច្នេះទាមទារឱ្យមានការអប់រំផ្តល់ចំណេះដឹងបន្ថែមដល់ពួកគាត់។
លោក សាយ ង៉ែត គូសបញ្ជាក់ថា បច្ចុប្បន្ន សេវាករ និងអាជីករ ធ្វើបម្រើសេវាទេសចរណ៍តាមតែទម្លាប់ដែលខ្លួនមាន ពោលគឺមិនទាន់ស្តង់ដារបច្ចេកទេស ឬសមត្ថភាពគ្រប់គ្រាន់ផ្តល់សេវាកម្ម ដើម្បីទាញយកប្រាក់ចំណូល គ្រាមានការប្រកួតប្រជែងកាន់តែច្រើន។
លោកអភិបាលរងស្រុកគិរីសាគរ ជឿជាក់ថា សិក្ខាសាលាបណ្តុះបណ្តាលនេះ ជួយផ្តល់ចំណេះដឹងបន្ថែមដល់ពួកគាត់ ដើម្បីយកទៅអនុវត្តដោយការទទួលខុសត្រូវ និងជំនួសមកវិញនូវការទទួលបានអតិថិជនច្រើនជាងមុន។
ក្រៅពីមុខរបរនេសាទ ភូមិកោះស្តេចមានប្រជាពលរដ្ឋប្រមាណ៣០គ្រួសារដែលកំពុងចាប់យកមុខរបរផ្តល់សេវាកម្មស្នាក់នៅ និងម្ហូបអាហារបម្រើដល់ភ្ញៀវទេសចរមកលេងកម្សាន្ត ស្របពេលមូលដ្ឋានរបស់ពួកគាត់មានសក្តានុពលវិស័យទេសចរណ៍ធម្មជាតិជាច្រើន៕
អត្ថបទ ៖ សិរីវឌ្ឍនៈ
អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ