Connect with us

ព័ត៌មានជាតិ

អាជ្ញាធរខេត្តកោះកុង លើកឡើងពីគុណសម្បត្តិមនុស្សវ័យចំណាស់ ដែលធ្វើឲ្យសង្គមជាតិរីកចម្រើនដូចសព្វថ្ងៃ

បានផុស

នៅ

នៅ​ថ្ងៃ​ទី ១ ខែ​វិច្ឆិកា ឆ្នាំ ២០២៣ លោកស្រី​អភិបាល​រង​ខេត្ត​កោះកុង បាន​លើក​ឡើង​ពី​គុណសម្បត្តិ​របស់​មនុស្ស​វ័យ​ចំណាស់ នៅ​កម្ពុជា ថា បាន​ចូលរួម​កសាង​អភិវឌ្ឍន៍​សង្គម​ជាតិ​រីកចម្រើន​មក​ទល់​ថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​លើក​ឡើង​ពី​គុណ​តម្លៃ​របស់​លោកស្រី ឈី វ៉ា អភិបាល​រង​ខេត្ត​កោះកុង នា​ពេលនេះ ធ្វើ​ឡើង​ក្នុង​ទិវា​មនុស្ស​ចាស់​កម្ពុជា និង​ទិវា​មនុស្ស​ចាស់​អន្តរជាតិ ១ តុលា ក្រោម​ប្រធាន «ការ​ជួយ​មនុស្ស​ចាស់ គឺ​ជួយ​យើង​ទាំងអស់​គ្នា​» ដែល​មាន​ការ​ចូលរួម​ពី​ពលរដ្ឋ​វ័យ​ចំណាស់ ១៥០ គ្រួសារ នៅ​ឃុំ​ដង​ពែង ស្រុក​ស្រែ​អំបិល។

លោកស្រី ឈី វ៉ា បាន​បន្ថែម​ថា លោកយាយ លោកតា អ៊ំ មា មីង ជា​មនុស្ស​វ័យ​ចាស់ និង​បុព្វការី​ជន ជា​អ្នក​ផ្តល់ និង​រក្សា​ទំនៀមទម្លាប់ ប្រពៃណី​ដ៏​ល្អ កេរ្តិ៍មរតក សម្បត្តិ​វប្បធម៌​ដ៏​សម្បូរ​បែប អប់រំ​ប្រៀន​ប្រដៅ​ប្រកប​ដោយ​គតិបណ្ឌិត ផ្តល់​នូវ​ចំណេះដឹង ចំណេះ​ធ្វើ ជំនាញ​វិជ្ជាជីវៈ និង​បទពិសោធន៍​យ៉ាង​ច្រើន សម្រាប់​មនុស្ស​ជំនាន់​ក្រោយ។

តាមរយៈ​ការ​អាន​សារ​លិខិត​របស់ សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​កម្ពុជា  លោកស្រី ឈី វ៉ា ថ្លែង​ថា រាជរដ្ឋាភិបាល អាណត្តិ​ទី ៧ បាន​និង​កំពុង​យកចិត្តទុកដាក់​យ៉ាង​ខ្លាំង​ចំពោះ​មនុស្ស​វ័យ​ចាស់ ដោយ​បាន​ដាក់​ចេញ​នូវ​គោល​នយោបាយ​ជាតិ ស្ដីពី​មនុស្ស​វ័យ​ចាស់ ឆ្នាំ ២០១៧-២០៣០ ក្របខណ្ឌ​គោល​នយោបាយ​ជាតិ​គាំពារ​សង្គម​ឆ្នាំ ២០១៦-២០២៥ កម្មវិធី​នយោបាយ​របស់​រាជរដ្ឋាភិបាល សម្រាប់​ការ​កសាង ការពារ​មាតុភូមិ ឆ្នាំ ២០២៣-២០២៨ ដើម្បី​បង្កើន​ប្រសិទ្ធភាព នៃ​ការ​ផ្ដល់​សេវា​សង្គមកិច្ច​ចំពោះ​ជន​ចាស់ជរា។

ទន្ទឹម​នោះ លោកស្រី​អភិបាលរង​ខេត្ត​កោះកុង បាន​ជំរុញ​ដល់​មន្ទីរ​សង្គមកិច្ច ព្រមទាំង​អាជ្ញាធរ​មូលដ្ឋាន បង្កើន​ការ​ចុះ​ពិនិត្យ​ស្រង់​កំណត់​អត្តសញ្ញាណ​ជន​មាន​ពិការភាព​ឲ្យ​ជាក់លាក់ សំដៅ​ធ្វើ​យ៉ាង​ណា​ផ្តល់​សេវា​គាំពារ​សង្គម​បាន​ឆាប់រហ័ស។

តប​បញ្ហា​នេះ លោក គង់ សំរិទ្ធ ប្រធាន​មន្ទីរ​សង្គមកិច្ច អតីត​យុទ្ធជន និង​យុវ​នីតិសម្បទា​ខេត្ត​កោះកុង បាន​មាន​ប្រសាសន៍​ថា ក្រុមការងារ​ជំនាញ បាន​ចុះ​កំណត់​អត្តសញ្ញាណ​ជន​ពិការ​ភាព​ដោយ​ទទួល​បាន​លទ្ធផល​ការងារ​សរុប ១៤០០ គ្រួសារ។ ជាក់ស្ដែង​ក្នុង​ចំណោម ១៥០០ នាក់ មាន​តែ ៣៦៧ នាក់ ដែល​ជាប់​ការ​សម្ភាសន៍​ជន​មាន​ពិការភាព​ក្នុង​មូលដ្ឋាន។

មន្ទីរ នឹង​បង្កើន​ការ​សហការ​ជាមួយ​អាជ្ញាធរ​ឃុំ​សង្កាត់​អនុវត្ត​បន្ថែម​ទៀត ដើម្បី​ស្រង់​ស្ថិតិ​បាន​សុក្រឹត និង​ផ្តល់​អត្ថប្រយោជន៍​ជូន​ក្រុម​ជន​គោលដៅ។

ចំណែក​លោក ជា ចាន់​កញ្ញា អភិបាល​ស្រុក​ស្រែអំបិល បាន​ឲ្យ​ដឹង​ដែរ​ថា តាម​ក្រឹត្យក្រម​ធម្មជាតិ ជន​គ្រប់រូប​ពេល​ដល់​វ័យ​ចំណាស់​ទៅ បញ្ញា ស្មារតី និង​សុខភាព កាន់តែ​ចុះ​ខ្សោយ ចាំបាច់​ត្រូវ​មាន​ការ​គាំពារ ផ្ដល់​ការ​លើក​ទឹកចិត្ត និង​ការ​យកចិត្តទុកដាក់​ពី​កូនចៅ ក៏ដូចជា​រាជរដ្ឋាភិបាល​ក្នុង​គោលដៅ​ឲ្យ​ពួកគាត់​មាន​ភាព​រឹងមាំ អាយុ​យឺនយូរ។

លោក​អភិបាលស្រុក​ស្រែអំបិល បាន​បញ្ជាក់​ថា ការ​គិតគូរ និង​លើក​កម្ពស់​កិច្ច​គាំពារ​មនុស្ស​ចាស់​នៅ​គ្រប់​ទីកន្លែង ក៏ដូចជា​ស្រុកស្រែ​អំបិល ជា​យន្តការ​មិន​ធ្វើ​ឲ្យ​មនុស្ស​ចាស់​ឯកោ​នោះ​ឡើយ ខណៈ​ពួកគាត់​មាន​តម្រូវការ​សេវា​ថែទាំ​សុខភាព ថវិកា លំនៅដ្ឋាន និង​ស្បៀងអាហារ​ជាដើម។ កន្លងទៅ អាជ្ញាធរ​ស្រុក ក៏បាន​ធ្វើ​ការងារ​ច្រើន ដើម្បី​ពួកគាត់​មាន​បណ្ណ​សមធម៌ ឬ​បណ្ណ​ក្រីក្រ និង​ផ្តល់​ស្បៀង​អាហារ​ទៀត​ផង៕

អត្ថបទ ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៣ នាទី មុន

ប៉ាគីស្ថាន ​ចោទ​ ឥណ្ឌា​ ​សម្លាប់ពលរដ្ឋខ្លួន​ក្រៅ​ប្រព័ន្ធ​តុលាការ​

ព័ត៌មានជាតិ២៣ នាទី មុន

លោក លី ធុជ ដឹកនាំកិច្ចប្រជុំត្រៀមរៀបចំកិច្ចប្រជុំកំពូលសៀមរាប-អង្គរ ស្តីពីពិភពលោកមួយគ្មានមីននៃអនុសញ្ញាអូតាវ៉ា

ព័ត៌មានជាតិ៣២ នាទី មុន

ម្ចាស់ដី​ស្របច្បាប់​ស្នើ​អាជ្ញាធរស្រុកកណ្តាលស្ទឹង​បង្ក្រាប​ក្រុម​អណាធិបតេយ្យ​ចាប់​ដី​សង់​រោង​លើ​ដីមាន​ម្ចាស់

KPT+៤៧ នាទី មុន

មិនបាច់ទៅចាក់បង្គា ចាប់សត្វសមុទ្រឯណាឆ្ងាយទេ តែជាង ១០គ.ម ពីក្រុងកែប កម្សាន្តបានពេញមួយរាត្រី

ព័ត៌មានអន្ដរជាតិ៤៩ នាទី មុន

អៀរឡង់ រកឃើញគ្រោងឆ្អឹងមនុស្សអាយុកាល ២,៥០០ ឆ្នាំ

ព័ត៌មានអន្ដរជាតិ៧ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៧ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ចរាចរណ៍២ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

Sokha Hotels

ព័ត៌មានពេញនិយម