ព័ត៌មានជាតិ
ភ្នំពេញ មិនរឹតបន្តឹងច្បាប់ចរាចរណ៍ មិនយកថ្លៃផ្ញើយានជំនិះ ២ ថ្ងៃប្រឡងទុតិយភូមិ
ក្នុងរយៈពេល ២ថ្ងៃ គឺថ្ងៃទី៦ និង ទី៧ ខែវិច្ឆិកា ឆ្នាំ២០២៤ នេះ អាជ្ញាធររាជធានីភ្នំពេញ បានធ្វើការណែនាំកម្លាំងប៉ូលិសទាំងអស់ ពិសេសកងកម្លាំង នៃអធិការដ្ឋាននគរបាលខណ្ឌទាំង១៤ នៅក្នុងរាជធានីភ្នំពេញ ដាច់ខាតមិនឱ្យដាក់កម្លាំងដើម្បីរឹតបន្តឹងច្បាប់ចរាធរផ្លូវគោកនោះទេ ដើម្បីសម្រួលសារាចរណ៍ដល់សិស្សានុសិស្សទៅប្រឡងសញ្ញាបត្រមធ្យមសិក្សាទុតិយភូមិ ទាន់ពេលវេលា។ ចំណែកថ្លៃផ្ញើយានជំនិះ ក៏មិនឱ្យយកពីបេក្ខជន។
![](https://www.kampucheathmey.com/wp-content/uploads/2023/11/IMG_3738-1024x682.jpeg)
នេះជាការណែនាំរបស់ លោក កើត ឆែ អភិបាលស្តីទី នៃគណៈអភិបាល រាជធានីភ្នំពេញ ក្នុងកិច្ចប្រជុំ ស្តីពី វិធានការរៀបចំការប្រទ្បងសញ្ញាបត្រមធ្យមសិក្សាទុតិយភូមិ នាព្រឹកថ្ងៃទី៣ ខែវិច្ជិកា ឆ្នាំ២០២៣នេះ នៅសាលារាជធានីភ្នំពេញ ដែលកិច្ចប្រជុំមានការចូលរួមពី អង្គភាពប្រឆាំងអំពើពុករលួយ (ACU) និងតំណាងក្រសួងអប់រំ យុវជន និងកីឡា ព្រមទាំងអាជ្ញាធរ និងកងកម្លាំងទាំង ១៤ខណ្ឌ។
![](https://www.kampucheathmey.com/wp-content/uploads/2023/11/IMG_3727-1024x682.jpeg)
កិច្ចប្រជុំនេះធ្វើឡើងដើម្បីពង្រឹង សន្តិសុខ សណ្តាប់ធ្នាប់ នៅក្នុងការប្រឡង សំខាន់ឱ្យដំណើរការ នៃការប្រឡងនេះ ទទួលបានជោគជ័យ និងមិនមានភាពថ្លោះធ្លោយ។
![](https://www.kampucheathmey.com/wp-content/uploads/2023/11/IMG_3730-1024x682.jpeg)
លោក កើត ឆែ បានធ្វើការណែនាំអាជ្ញាធរ ក៏ដូចជាកងកម្លាំងប្រដាប់អាវុធទាំងអស់ ត្រូវពង្រឹងសុវត្ថិភាពនៅគ្រប់មណ្ឌលប្រឡងទាំងអស់ កុំឱ្យឆកល្វែងណាមួយកើតឡើង នៅពេលប្រឡងនេះ។ បន្ថែមពីនេះ លោកបានណែនាំអាជ្ញាធរខណ្ឌ ត្រូវចុះពិនិត្យរដ្ឋបាលចំពោះមណ្ឌលប្រឡងណា ដែលមានបងប្អូនប្រជាពលរដ្ឋស្នាក់នៅ និងការណែនាំទៅមន្ទីរសុខាភិបាល ដាក់ក្រុមគ្រូពេទ្យ ដើម្បីព្យាបាល ក៏ដូចជាសង្គ្រោះនៅពេលមានបេក្ខជនជនណាមួយមានបញ្ហាសុខភាព។
![](https://www.kampucheathmey.com/wp-content/uploads/2023/11/IMG_3736-1024x730.jpeg)
ពាក់ព័ន្ធនឹងការផ្ញើកង់ ម៉ូតូវិញ លោក កើត ឆែ បានណែនាំមិនឱ្យយកប្រាក់ឡើយ នៅពេលប្រឡង ២ថ្ងៃនេះ ដោយរាល់ការចំណាយទាំងនេះ គឺរដ្ឋបាលរាជធានីភ្នំពេញជាអ្នកចេញ។ បន្ថែមពីនេះ សម្រាប់កម្លាំងប៉ូលិសទាំងអស់ ពិសេស កម្លាំងប៉ូលិស នៃអធិការដ្ឋាននគរបាលខណ្ឌទាំង១៤ គឺមិនត្រូវដាក់កម្លាំងរឹតបន្តឹងច្បាប់ចរាធរផ្លូវគោកនោះទេ ដើម្បីសម្រួលសារាចរណ៍ដល់សិស្សានុសិស្សបានទៅប្រឡងសញ្ញាបត្រមធ្យមសិក្សាទុតិយភូមិ បានទាន់ពេលវេលា។
![](https://www.kampucheathmey.com/wp-content/uploads/2023/11/IMG_3739-1024x682.jpeg)
គួរបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិឆ្នាំនេះ មានបេក្ខជនចុះឈ្មោះប្រឡងសរុបចំនួន ១៣៧ ៤១២នាក់ កើនឡើងជាងឆ្នាំមុន ៩ ២៧៧ នាក់ ដោយមានស្រី ៧៣ ២៧៨ នាក់ ចែកជា ២២៧ មណ្ឌល ត្រូវជា ៥ ៥៤៣ បន្ទប់។ ក្នុងនោះបេក្ខជនថ្នាក់វិទ្យាសាស្ត្រមានចំនួន ៤១ ៣៧៩ នាក់ ស្រី ២៤ ៧៨៩ នាក់ បេក្ខជនថ្នាក់វិទ្យាសាស្ត្រសង្គមមានចំនួន ៩៦ ០៣៣ នាក់ ស្រី ៤៨ ៤៨៩ នាក់។ ចំណែកគណៈមេប្រយោគ និងគណៈកម្មការផ្សេងៗ ដែលត្រូវចូលរួមក្នុងដំណើរការប្រឡងនៅគ្រប់ដំណាក់កាលមានចំនួនសរុប ២៩ ៥២៥ នាក់ ក្នុងនោះមកពីថ្នាក់ក្រសួងចំនួន ៤ ១២៦ នាក់ និងមកពីថ្នាក់រាជធានី ខេត្តចំនួន ២៥ ៣៩៩ នាក់។ ដោយឡែក សម្រាប់រាជធានីភ្នំពេញ មានមណ្ឌលប្រឡងចំនួន ៣១ មណ្ឌល និងមានបេក្ខជនចំនួន ២៥ ៨៣៥ នាក់៕
អត្ថបទ៖ ស្រីរ័ត្ន
![](https://www.kampucheathmey.com/wp-content/uploads/2023/11/IMG_3731-1024x682.jpeg)
![](https://www.kampucheathmey.com/wp-content/uploads/2023/11/IMG_3734-1024x682.jpeg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ