Connect with us

ព័ត៌មានជាតិ

មន្ត្រីជាន់ខ្ពស់អប់រំ៖ សិស្សទទួលបានការអប់រំនិងរៀនឌីជីថលពីក្មេងជួយឱ្យការសិក្សាផ្នែកវិទ្យាសាស្ត្រ​បានល្អប្រសើរ

បានផុស

នៅ

មន្ត្រីជាន់ខ្ពស់ក្រសួងអប់រំយុវជននិងកីឡា បានអះអាងថា ពេលដែលសិស្សទទួលបានការអប់រំ និងរៀនឌីជីថលពីក្មេង ដោយមានការគ្រប់គ្រងបានល្អពីគ្រូ និងអាណាព្យាបាល នោះលទ្ធផលសិក្សាលើផ្នែកវិទ្យាសាស្ត្រ និងវិទ្យាសាស្ត្រ
សង្គមរបស់ពួកគេបានល្អប្រសើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងការប្រកួត Think! Think! World Cup ប្រចាំឆ្នាំ២០២៣ និងពិធីបិទគម្រោងនៃការស្រង់មតិផ្ទៀងផ្ទាត់របស់JICAនៅរសៀលថ្ងៃទី០៥វិច្ឆិកា នៅផ្សារទំនើបអ៊ីអន៣ លោក សាន វឌ្ឍនា អនុរដ្ឋលេខាធិការក្រសួងអប់រំយុវជន និងកីឡា បានបន្តថា ការទទួលបានចំណេះដឹងផ្នែក STEM តាំងពីក្មេង និងបណ្តុះជំនាញក្នុងសតវត្សរ៍ទី ២១ គឺជាកត្តាសំខាន់ក្នុងសង្គម ដែលមានការវិវឌ្ឍន៍យ៉ាងឆាប់រហ័សនាពេលបច្ចុប្បន្ននេះ។ Think!Think! World Cup ផ្តល់ឱកាសដ៏ល្អសម្រាប់សិស្សដើម្បីអភិវឌ្ឍចំណាប់អារម្មណ៍របស់សិស្សទៅលើមុខវិជ្ជា STEM ។

លោកអនុរដ្ឋលេខាធិការ បានថ្លែងអំណរគុណចំពោះរាជរដ្ឋាភិបាល និងប្រជាជនជប៉ុន អង្គការចាយកាដែលបានផ្តល់ ការគាំទ្រដល់ការអប់រំ ឌីជីថល នៅកម្ពុជាដើម្បីធ្វើឱ្យអនាគតសិស្សានុសិស្សកម្ពុជាកាន់តែមានឱកាសប្រសើរ និងទទួលបានការអប់រំកាន់តែល្អក្នុងបរិបទការអប់រំនាសតវត្សទី២១ នេះ ។

លោក Sanui Kazumasa ប្រធានតំណាងអង្គការ JICA ប្រចាំប្រទេសកម្ពុជាបានសម្តែងនូវសេចក្តីសោមនស្សរីករាយ ដែលសិស្សានុសិស្សនៅកម្ពុជាបន្តរីករាយជាមួយកម្មវិធី ThinkThink ដែលជា EdTech ល្អបំផុតពីប្រទេសជប៉ុន និងជាកម្មវិធីហ្គេមអប់រំដ៏ល្បីល្បាញលើពិភពលោក។ JICA បាននាំយក Think!Think! មកកម្ពុជាតាំងពីឆ្នាំ២០១៨ មកម្ល៉េះ។

ក្រៅពីការប្រកួត Think! Think! World Cup ឪពុកម្តាយ និងសិស្សានុសិស្សក៏អាចរីករាយ និងទទួលបាននូវបទពិសោធន៍ជាមួយនឹងសកម្មភាពជាច្រើនដែលទាក់ទងពីវប្បធម៌ជប៉ុនដូចជាការធ្វើនំតាកូយ៉ាគី បទពិសោធន៍ស្លៀកពាក់បែបជប៉ុន និងសកម្មភាពជាច្រើនទៀត។

គួរបញ្ជាក់ថា ព្រឹត្តិការណ៍នេះរៀបចំដោយក្រសួងអប់រំ យុវជន និងកីឡា JICA និងThink!Think! កម្ពុជា ដើម្បីលើកកម្ពស់ការអប់រំ STEM នៅវ័យក្មេងដោយប្រើកម្មវិធី Think!Think!សិស្សជាង ៣០០០នាក់មកពី​Think!Think! Learning Lab មជ្ឈមណ្ឌលសិក្សាឌីជីថលជប៉ុន និងដៃគូសាលារដ្ឋចំនួន៩ នៅទូទាំងប្រទេស​កម្ពុជា​បានចូលរួមការប្រកួតនេះ។

Think!Think! គឺជា Edtech លេខ១ របស់ប្រទេសជប៉ុនដែលផ្តោតលើការគិតបែបស៊ីជម្រៅ និងជំនាញបំណិនសង្គម។ Think!Think! មានអ្នកប្រើប្រាស់ជាង 2.5 លាននាក់នៅទូទាំងពិភពលោកហើយបានទទួលពានរង្វាន់ជាច្រើនដូចជា Think!Think! ជាកម្មវិធីល្អបំផុតរបស់ Google សម្រាប់កុមារ និងកម្មវិធីសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) Most Innovative App ។ Think!Think! មានគោលបំណងជំរុញទឹកចិត្តស្រឡាញ់ការសិក្សារបស់កុមារ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម