Connect with us

ព័ត៌មានជាតិ

វិនិយោគិនចិន ថ្លែងថា ប្រទេសកម្ពុជា ពិសេសខេត្តព្រះសីហនុ មិនមានបញ្ហារឿងសុវត្ថិភាពឡើយ

បានផុស

នៅ

វិនិយោគិនចិន ដែលវិនិយោគនៅតំបន់សេដ្ឋកិច្ចពិសេសខេមបូឌា ចេជាង ហ្គ័រជី ខេត្តព្រះសីហនុ បានថ្លែងប្រាប់ទៅមហាជនចិន ជាពិសេសអ្នកវិនិយោគដូចគ្នាថា នៅប្រទេសកម្ពុជា ជាពិសេសនៅខេត្តព្រះសីហនុ មិនមានបញ្ហារឿងសុវត្ថិភាពឡើយ។ នេះបើតាមការឲ្យដឹងពីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឲ្យដឹងនេះ បានធ្វើឡើងក្នុងពិធីជួបសំណេះសំណាល ជាមួយកម្មករ-និយោជិតចំនួន ១៥១៨៤នាក់ នៅតាមបណ្តា​រោងចក្រ សហគ្រាស ដែលមានមូលដ្ឋានក្នុងតំបន់សេដ្ឋកិច្ចពិសេស ខេមបូឌា ចេជាង ហ្គ័រជី ខេត្តព្រះសីហនុ នាថ្ងៃទី ៧ ខែវិច្ឆិកា ឆ្នាំ ២០២៣នេះ។

សម្ដេចធិបតី ហ៊ុន ម៉ាណែត បានរំលឹកថា កាលពីអញ្ជើញទៅបំពេញទស្សនកិច្ច នៅប្រទេសចិន សម្ដេច បានជួបពិភាក្សាជាមួយវិនិយោគិនចិន ដែលវិនិយោគនៅតំបន់សេដ្ឋកិច្ចពិសេស ខេមបូឌា ចេជាង ហ្គ័រជី ខេត្តព្រះសីហនុ។ នៅក្នុងដំណើរទស្សនកិច្ចនោះ សម្ដេច ក៏ទទួលបានមតិមួយចំនួនលើកឡើងអំពីបញ្ហាសុវត្ថិភាព នៅខេត្តព្រះសីហនុ ក្រោយ ពីមានភាពយន្ដចិនមួយ ត្រូវបានចាក់បញ្ចាំង។ ប៉ុន្តែ ត្រូវបានតំណាងក្រុមហ៊ុនវិនិយោគ ចេជាង ហ្គ័រជី ឡើងថ្លែងបញ្ជាក់ ថា មិនមានបញ្ហានេះកើតឡើងនោះឡើយ។

សម្ដេចធិបតី ហ៊ុន ម៉ាណែត បានថ្លែងថា «ហើយកាលខ្ញុំទៅប៉េកាំង ថ្ងៃមុន ជួបជាមួយបងប្អូនពីតំបន់សេដ្ឋកិច្ចចេជាង ហ្នឹងតែម្ដង ទៅចិន មានមតិមហាជនមួយចំនួន គាត់ព្រួយបារម្ភពីសុវត្ថិភាព ព្រោះមានរឿងកុនចិនមួយ គាត់ថា រឿងស្អីៗ អសុវត្ថិភាពកំពង់សោម ចឹងគេភ័យ ដល់ក្រុមហ៊ុនវិនិយោគនៅទីនេះ គាត់ឡើងនិយាយ គាត់ថា អត់ទេ គាត់ធ្វើការនៅហ្នឹងរាល់ថ្ងៃ បុគ្គលិកគាត់មកពីចិនក៏មាន នៅខ្មែរក៏មាន អត់មានអ្នកណាភ័យផងហ្នឹង ហើយគាត់ទៅប្រើប្រាប់គេទៀត»។

សម្ដេចនាយករដ្ឋមន្ត្រី បានថ្លែងអំណរគុណដល់វិនិយោគិនចិន និងអ្នកវិនិយោគដទៃទៀត​ ដែលបានជឿទុកចិត្តលើរាជរដ្ឋាភិបាលកម្ពុជា ហើយបានយកចិត្តទុកដាក់ទៅលើបរិស្ថានការងារ និងសុវត្ថិភាពការងាររបស់កម្មករ-និយោជិត។ សម្ដេចធិបតី ហ៊ុន ម៉ាណែត ក៏បានអំពាវនាវដល់វិនិយោគិនទាំងអស់ បន្តជឿទុកចិត្តលើរាជរដ្ឋាភិបាលកម្ពុជា ហើយសូមបន្តវិនិយោគបន្តទៀត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

កសិករ​ខេត្ត​បាត់ដំបង​​ធ្វើ​ស្រូវ​ប្រាំង​ទិន្នផលមធ្យម​​បានជាង ៤ តោន តម្លៃ​ទីផ្សារល្អជាង​ឆ្នាំមុន

កីឡា១៦ នាទី មុន

មុនប៉ះគ្នាល្ងាចនេះ ថៃធ្លាប់ឈ្នះអ៊ូសបេគីស្ថាន១លើកក្នុងប្រវត្តិ៤លើក

ព័ត៌មានជាតិ២៣ នាទី មុន

អាជ្ញាធរ និងប្រជាកសិករ ត្រេកអរ ពេលមានទឹកស្រោចស្រពស្រូវប្រាំង

ព័ត៌មានជាតិ២៩ នាទី មុន

​ធនាគារ​ជាតិ​បញ្ចេញ​ថវិកា​ជិត ១៤០ លាន​ដុល្លារ​ដើម្បី​រក្សា​ស្ថិរភាពអត្រា​ប្តូរ​ប្រាក់​រៀល​លើ​ទីផ្សារ

ព័ត៌មានជាតិ៤០ នាទី មុន

ប្រមុខការទូតកម្ពុជា សាទរការតែងតាំងប្រេសិតពិសេសថ្មីរបស់ប្រធានអាស៊ានជុំវិញបញ្ហានៅ មីយ៉ាន់ម៉ា

Sokha Hotels

ព័ត៌មានពេញនិយម