Connect with us

ព័ត៌មានជាតិ

សម្ដេច ហ៊ុន​ ម៉ាណែត បង្ហាញជាសាធារណៈ នូវនិក្ខេបបទថ្នាក់អនុបណ្ឌិត និងថ្នាក់បណ្ឌិត ផ្នែកសេដ្ឋកិច្ច

បានផុស

នៅ

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅរាត្រ្តីថ្ងៃទី៨ ខែវិច្ឆិកា ឆ្នាំ២០២៣ នេះ បានបង្ហាញជាសាធារណៈ នូវនិក្ខេបបទថ្នាក់អនុបណ្ឌិត ថ្នាក់បណ្ឌិត ផ្នែកសេដ្ឋកិច្ច ដែលសម្ដេចធិបតី បានសិក្សាស្រាវជ្រាវក្នុងពេលសិក្សានៅសាកលវិទ្យាល័យ Bristol ដែលមានមូលដ្ឋាននៅចក្រភពអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការណ៍ដែលប្រមុខរាជរដ្ឋាភិបាលកម្ពុជា ចេញមកបង្ហាញនិក្ខេបបទថ្នាក់អនុបណ្ឌិត ថ្នាក់បណ្ឌិត ផ្នែកសេដ្ឋកិច្ចជាសាធារណៈបែបនេះ គឺឆ្លើបតបនឹងលិខិតបើកចំហររបស់លោក David Whitehouse អ្ន​កសារព័ត៌មានប្រចាំទស្សនាវដ្ដី the Diplomat។  ពាក់ព័ន្ធនឹងនិក្ខេបបទផ្នែកសេដ្ឋកិច្ចរបស់សម្ដេច ហ៊ុន ម៉ាណែត អ្នកសារព័ត៌មានរូបនេះ តែងតែទាក់ទងទៅសាកលវិទ្យាល័យ Bristol ដើម្បីស្នើសុំចម្លងនិក្ខេបបទរបស់សម្ដេច ហ៊ុន ម៉ាណែត ជាច្រើនលើកច្រើនសារ ចាប់តាំងពីពេលសម្ដេចមហាបវរធិបតី ក្លាយជានាយករដ្ឋមន្ត្រីកម្ពុជា។ ទោះត្រូវសាកលវិទ្យាល័យ Bristol  បដិសេធមិនអនុញ្ញាតឱ្យចម្ហងជាច្រើនលើកច្រើនសារ ក៏អ្នកសារព័ត៌មានរូបនេះ នៅតែចង់ដឹងអំពីនិក្ខេបបផ្នែកសេដ្ឋកិច្ចរបស់នាយករដ្ឋមន្ត្រីកម្ពុជា។

យ៉ាងណា កាលពីថ្ងៃទី០២ ខែវិច្ឆិកា ឆ្នាំ២០២៣ សម្ដេចធិបតី ហ៊ុន ម៉ាណែត បានប្រកាសបើកភ្លើងខៀវជាផ្លូវការ ថាប្រសិនបើលោកDavid Whitehouse អ្ន​កសារព័ត៌មានប្រចាំទស្សនាវដ្ដី the Diplomat ស្នើសុំកាន់សម្ដេចដោយផ្ទាល់ សម្ដេចនឹងផ្ដល់និក្ខេបបទថតចម្លងឱ្យអ្នកសារព័ត៌មាននោះវិញ

ជាក់ស្ដែង បន្ទាប់ពីអ្នកសារព័ត៌មា​នលោក David Whitehouse ដាក់លិខិតស្នើសុំនិក្ខេបបទថតចម្លងមកកាន់សម្ដេចធិបតិ សម្ដេចធិបតីក៏បានបង្ហាញជាសារធារណៈ ដូចការប្រកាសជាបើកភ្លឿងខៀវកាលពីមួយសប្ដាហ៍មុន។ ជាមួយនឹងការបង្ហាញជាសាធារណៈនូវនិក្ខេបបទ ថ្នាក់អនុបណ្ឌិត ថ្នាក់បណ្ឌិត ផ្នែកសេដ្ឋកិច្ច សម្ដេចធិបតី​ ហ៊ុន ម៉ាណែត បានឆ្លើយតបទៅកាន់ លោក David Whitehouse អ្ន​កសារព័ត៌មានប្រចាំទស្សនាវដ្ដី the Diplomat ចំនួន៦ចំណុចក្នុងន័យដើមថា៖

ទី១. ខ្ញុំសូមអរគុណ ចំពោះបំណងរបស់លោក ក្នុងការស្វែងរក និក្ខេបបទថ្នាក់បណ្ឌិតរបស់ខ្ញុំ, បើទោះបីជាខ្ញុំនៅតែមិនយល់ច្បាស់អំពីបំណងពិតប្រាកដរបស់លោកក្នុងការស្នើសុំនោះ ក៏ដោយ។

ទី២. ខ្ញុំពិតជាសោកស្តាយ នៅពេលដែលបានដឹងថាលោកមានការលំបាក ក្នុងការស្នើសុំសេចក្តីចម្លងនិក្ខេបបទថ្នាក់បណ្ឌិតនេះ ពីសាកលវិទ្យាល័យ Bristol ។ ខ្ញុំមិនបានដឹងអំពីគោលការណ៍ ឬបទប្បញ្ញត្តិរបស់សាកលវិទ្យាល័យ ពាក់ព័ន្មឹនឹងការគ្រប់គ្រងឬចែកចាយឯកសារស្រាវជ្រាវរបស់និស្សិត  ដូចជានិក្ខេបបទរបស់ខ្ញុំនេះទេ។ តាមការចងចាំរបស់ខ្ញុំ គឺខ្ញុំមិនដែលបានស្នើសុំឱ្យសាកលវិទ្យាល័យ Bristol រក្សានិក្ខេបបទនេះជាការសម្ងាត់នោះឡើយ”។

ទី៣. ខ្ញុំក៏គ្មានហេតុផលណាមួយ ក្នុងការរក្សានិក្ខេបបទរបស់ខ្ញុំជាការសម្ងាត់ដែរ ។ និក្ខេបបទនេះ ជាលទ្ធផលដែលកើតចេញពីការសិក្សាស្រាវជ្រាវ និងការវិភាគជាច្រើនឆ្នាំ រួមទាំងការពិគ្រោះយោបល់ជាប្រចាំ ជាមួយលោកទីប្រឹក្សារបស់ខ្ញុំ (គឺ លោកសាស្រ្តាចារ្យ Jonathan Temple)។ សមិទ្ធផលនេះក៏បានឆ្លងការការពារ នៅចំពោះមុខគណៈកម្មការសាស្ត្រាចារ្យ ដើម្បីទទួលបានការឯកភាពចុងក្រោយ ។

ទី៤. ផ្ទុយទៅវិញ ខ្ញុំក៏ដូចអ្នកសិក្សាស្រាវជ្រាវដទៃទៀតដែរ តែងពេញចិត្តនូវការផ្តល់វាយតម្លៃ ផ្តល់មតិ ចំពោះសមិទ្ធផលការងាររបស់យើង, ជាពិសេស ពីសំណាក់អ្នកដែលមានសមត្ថភាពជំនាញ រួមទាំងអ្នកសិក្សាអ្នកស្រាវជ្រាវដទៃទៀតផងដែរ។ តាមពិតទៅ, ខ្ញុំធ្លាប់បានចែករំលែកសេចក្តីចម្លងនិក្ខេបបទរបស់ខ្ញុំ ជូនទៅបុគ្គលមួយចំនួនរួចមកហើយនាពេលកន្លងមក ដែលមានការចាប់អារម្មណ៍និងបានស្នើសុំមកខ្ញុំ ដែលក្នុងនោះ រួមមានទាំងអ្នកសិក្សាស្រាវជ្រាវផងដែរ។ លោកក៏នឹងទទួលបានសេចក្តីចម្លងនិក្ខេបបទនេះដូចគ្នាដែរ ប្រសិនបើលោកបានស្នើមកខ្ញុំដោយផ្ទាល់តាំងតែពីមុនមក។

ទី៥. ដូច្នេះ, ខ្ញុំសូមឆ្លៀតឱកាសនេះ ចែករំលែកនូវសេចក្តីចម្លងនិក្ខេបបទរបស់ខ្ញុំ ទាំងថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ជាសាធារណៈ នាពេលនេះ ដើម្បីឱ្យលោក និងអ្នកដែលមានចំណាប់អារម្មណ៍ដទៃទៀត អានស្នាដៃសិក្សាទាំងនេះ ដែលខ្ញុំបានសរសេរ និងបញ្ចប់កាលពីជាង ២១ ឆ្នាំ (ថ្នាក់បរិញ្ញាបត្រជាន់ខ្ពស់) និង ១៦ ឆ្នាំមុន (ថ្នាក់បណ្ឌិត) មកម៉្លេះ ។

ទី៦. សូមជូនពរលោក និងរីករាយអាននិក្ខេបបទរបស់ខ្ញុំ៕

តំណភ្ជាប់ ដើម្បីចុចអាននិក្ខេបបទថ្នាក់អនុបណ្ឌិត ថ្នាក់បណ្ឌិត ផ្នែកសេដ្ឋកិច្ចរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ តំណរភ្ជាប់ទៅកាន់តេឡេក្រាម https://t.me/kptnews/81462

និក្ខេបបទថ្នាក់អនុបណ្ឌិត

និក្ខេបបទថ្នាក់បណ្ឌិត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម