ព័ត៌មានជាតិ
ប្រធានគណៈកម្មាធិការទី៧ព្រឹទ្ធសភា ជួបសំណេះសំណាលជាមួយលោកអភិបាលខណ្ឌច្បារអំពៅ
នាវេលាព្រឹកថ្ងៃទី០៨ ខែកុម្ភះ ឆ្នាំ២០២១នេះ ឯកឧត្តម មុំ ជុនហ៊ុយ ប្រធានគណៈកម្មាធិការទី៧ សមាជិកព្រឹទ្ធិសភា បានដឹកនាំក្រុមមន្ត្រី ចុះសំណេះសំណាល ជាមួយអាជ្ញាធរខណ្ឌច្បារអំពៅ នាសង្កាត់វាលស្បូវ ដើម្បីក្តោបព័ត៌មាន និងស្តាប់របាយការណ៍ផ្សេងៗ ពីសុខទុក្ខរបស់ប្រជាពលរដ្ឋដែលរស់នៅក្នុងសង្កាត់វាលស្បូវទាំងមូលខណ្ឌច្បារអំពៅ ។
ការចុះសំណេះសំណាលខាងលើ ធ្វើឡើង ដោយមានការចូលរួមពីសំណាក់ លោក ចេង មុនីរ៉ា អភិបាលខណ្ឌច្បារអំពៅ លោកស្រីអភិបាលរងខណ្ឌ លោកស្រីចៅសង្កាត់ លោកនាយប៉ុស្តិ៍នគរបាលវាលស្បូវ និងក្រុមមន្ត្រីខណ្ឌសង្កាត់ជាច្រើននាក់ទៀតផងដែរ។ សង្កាត់វាលស្បូវ គឺជាអតីតសង្កាត់ដែលបំបែកចេញពីស្រុកកៀនស្វាយ នៃខេត្តកណ្តាល ហើយបច្ចុប្បន្នស្ថិតក្នុងដែនដី នៃខណ្ឌច្បារអំពៅរាជធានីភ្នំពេញ ។ សង្កាត់មួយនេះ មានចំនួនប្រជាជនរស់នៅសរុប ២៧២២គ្រួសារ ស្មើនឹង ១២០៤០នាក់ ។
ក្នុងអង្គពិធីសំណេះសំណាលខាងលើ លោកលោកស្រីជាចៅសង្កាត់ និងនាយប៉ុស្តិ៍នគរបាល ក៏បានថ្លែងប្រាប់ជារបាយការណ៍ផ្ទាល់មាត់អំពីស្នាដៃ និងការបំពេញកាតព្វកិច្ចរបស់ខ្លួនកន្លងមក ជូនដល់គណះអធិបតី ដើម្បីទទួលជ្រាបផ ងដែរ ។
ទន្ទឹមនឹងនោះ លោកចេង មុនីរ៉ា អភិបាលខណ្ឌច្បារអំពៅ បានថ្លែងរៀបរ៉ាប់ជូនគណះអធិបតី អំពីកិច្ចការងាររដ្ឋបាលជាច្រើនដែលរដ្ឋបាលខណ្ឌ និងសង្កាត់វាលស្បូវបានធ្វើរួមគ្នាកន្លងមក ទាំងការផ្តល់នូវសេវាតម្រូវការផ្សេងៗ ការដោយះស្រាយនូវបញ្ហា និងទុក្ខកង្វល់បងប្អូនពលរដ្ឋ ពិសេសការថែរក្សាការពារនូវសន្តិសុខសុវត្ថិភាពផ្សេងៗជាច្រើន ដើម្បីធានាបានដល់ការរស់នៅរបស់ពួកគាត់ទាំងអស់គ្នាផងដែរ ។ លោកអភិបាលខណ្ឌលើកឡើងបន្តថា បញ្ហាដែលរដ្ឋបាលថ្នាក់ខណ្ឌ កំពុងតែជួបប្រឈមមុខនោះ គឺ បញ្ហាផ្លាស់ប្តូរទីលំនៅរបស់បងប្អូនប្រជាពលរដ្ឋ ព្រោះបងប្អូនពលរដ្ឋខ្លះគាត់មានលំនៅឋានច្រើនកន្លែងដែលមិនមែនមានតែក្នុងខណ្ឌច្បារអំពៅ ហើយពួកគាត់ចូលមករស់នៅ ឬប្តូរចេញពីខណ្ឌច្បារអំពៅ ពួកគាត់ពុំបានធ្វើលិខិតជាមួយរដ្ឋអំណាចបញ្ជាក់ពីការប្តូរឡើយ ដែលជាហេតុធ្វើអោយ អាជ្ញាធរមានការពិបាកក្នុងការគ្រប់គ្រងនូវចំនួនប្រជាជនច្បាស់លាស់មួយរយភាគរយ ដែលកំពុងរស់នៅ ។ លោកថា ពួកគាត់ចង់បានសៀវភៅស្នាក់នៅច្បាស់លាស់ពីអាជ្ញាធរ ដើម្បីយកទៅប្រើប្រាស់តាមសេវាតម្រូវការរបស់ខ្លួន ប៉ុន្តែខ្លួនបែរជាមិនព្រមបំពេញការផ្លាស់ប្តូរទីលំនៅអោយបានច្បាស់លាស់តាមច្បាប់នោះទេ សុខចិត្តនៅរស់នៅទាំងគ្មានតួលេខជាពលរដ្ឋក្នុងខណ្ឌទៅវិញ ។
ក្រោយទទួលស្តាប់នូវការលើកឡើងរបស់លោកអភិបាលខណ្ឌ លោកលោកស្រីចៅសង្កាត់ និងនាយប៉ុស្តិ៍រដ្ឋបាលនគរបាលរួចមក ឯកឧត្តម មុំ ជុនហ៊ុយ ប្រធានគណះកម្មាធិការទី៧ សមាជិកព្រឹទ្ធិសភា បានមានប្រសាសន៍ កោតសសើរខ្ពស់ ដល់ថ្នាក់ដឹកនាំរដ្ឋបាល សង្កាត់ និងខណ្ឌ ដែលបានបំពេញកាតព្វកិច្ចរបស់ខ្លួនប្រកបដោយបទពិសោធន៍ខ្ពស់ និងសុឆន្ទះមុតមាំ ក្នុងការបម្រើការងារជូនបងប្អូនប្រជានៅតាមដែនសមត្ថកិច្ចគ្រប់គ្រងរបស់ខ្លួន នីមួយៗ ។
ឯកឧត្តម ប្រធានគណះអធិបតី បានណែនាំ ដល់មន្ត្រីថ្នាក់ភូមិ សង្កាត់ ខណ្ឌ ត្រូវប្រើប្រាស់នូវឥរិយាបទ អោយបានសមរម្យបំផុតជាមួយពលរដ្ឋ ក្នុងពេលបំពេញកាតព្វកិច្ច និងកំឡុងពេលបំពេញតម្រូវការផ្សងៗជូនពួកគាត់ ជៀសវៀងប្រើសម្តីមិនសមរម្យ ធ្វើអោយពួកគាត់មានការថ្នាំងថ្នាក់ ឬកើតក្តីខឹងសម្បាជាមួយអាជ្ញាធរ ដែលជាមន្ត្រីបម្រើប្រជាជន ។ លើសពីនោះ ក្រុមអាជ្ញាធរ ត្រូវចុះជាប់ និងនៅគៀកជានិច្ចជាមួយពលរដ្ឋ ដើម្បីទទួលបានដឹងពីសុខទុក្ខលំបាករបស់ពួកគាត់ ក្នុងការយកមកពិភាក្សារកដំណោះស្រាយជូនពួកអោយមានប្រសិទ្ធិភាពខ្ពស់ ជៀសវៀងការទុក្ខអោយដំបៅពួកគាត់ ត្រូវឈឺរាំរៃ គ្មានថ្ងៃជាសះ ។ ទន្ទឹមនឹងនោះ ឯកឧត្តម ក៏បានស្នើរអោយអាជ្ញាធរ សង្កាត់ខណ្ឌ ពិសេសសង្កាត់វាលស្បូវខាងលើ ត្រូវបន្តការខិតខំប្រឹងប្រែងនេះបន្តទៀត ដើម្បីបម្រើដល់ផលប្រយោជន៍ ក៏ដូចជាបំពេញសេចក្តីសុខជូន ប្រជាជន និងដើម្បីបម្រើដល់បុព្វហេតុប្រទេសជាតិទាំងមូលផងដែរ ៕
អត្ថបទ៖ នរា
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ