ព័ត៌មានជាតិ
អាជ្ញាធរស្រុកសៀមប៉ាងលើកគម្រោងប្លង់មេអភិវឌ្ឍត្រើយម្ខាងទន្លេសេកុង
អាជ្ញាធរស្រុកសៀមប៉ាង នៃខេត្តស្ទឹងត្រែងបានលើកគម្រោងប្លង់មេត្រៀមរៀបចំអភិវឌ្ឍត្រើយខាងកើតទន្លេសេកុង ដើម្បីប្រែក្លាយតំបន់នេះឲ្យមានផ្លូវខ្វាត់ខ្វែងមានសាលារៀន វត្តអារាម ផ្សារលក់ដូរ ក្រោយពីប្រជាពលរដ្ឋនៅភូមិស្រម៉ ឃុំសេកុង ស្នើសុំឲ្យអាជ្ញាធរអភិវឌ្ឍត្រើយខាងកើតទន្លេឲ្យបានដើរទន្ទឹមគ្នា និងត្រើយខាងលិច។
លោក សារ៉ន តំណាងឱ្យប្រជាពលរដ្ឋជាង ២០០ គ្រួសាររស់នៅភូមិនេះបានបញ្ជាក់ថា៖ អាជ្ញាធរស្រុកសៀមប៉ាងធ្វើការអភិវឌ្ឍហេដ្ឋារចនាសម្ព័ន្ធ នៅត្រើយខាងលិចបានក្រាស់ក្រែលហើយ សូមកុំភ្លេចខាងកើត ដើម្បីកែប្រែជីវភាពរស់នៅខាងកើតទន្លេឱ្យមានភាពរីកចម្រើនដើរទន្ទឹមគ្នា និងត្រើយខាងលិច។
លោកបន្តថា៖ ចំណែកនៅត្រើយខាងកើតពីមួយឆ្នាំទៅមួយឆ្នាំ ការអភិវឌ្ឍនៅមានកម្រិតនៅឡើយ ផ្លូវធ្វើចរាចរណ៍ក៏លំបាកដែរ ពិបាកវាមានតែព្រៃផ្លូវក៏អត់ស្រួល ផ្លូវភក់ ចង់ឱ្យអភិវឌ្ឃឱ្យបានត្រឹមត្រូវបាន ស្អាតស្អំដើម្បីពួកគាត់ងាយស្រួលក្នុងការធ្វើចរាចរណ៍ទៅកាន់ទីរួមស្រុកសៀមប៉ាង។
លោក ផាន់ យុទ្ធ អភិបាលស្រុកសៀមប៉ាងបានបញ្ជាក់ថា៖ ដោយមើលឃើញចំណុចនេះហើយ បានជាអាជ្ញាធរស្រុកលើកគម្រោងប្លង់មេឱ្យហើយ ដើម្បីត្រៀមរៀបចំអភិវឌ្ឍនៅត្រើយខាងកើត ធ្វើឱ្យប្រែក្លាយតំបន់នេះ មានផ្លូវខ្វាត់ខ្វែង មានសាលារៀន វត្តអារាម ផ្សារលក់ដូរផងដែរ។
លោកបន្តថា បើសិនជាយើងមិនបានត្រៀមទុកទេថ្ងៃក្រោយ ត្រូវការពង្រីក ត្រូវការដីរដ្ឋធ្វើអី ប្រជាជនយកអស់ អញ្ចឹងហើយ យើងឃើញដីនៅជុំវិញនេះ ពីមុនជាដីព្រៃទេ ប៉ុន្តែដល់ពេលយើងអភិវឌ្ឍផ្លូវខ្វាត់ខ្វែងអញ្ចឹងទៅ ជាដីមួយអាចបែងចែកជាតំបន់រដ្ឋបាលដើម្បីសម្រាប់ត្រៀមអភិវឌ្ឍនៅពេលខាងមុខ។
លោក ហែម គឹនសាន បានគាំទ្រចំពោះចក្ខុវិស័យនេះ ព្រោះការមកអភិវឌ្ឍមានភាពយឺតយ៉ាវ ល្អជាងមិនបានមកធ្វើសោះ ព្រោះសមិទ្ធផលដែលយើងទទួលបាន ជាគុណបំណាច់មួយរបស់រាជរដ្ឋាភិបាល ដែលប្រជាពលរដ្ខយើងត្រូវចងចាំដែរនេះជាគុណនូបការៈដ៍ថ្លៃថ្លាបំផុត ដែលយើងខ្ញុំទាំងអស់គ្នានៅក្នុងឃុំសេកុងនិយាយជារួមនៅស្រុកសៀមប៉ាង មិនភ្លេចទេគណៈបក្សប្រជាជនបានដឹកនាំដ៍ថ្លៃថ្លាបំផុត ចំពោះប្រជាជនយើងនៅក្នុងស្រុក ហើយអំណរសាទរនេះមិនអាចបំភ្លេចបានឡើយ។
សូមបញ្ជាក់ថា៖ តំបន់អភិវឌ្ឍនេះអាជ្ញាធរស្រុករៀបចំទុកផ្ទៃដីជាង១០ហិកតា សម្រាប់សាងសង់ជា សាលារៀន កីឡាដ្ឋាន វត្តអារាម ទីតាំងកប់សព្វ ទីតាំងអភិក្សប្រពៃណី ទីតាំងដីសាធារណការ និងទីតាំងដីសម្រាប់សាងសង់ផ្សារលក់ដូរជូនកសិករនៅត្រើយខាងកើតនោះផងដែរ៕
អត្ថបទ៖ ងិនលីម
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ