ព័ត៌មានជាតិ
អភិបាលខេត្តស្វាយរៀង ផ្តល់ម៉ូតូ១គ្រឿង និងថវិកា២សែនរៀល ដល់សិស្សនិទ្ទេសA ទូទាំងខេត្ត
លោក ប៉េង ពោធិ៍សា អភិបាលខេត្តស្វាយរៀង នៅព្រឹកថ្ងៃពុធនេះ បានបើកកិច្ចប្រជុំស្តីពីការជួយឧបត្ថម្ភដល់សិស្សដែលប្រឡងជាប់និទ្ទេសA នៅខេត្តស្វាយរៀង ក្នុងការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៣។ ក្នុងនោះ អភិបាលខេត្តស្វាយរៀង សម្រេចថា នឹងផ្តល់ម៉ូតូ១គ្រឿង និងប្រាក់ ២សែនរៀល ដល់សិស្សចំនួន១៦នាក់ដែលបានជាប់និទ្ទេស A នៅទូទាំងខេត្តស្វាយរៀង។
មានប្រសាសន៍នៅក្នុងកិច្ចប្រជុំនេះ លោក ប៉េង ពោធិ៍សា អភិបាលខេត្តស្វាយរៀង បានថ្លែងអំណរគុណ និងកោតសរសើរចំពោះមន្ទីរ-អង្គភាពពាក់ព័ន្ធដែលបានចូលរួមចំណែកជាមួយរដ្ឋបាលខេត្តក្នុងការចូលរួមឧបត្ថម្ភគាំទ្រទាំងសម្ភារៈ និងថវិកាលើកទឹកចិត្តដល់សិស្សានុសិស្សដែលបានប្រឡងជាប់និទ្ទេស A ក្នុងខេត្តស្វាយរៀងទាំង១៦រូប។ សម្រាប់សិស្សនិទ្ទេស A គឺមានម៉ូតូម៉ាកវ៉េវស៊េរីឆ្នាំ២០២៤មួយគ្រឿង មួកសុវត្ថិភាព ព្រមទាំងថវិកាចំនួន២០០,០០០រៀលផងដែរ ហើយពិធីចែករង្វាន់ដល់សិស្សបាននិទ្ទេស A នឹងប្រព្រឹត្តទៅនៅពេលឆាប់ៗខាងមុខនេះ។
សូមបញ្ជាក់ថា បើតាមលទ្ធផលរបស់ក្រសួងអប់រំ យុវជន និងកីឡា បេក្ខជនដែលប្រឡងបាក់ឌុបជាប់សម្រាប់ឆ្នាំ២០២៣នេះ មានចំនួន ៩៨ ៤៦០នាក់ ស្មើនឹង ៧២,៨៩%។ សិស្សទទួលបាននិទ្ទេស A មានចំនួន ១ ៦៧៣នាក់, និទ្ទេស B មានចំនួន ៦ ៩៦៤នាក់, និទ្ទេស C មានចំនួន ១៨ ៣០៨នាក់, និទ្ទេស D មានចំនួន ៣៤ ២៤៦នាក់ និងនិទ្ទេស E មានចំនួន ៣៧ ២៦៩នាក់៕
ដោយ៖ ភក្ដី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង