ព័ត៌មានជាតិ
ក្រសួងអប់រំប្រកាសដាក់ឱ្យអនុវត្តផែនការសកម្មភាពគោលនយោបាយស្តីពីគ្រូបង្រៀនឆ្នាំ ២០២៤-២០៣០
ក្រសួងអប់រំយុវជននិងកីឡា បានប្រកាសដាក់ឱ្យអនុវត្ត “ផែនការសកម្មភាពគោលនយោបាយ ស្តីពីគ្រូបង្រៀនឆ្នាំ ២០២៤-២០៣០” ដើម្បីឱ្យគ្រូបង្រៀនក្លាយជាអ្នកផលិតចំណេះដឹង អ្នកអនុវត្តពិតប្រាកដនៅកម្រិតសាលារៀន
និងជាដៃគូសម្រាប់កែលម្អគោលនយោបាយ។
ថ្លែងក្នុងពិធី “ផែនការសកម្មភាព គោលនយោបាយ ស្តីពីគ្រូបង្រៀនឆ្នាំ ២០២៤-២០៣០” កាលពីចុងសប្តាហ៍នេះ លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានកោតសរសើរ
និងថ្លែងអំណរគុណដល់ក្រុមការងារ គណៈកម្មការអភិវឌ្ឍគ្រូបង្រៀន និងដៃគូពាក់ព័ន្ធ ជាពិសេសអង្គការយូនីសេហ្វ
តាមរយៈមូលនិធិភាពជាដៃគូសម្រាប់អភិវឌ្ឍវិស័យអប់រំ ដែលបានសហការ និងផ្តល់ការឧបត្ថម្ភគាំទ្រ ទាំងសម្ភារៈ ថវិកា
និងបច្ចេកទេសក្នុងការជួយរៀបចំផែនការសកម្មភាព និងការចូលរួមអនុវត្តផែនការសកម្មភាពគោលនយោបាយស្តីពីគ្រូបង្រៀនជាច្រើនឆ្នាំមកនេះ និងសម្រេចបានលទ្ធផលជាច្រើន។
លោកឧបនាយករដ្ឋមន្ត្រីបានបន្តថា នៅក្នុងដំណាក់កាលពីឆ្នាំ២០២៣ ដល់ឆ្នាំ២០២៨ ក្រសួងនឹងបន្តការយកចិត្តទុកដាក់លើគ្រូបង្រៀនដោយចាត់ទុកថាគ្រូបង្រៀននៅកម្ពុជានឹងត្រូវទទួលបានការជឿទុកចិត្ត និងការទទួលស្គាល់ថា ជា “អ្នកផលិតចំណេះដឹង អ្នកអនុវត្តពិតប្រាកដនៅកម្រិតសាលារៀន និងជាដៃគូសម្រាប់កែលម្អគោលនយោបាយ”។ លោកឧបនាយករដ្ឋមន្ត្រីបានបន្តទៀតថា ដើម្បីសម្រេចបាននូវគោលដៅនេះ ក្រសួងនឹងបន្តធ្វើកំណែទម្រង់គ្រឹះស្ថានបណ្តុះបណ្តាលគ្រូដោយផ្ដោតលើចំណុចសំខាន់ៗដូចជា៖ (១)ការកែលម្អកម្មវិធីបណ្តុះបណ្តាល និងវិក្រឹតការគ្រូ, (២)ការអភិវឌ្ឍសមត្ថភាពវិជ្ជាជីវៈគ្រូឧទ្ទេសខាងផ្នែកខ្លឹមសារមេរៀន,គរុកោសល្យ និងវិធីសាស្ត្របង្រៀនសម្បូរបែបនិងការប្រើប្រាស់បច្ចេកវិទ្យាក្នុងការបង្រៀន,(៣)ការអភិវឌ្ឍហេដ្ឋារចនាសម្ព័ន្ធស្របតាមបច្ចេកវិទ្យាថ្មីៗ បណ្ណាល័យ និងសម្ភារឧបទេសទំនើបសម្បូរបែប, (៤)ការអភិវឌ្ឍភាពជាអ្នកដឹកនាំនិងគ្រប់គ្រង,(៥)ការផ្សារភ្ជាប់ទ្រឹស្ដីទៅនឹងការអនុវត្ដកម្មវិធីសិក្សាគរុកោសល្យ, និង(៦)ការធានាគុណភាពនៃការបណ្តុះបណ្តាល។
គួរបញ្ជាក់ថា ផែនការសកម្មភាពគោលនយោបាយ ស្តីពីគ្រូបង្រៀនសម្រាប់ឆ្នាំ២០២៤-២០៣០ គឺជាឯកសារដ៏សំខាន់មួយសម្រាប់ការចូលរួមគាំទ្រក្នុងការអនុវត្តយុទ្ធសាស្ត្របញ្ចកោណ ដំណាក់កាលទី១ដែលរាជរដ្ឋាភិបាលកម្ពុជាបានចាត់ទុកវិស័យអប់រំជាវិស័យអាទិភាពទី១ឆ្ពោះទៅអភិវឌ្ឍមូលធនមនុស្សឱ្យមានចំណេះដឹង និងសមត្ថភាពខ្ពស់ ភាពច្នៃប្រឌិត
ស្មារតីសហគ្រិនភាព នវានុវត្តន៍ និងក្រមសីលធម៌ខ្ពស់ក្នុងការរួមចំណែកដល់ការអភិវឌ្ឍសង្គម និងកំណើនសេដ្ឋកិច្ចប្រកប ដោយចីរភាព និងបរិយាបន្ន៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?