ព័ត៌មានជាតិ
ឯកឧត្ដម ហ៊ុន ម៉ានី ៖ ពេលបុគ្គលម្នាក់ៗ ទទួលបានជោគជ័យក្នុងគោលដៅរបស់ខ្លួន សូមចងចាំ កម្ពុជា
ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា សង្កត់ធ្ងន់ថា ពេលដែលបុគ្គលម្នាក់ៗ ទទួលបានជោគជ័យក្នុងគោលដៅរបស់ខ្លួន សូមចងចាំប្រទេសកម្ពុជា និងទុកកម្ពុជានៅកន្លែងណាមួយក្នុងបេះដូង។
ការសង្កត់ធ្ងន់នេះ ក្នុងឱកាស ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញចូលរួមជាអធិបតីភាពក្នុងកម្មវិធី រាត្រីស្រមោលស ជួបជុំម្ចាស់អាជីវកម្មកម្ពុជា (CEO Award 2023) នៅវិមានដឹព្រីមៀ សេនធ័រ សែនសុខ កាលពីរសៀលថ្ងៃទី ១៤ ខែធ្នូ ឆ្នាំ ២០២៣។
ឯកឧត្ដម ហ៊ុន ម៉ានី សង្កត់ធ្ងន់ថា «នៅពេលដែលបុគ្គលម្នាក់ៗ ទទួលបានជោគជ័យក្នុងគោលដៅរបស់ខ្លួន សូមចងចាំកម្ពុជា ហើយសូមទុកកម្ពុជានៅកន្លែងណាមួយក្នុងបេះដូង ព្រោះយើងម្នាក់ៗ មានការទទួលខុសត្រូវលើជោគវាសនាខ្លួន និងប្រទេសជាតិ»។
នាឱកាសនោះដែរ ឯកឧត្ដម ហ៊ុន ម៉ានី បានថ្លែងអំណរគុណ និងកោតសរសើរចំពោះវិទ្យាស្ថានស៊ីអីអូ ដែលតែងតែជ្រោមជ្រែងម្ចាស់អាជីវកម្មរបស់ខ្លួនឲ្យទទួលបានជោគជ័យ និងជំរុញបន្តការចូលរួមចំណែកជាមួយសង្គម ជាផ្នែកមួយយ៉ាងសំខាន់នូវការពង្រឹងខឿនសេដ្ឋកិច្ចកម្ពុជា កាន់តែល្អប្រសើរឡើង ជាពិសេសពង្រីកឱកាសការងារក្នុងប្រទេស។
ឯកឧត្ដម ហ៊ុន ម៉ានី បានបន្តថា ផ្ដើមចេញពីការចូលរួមរបស់បុគ្គលម្នាក់ៗ និងការប្រមូលផ្ដុំដោយមនុស្សមួយក្រុមៗ បានធ្វើឲ្យសង្គមមួយមានការរីកចម្រើន។ ក្រោមហេតុផលនេះហើយ ដែល ស.ស.យ.ក តែងតែបង្កើតកម្មវិធី និងវេទិកា នានាជាច្រើន ដោយបង្កើតបានជាទម្លាប់ឲ្យមានការចូលរួមពីយុវជន និងប្រជាជនវ័យក្មេងមកពីទីកន្លែងផ្សេងគ្នា ជួបជុំគ្នានៅកន្លែងតែមួយ ក្នុងគោលដៅតែមួយ ស្មារតីខ្មែរតែមួយ ដើម្បីសង្គមមួយមានភាពរីកចម្រើន។
ជាមួយនេះ ឯកឧត្ដម ហ៊ុន ម៉ានី ក៏បានផ្ដាំផ្ញើដល់វិទ្យាស្ថានស៊ីអីអូ ក៏ដូចជាយុវជនទូទៅ ថា ភាពជោគជ័យទាំងអស់គ្នា មិនមែនជាភាពជោគជ័យតែម្នាក់ឯងនោះទេ ប៉ុន្តែគឺជាភាពជោគជ័យរបស់ស្ថាប័ន និងប្រទេសជាតិទាំងមូល៕
អត្ថបទ ៖ ពិសី
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ