ព័ត៌មានជាតិ
វិទ្យាស្ថានពហុបច្ចេកទេសខេត្តកោះកុង ផ្ដល់អាហារូបករណ៍ដល់យុវជនមកពីគ្រួសារក្រីក្រ ជាង ៧ រយនាក់
វិទ្យាស្ថានពហុបច្ចេកទេសខេត្តកោះកុង ផ្តល់អាហារូបករណ៍ដល់យុវជនមកពីគ្រួសារក្រីក្រ និងគ្រួសារងាយរងហានិភ័យចំនួន ៧២០ នាក់ ឲ្យចូលរៀនជំនាញវិជ្ជាជីវៈ និងបច្ចេកទេសវិជ្ជាជីវៈ លើមុខជំនាញសំខាន់ៗ ចំនួន ៣ ប្រភេទ ដោយឥតគិតថ្លៃ។
អ្នកអង្គម្ចាស់ ស៊ីសុវត្ថិ ឫទ្ធីរ៉ាវង្ស នាយកវិទ្យាស្ថានពហុបច្ចេកទេសខេត្តកោះកុង បានឲ្យដឹងនៅថ្ងៃទី ១៦ ខែធ្នូ ឆ្នាំ ២០២៣ ថា ក្រៅពីការផ្តល់អាហារូបករណ៍សិស្សឥតបង់ថ្លៃ យុវជន និងគ្រួសារអ្នកក្រីក្រ ឬគ្រួសារងាយរងហានិភ័យ នឹងទទួលបានប្រាក់ឧបត្ថម្ភចំនួន ២៨០.០០០ រៀល ពីរាជរដ្ឋាភិបាលផងដែរ។
អ្នកអង្គម្ចាស់ ស៊ីសុវត្ថិ ឬទ្ធីរ៉ាវង្ស បន្ថែមថា វិទ្យាស្ថានពហុបច្ចេកទេសខេត្តកោះកុង កំពុងផ្តោតការយកចិត្តទុកដាក់លើការចុះផ្សព្វផ្សាយព័ត៌មានស្ដីពីការជ្រើសរើសយុវជនមកពីគ្រួសារមានប័ណ្ណសមធម៌ និងគ្រួសារងាយរងហានិភ័យ ដើម្បីទទួលការបណ្ដុះបណ្ដាលជំនាញអាទិភាពទាំង ៣ គឺ ៖ ទី១.ការងារកំបោរ ,ទី២.ការថែទាំ និងជួសជុលរថយន្ត ,ទី៣.ការដំឡើងបណ្ដាញអគ្គិសនីក្នុងអគារ។
ហើយគិតចាប់តាំងពីថ្ងៃទី ៨ ខែធ្នូ ដល់ថ្ងៃទី ១៥ ខែធ្នូ វិទ្យាស្ថានពហុបច្ចេកទេសខេត្តកោះកុង បង្កើនកិច្ចសហការសម្របសម្រួលពីក្រុមប្រឹក្សាឃុំ-សង្កាត់ ចុះដល់មូលដ្ឋានក្នុងសហគមន៍ទូទាំងខេត្ត ដើម្បីឲ្យគ្រួសារក្រីក្រ ឬគ្រួសារងាយរងហានិភ័យ ដាក់ពាក្យចូលរៀនបានប្រមាណជិត ២០០ នាក់ ហើយ។
អ្នកអង្គម្ចាស់ ពន្យល់ទៀតថា កម្មវិធីសិក្សាជំនាញបច្ចេកទេស សម្របសម្រួលក្នុងការចុះឈ្មោះចូលរៀនដោយពុំមានការរើសអើងភេទ ពណ៌សម្បុរ និងស្ថានភាពរស់នៅ គឺធ្វើឡើងតបតាមគោលនយោបាយអាទិភាពទី ២ (បណ្ដុះបណ្ដាលយុវជន ១,៥ លាននាក់ មកពីគ្រួសារគោលដៅកំណត់ជាអាទិភាព) របស់រាជរដ្ឋាភិបាលអាណត្តិទី ៧ ក្រោមការដឹកនាំដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។
យោងតាមអនុក្រឹត្យស្ដីពីការអនុវត្តកម្មវិធីជាតិជំនួយសង្គមផ្នែកបណ្ដុះបណ្ដាលវិជ្ជាជីវៈ និងបច្ចេកទេស សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យរបស់រាជរដ្ឋាភិបាល គឺមានគោលបំណងផ្តល់ឱកាសស្មើគ្នាជូនយុវជនក្នុងការទទួលបានការអភិវឌ្ឍជំនាញ និងឱកាសការងារកាន់តែល្អប្រសើរក្នុងការបង្កើនប្រាក់ចំណូល និងជីវភាពរស់នៅដល់យុវជននៅកម្ពុជា៕
អត្ថបទ ៖ សិរីវឌ្ឍនៈ
សមាគមទម្លាក់ការព្យាករណ៍ ទិន្នផលផលិតកម្មអំបិលក្រោម ១០ ម៉ឺនតោន ដោយសារអាកាសធាតុ
តួឯករឿង “កូនពស់កេងកង” ទទួលមរណភាពភាពយប់មិញ ក្រោយរងជំងឺសើស្បែកធ្ងន់ធ្ងរអស់ ៥ ឆ្នាំ
មន្ត្រីជាន់ខ្ពស់ការងារ អំពាវនាវកម្មកររោងចក្រស្បែកជើងរងគ្រោះអគ្គិភ័យ រក្សាភាពស្ងប់ស្ងាត់ រង់ចាំការដោះស្រាយពីរោងចក្រ
ប្រទះឃើញសពបុរសម្នាក់ក្នុងវ៉ាលី សមត្ថកិច្ចសន្និដ្ឋានថា ជាករណីឃាតកម្ម
ត្រឹមមួយថ្ងៃ នគរបាលក្រសួងមហាផ្ទៃបង្ក្រាបបទល្មើសគ្រឿងញៀន ២១ករណី ឃាត់ខ្លួនមនុស្ស ៥៣នាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ