ព័ត៌មានជាតិ

អ្នកនាំពាក្យណែនាំកុំឲ្យគ្រូបង្រៀនយកម៉ោងរដ្ឋទៅបើកគួរយកលុយពីសិស្ស

បានផុស

៣ years មុន

នៅ

ថ្ងៃអង្គារ ១៩ ធ្នូ ២០២៣

ដោយ

អ្នកនាំពាក្យក្រសួងអប់រំបានណែនាំដល់គ្រូបង្រៀនមិនត្រូវយកម៉ោងផ្លូវការ (ម៉ោងរដ្ឋ) ទៅបើកបង្រៀនគួរហើយទាមទារប្រាក់កម្រៃ ដាក់សំពាធ ឬ គាបសង្កត់សិស្សឱ្យរៀនគួរជាមួយខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងក្រោយមានគ្រូបង្រៀនមួយចំនួនយកម៉ោងរដ្ឋទៅបើកបង្រៀនគួរ ហើយទារប្រាក់កម្រៃពីសិស្ស ហើយថែមទាំងដាក់សម្ពាធឲ្យសិស្សឲ្យរៀនគួរជាមួយខ្លួនថែមទៀតផង។

លោក កាន់ ពុទ្ធី អ្នកនាំពាក្យក្រសួងអប់រំយុវជននិងកីឡាបានគូសបញ្ជាក់ថា ការយកម៉ោងផ្លូវការ (ម៉ោងរដ្ឋ) ទៅបង្រៀនគួរអាចប៉ះពាល់ដល់លទ្ធផលសិក្សារបស់សិស្ស។

ទាក់ទងការបើកគួរបន្ថែមរបស់គ្រូនៅតាមសាលារដ្ឋ ដែលតាមអាណាព្យាបាលមួយចំនួនថាបានប៉ះពាល់ដល់ការសិក្សារបស់សិស្ស ព្រោះមានគ្រូមួយចំនួនតូចបានបង្ខំឱ្យសិស្សរៀនគួរ ហើយគ្រូខ្លះមិនបង្ខំសិស្សទេតែពេលប្រឡងប្រចាំខែឬឆមាសគាត់យកមេរៀនបង្រៀនគួរក្រៅម៉ោងចេញប្រឡង។

លោក កាន់ ពុទ្ធី បានអះអាងថា ការបើកគួរបង្រៀនបន្ថែមនេះអាចជួយពង្រឹងសមត្ថភាពសិស្សឱ្យកាន់តែប្រសើរឡើងបន្ថែមទៀត តែក៏មិនត្រូវឲ្យប៉ះពាល់ដល់ម៉ោងបង្រៀនរដ្ឋនោះដែរ។

«ដូចជាការចេញសំណួរតេស្តប្រចាំខែ ឆមាស នូវខ្លឹមសារមេរៀនដែលគាត់បង្រៀនសិស្សក្រៅម៉ោង ដែលនាំឱ្យសិស្សដែលមិនបានរៀនក្រៅម៉ោង មិនអាចធ្វើតេស្តបានពិន្ទុល្អដូចអ្នករៀនបន្ថែម, ដាក់ពិន្ទុលម្អៀង ដោយផ្តល់ពិន្ទុច្រើនដល់អ្នករៀនបន្ថែមជាមួយគាត់ ហើយផ្តល់ពិន្ទុតិចដល់អ្នកដែលមិនរៀនបន្ថែម បើទោះបីជាធ្វើត្រូវដូចគ្នាក៏ដោយ និងរើសអើងសិស្សដែលមិនរៀនបន្ថែមជាមួយ ដោយមិនសូវពន្យល់ ឬ មិនយកចិត្តទុកដាក់ពេលសិស្សរៀនក្នុងថ្នាក់រៀនជាដើម»។

លោកសំណូមពរដល់លោកគ្រូ អ្នកគ្រូដែលបង្រៀនគួរបន្ថែមក្រៅម៉ោងសិក្សាដោយយកកម្រៃពីសិស្ស សូមមេត្តាយោគយល់និងលើកលែងដល់សិស្ស ដែលមកពីគ្រួសារក្រីក្រជួបការលំបាក ដើម្បីឱ្យពួកគាត់មានឱកាសទទួលបានការអប់រំដូចសិស្សដទៃទៀតដែរ៕

អត្ថបទ៖ សំអឿន

Related Topics:ក្រសួងអប់រំ យុវជន និងកីឡា