ព័ត៌មានជាតិ

សត្វព្រៃអាចនឹងបាត់បង់ ប្រសិនបើនៅតែមានការបរបាញ់ និងដាក់អន្ទាក់

បានផុស

៤ years មុន

នៅ

ថ្ងៃព្រហស្បតិ៍ ១១ កុម្ភៈ ២០២១

ដោយ

សត្វឈ្លូស២ក្បាល ត្រូវបានជាប់អន្ទាក់ព្រានងាប់ នៅឧទ្យានុរក្សក្នុងដែនជម្រកសត្វព្រៃលំផាត នេះបើយោងតាមអង្គការជីវិតសត្វស្លាបអន្ដរជាតិ ចុះផ្សាយនៅថ្ងៃទី១១ ខែកុម្ភៈ ឆ្នាំ២០២១នេះ។

នេះបើតាមការបញ្ជាក់ពីអង្គការជីវិតសត្វស្លាបអន្ដរជាតិ បានឲ្យដឹងថា កាលពីថ្ងៃទី០៤ ខែកុម្ភៈ ឧទ្យានុរក្សក្នុងដែនជម្រកសត្វព្រៃលំផាត់ បានប្រទះសត្វឈ្លូសចំនួន ០២ក្បាល បានងាប់នៅនិងកន្លែងដែលពួកវាជាប់អន្ទាក់របស់ព្រានព្រៃ តាមការអះអាងសត្វ សត្វឈ្លូស០២ក្បាលនេះ បានងាប់ប្រហែល១អាទិត្យមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប៊ូ វរសក្ស នាយកកម្មវិធីអង្គការ ជីវិតសត្វស្លាប ប្រចាំកម្ពុជា បានបង្ហាញការព្រួយបារម្ភនិងសំណូមពរក្នុងនាមអង្គការ ដល់ឧទ្យានុរក្សដែនជម្រកសត្វព្រៃលំផាត់ មេត្តាបង្កើនការល្បាត ការអនុវត្តច្បាប់នៅតាមទីតាំងត្រពាំងសំខាន់ៗ ដែលនៅសេសសល់ទឹកដើម្បីដោះអន្ទាក់ បង្ក្រាបជនល្មើស និងស្វែងរកជនល្មើស។ លើសពីនេះ លោកក៏បានផ្ដាំផ្ញើដល់ប្រជាពលរដ្ឋមួយចំនួនតូច សូមបញ្ឈប់ការបរបាញ់ និងដាក់អន្ទក់សត្វព្រៃតទៅទៀត ដើម្បីទុកឲ្យកូនចៅជំនន់ក្រោយបានស្គាល់ និងទាក់ទាញភ្ញៀវទេសចរ តាមធម្មជាតិ។

ទន្ទឹមជាមួយគ្នានេះ លោកបានសង្កត់ធ្ងន់ថា អន្ទាក់គឺជាឃាតករសំលាប់សត្វព្រៃយ៉ាងសាហាវ ហើយការកើនចំនួនអន្ទាក់ដ៍ច្រើន និងកំណើននៃការបបាញ់ ការបំពុលតាមត្រពាំង គឺជាកត្តាគំរាមកំហែងដល់សត្វព្រៃដែលអង្គការជីវិតសត្វស្លាបមានការព្រួយបារម្ភយ៉ាងខ្លាំង៕

អត្ថបទ៖ ជលសាល

សូមចុចអាន៖ ស្រាយចម្ងល់ពេលឃើញខ្សែទឹកទន្លេហូរម្ខាងល្អក់ ម្ខាងថ្លានៅទន្លេចតុមុខ

Related Topics:សត្វព្រៃ