ព័ត៌មានជាតិ
ដើមឆ្នាំនេះ រោងចក្រមួយនៅខណ្ឌដង្កោ បានទទួលការកម្ម៉ង់កាបូបចំនួន ១លាន សម្រាប់នាំចេញទៅអាមេរិក
ក្នុងត្រីមាសទី ១ ឆ្នាំ ២០២៤នេះ រោងចក្រផលិតកាបូបគ្រប់ប្រភេទមួយកន្លែង ស្ថិតនៅខណ្ឌដង្កោ រាជធានីភ្នំពេញ បានទទួលការកម្ម៉ង់ឲ្យផលិតកាបូបចំនួន ១លានកាបូប សម្រាប់នាំចេញទៅសហរដ្ឋអាមេរិក។ រោងចក្រនោះ មានឈ្មោះថា ហ្ស៊ីជាង ហេងហ្វេង ថប លេហ្សឺរ (ខេមបូឌា) ឯ.ក ដែលមានទីតាំងស្ថិតនៅក្នុងសួនវឌ្ឍនៈ ២ ផ្លូវជាតិលេខ ៣ ភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ។

កញ្ញា ឡុង ស្រីពៅ ប្រធានរដ្ឋបាលនៃរោងចក្រ ហ្ស៊ីជាង ហេងហ្វេង ថប លេហ្សឺរ (ខេមបូឌា) ឯ.ក មានប្រសាសន៍ប្រាប់កម្ពុជាថ្មី នៅថ្ងៃទី ៣ ខែមករានេះថា ពេញមួយឆ្នាំ ២០២៣កន្លងទៅនេះ រោងចក្រ ហ្ស៊ី ជាង ហេងហ្វេង ថប លេហ្សឺរ បានបញ្ចេញទំនិញជាកាបូបគ្រប់ប្រភេទ ទៅកាន់ទីផ្សារសហរដ្ឋអាមេរិកចំនួន ៣,០០០,០០០កាបូប។

កញ្ញា បានឲ្យដឹងបន្តថា ក្នុងឆ្នាំ ២០២៤ ជាពិសេសក្នុងត្រីមាសទី ១នេះ រោងចក្រ ហ្ស៊ី ជាង ហេងហ្វេង ថប លេហ្សឺរ ទទួលបានការកម្ម៉ង់ចំនួន ១,០០០,០០០កាបូប ហើយបើប្រៀបធៀបនឹងត្រីមាសទី ១ ឆ្នាំ ២០២៣ មានការកើនឡើងចំនួន ៣៥ភាគរយ។ សូមជម្រាបថា រោងចក្រនេះ ផលិតនូវផលិតផលកាបូបគ្រប់ប្រភេទ ហើយនាំចេញទៅកាន់សហរដ្ឋអាមេរិក តែមួយប្រទេសប៉ុណ្ណោះ។

កញ្ញា ឡុង ស្រីពៅ ប្រធានរដ្ឋបាលនៃរោងចក្រ ហ្ស៊ីជាង ហេងហ្វេង ថប លេហ្សឺរ (ខេមបូឌា) ឯ.ក ធ្លាប់បានប្រាប់កម្ពុជាថ្មីថា ក្នុងមួយឆ្នាំរោងចក្រនេះ អាចរកចំណូលបានប្រមាណជា ១២លានដុល្លារអាមេរិក។ គិតត្រឹមឆ្នាំ ២០២៤នេះ គឺជាឆ្នាំទី ៥ហើយ ដែលហ្ស៊ីជាង ហេងហ្វេង ថប លេហ្សឺរ បានបើកដំណើរការ នៅរាជធានីភ្នំពេញ។

បើតាមប្រធានរដ្ឋបាលដដែល អ្នកបញ្ជាទិញនៅសហរដ្ឋអាមេរិក បានកោតសរសើរអំពីគុណភាពផលិតផលកាបូប ដែលផលិតនៅរោងចក្រ ហ្ស៊ីជាង ហេងហ្វេង ថប លេហ្សឺរ ហើយក៏សរសើរការយកចិត្តទុកដាក់របស់កម្មករ-កម្មការនីរបស់កម្ពុជា ផងដែរ។

សម្រាប់កម្មករ-កម្មការនី នៅរោងចក្រ ហ្ស៊ីជាង ហេងហ្វេង ថប លេហ្សឺរ នៅក្នុងឆ្នាំ ២០២៤នេះ គឺទទួលបានប្រាក់ ខែ គោលចំនួន ២០៤ដុល្លារក្នុងមួយខែដូចៗគ្នា ទោះបីជាពួកគាត់ទើបនឹងចូលធ្វើការងារដំបូងៗក៏ដោយ។ បើបូកនឹងអត្ថប្រយោជន៍ផ្សេងៗទៀត កម្មករ-កម្មការនី នៅរោងចក្រនេះ ទទួលបានថវិកាសរុបពី ៣៤៥ ទៅ ៣៥០ដុល្លារ ក្នុងមួយខែ ៗ៕





-
ព័ត៌មានជាតិ៥ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៣ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
ព័ត៌មានជាតិ១ សប្តាហ៍ ago
សពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ៣ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៥ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៦ ថ្ងៃ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៧ ថ្ងៃ ago
មន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
សន្តិសុខសង្គម៥ ថ្ងៃ ago
សមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់