ព័ត៌មានជាតិ
អភិបាលខេត្តស្វាយរៀង ដាស់តឿនមន្ត្រីឲ្យពិនិត្យភាពចាំបាច់របស់ពលរដ្ឋ
លោក ម៉ែន វិបុល អភិបាលខេត្តស្វាយរៀង បានជំរុញដល់បណ្ដាមន្ទីរ អង្គភាពជំនាញ និងអ្នកពាក់ព័ន្ឋ ឲ្យពិនិត្យ និងពិចារណា នូវអ្វីដែលជាសេចក្ដីត្រូវការចាំបាច់របស់ប្រជាពលរដ្ឋនៅមូលដ្ឋាន ។
ការជំរុញនេះ បានធ្វើឡើងក្នុងឱកាសដែលលោកបានអញ្ជើញជាអធិបតីក្នុងសិក្ខាសាលាសមាហរណកម្មវិធីវិនិយោគបីឆ្នាំរំកិលក្រុង និងសង្កាត់ ឆ្នាំ២០២១-២០២៣ នៅថ្នាក់ក្រុងស្វាយរៀង ដោយមានការចូលរួមពីមន្ត្រីពាក់ព័ន្ធ នាព្រឹកថ្ងៃទី០៣ ខែវិច្ឆិកា ឆ្នាំ២០២០នេះ ។
លោកអភិបាលខេត្តស្វាយរៀង មានប្រសាសន៍លើកឡើងថា គម្រោងសកម្មភាពជាអាទិភាពស្នើឡើងដោយឃុំ-សង្កាត់ មានភាពស៊ីចង្វាក់ប្រទាក់ក្រឡាគ្នាទៅនឹងគោលនយោបាយយុទ្ធសាស្ត្រ និងសកម្មភាពនានារបស់បណ្ដាមន្ទីរ អង្គភាពជំនាញ និងអង្គការមិនមែនរដ្ឋាភិបាលជាតិ-អន្តរជាតិ តាមរយៈកាលវិភាគ និងចរចាវាងមន្ទីរ អង្គភាពជំនាញ និងអង្គការនានា ជាមួយក្រុង-ស្រុក និងឃុំ-សង្កាត់ ដែលមានការទាក់ទងគ្នា ដើម្បីប្រមូលផ្ដុំធនធាន សម្រាប់គាំទ្រកិច្ចអភិវឌ្ឍន៍មូលដ្ឋាន ដោយប្រើប្រាស់សក្ដានុពល នៃធនធានចាំបាច់ទាំងឡាយពីគ្រប់មជ្ឈដ្ឋានឱ្យបានល្អប្រសើរ ដោយសហប្រតិបត្តិការគ្នា ដើម្បីសម្រេចទិសដៅរួមប្រកបដោយប្រសិទ្ធិភាព ជាជាងការធ្វើសកម្មភាពតែឯកឯង។
លោកបានបន្តថា ក្រុមប្រឹក្សា ឃុំ-សង្កាត់ ត្រូវលើកសំណួរចំពោះមន្ទីរ អង្គភាពនានា និងអង្គការពាក់ព័ន្ធ ដែលនៅមិនទាន់បានអនុវត្ត ឬក៏អនុវត្តមិនទាន់ចប់កិច្ចព្រមព្រៀងឆ្នាំកន្លងមក ។ ទន្ទឹមគ្នានេះ អាជ្ញាធរក្រុង-ស្រុក ត្រូវចេះប្រើឱកាស សម្រាប់ផ្ដល់ព័ត៌មានបន្ថែមដល់មន្ទីរ អង្គភាព អង្គការនានា និងសប្បុរសជន អំពីកិច្ចការផ្ដល់សេវាយ៉ាងណាដែលល្អប្រសើរ ឬបង្ហាញអំពីបញ្ហារួម ដែលកើតមាននៅតាមបណ្ដាឃុំ-សង្កាត់ ។
លោក ម៉ែន វិបុល បានជំរុញដល់បណ្ដាមន្ទីរ អង្គភាពជំនាញ អង្គការជាតិ-អន្តរជាតិ ឲ្យពិនិត្យ និងពិចារណា នូវអ្វីដែលជាសេចក្ដីត្រូវការចាំបាច់របស់ប្រជាពលរដ្ឋនៅមូលដ្ឋាន ធ្វើការសម្រេចចិត្តគាំទ្រសំណើគម្រោងរបស់ឃុំ-សង្កាត់ ស្នើឡើងឱ្យសមស្រប ចៀសវាងគាំទ្រក្រៅសំណើគម្រោងដែលមិនមែនជាសេចក្ដីត្រូវការរបស់ប្រជាពលរដ្ឋ។
សូមបញ្ជាក់ថា គម្រោង នៃសកម្មភាព ជាអាទិភាពរបស់ឃុំ-សង្កាត់ នៃក្រុងស្វាយរៀង សម្រាប់ការអនុវត្តនៅឆ្នាំ២០២១ មានចំនួន ២.៦១២ គម្រោង៕
អត្ថបទ ៖ គឹមសេង
ផ្លូវក្រវាត់ព្រំដែនប្រវែង ១១ គ.ម តម្លៃ ២,៥ លាន ដុល្លារ ក្រាលបេតុងនៅក្រុងបាវិត សម្ពោធដាក់ឲ្យប្រើប្រាស់
TASS ៖ អ៊ីរ៉ង់ត្រៀមខ្លួនទទួលយកកិច្ចព្រមព្រៀងនុយក្លេអ៊ែរ ក្រោយ៣ថ្ងៃនៃការផ្ទុះអាវុធ
ឱកាសការងារ ២៣ ម៉ឺនកន្លែង រង់ចាំពលករចាប់ឱកាសការងារភ្លាមៗនៅព្រំដែនកម្ពុជា-ថៃ
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
ដាក់ពាក្យចូលរៀននៅ TVET បង្កើតឱកាសការងារ សាងក្តីសង្ឃឹមជំរុញលើកកម្ពស់ជីវភាព
អ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
ប្រទេស៣៦ទៀត រួមទាំងកម្ពុជាដែរ ប្រឈមការរឹតត្បិតឬហាមចូលអាមេរិក
ជម្លោះអ៊ីរ៉ង់-អ៊ីស្រាអែល៖ អ្នកស្លាប់និងរបួសកើនឡើង ចំពេលបង្កើនការវាយប្រហារគ្នា
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
កម្ពុជា បដិសេធដាច់អហង្កាមិនទទួលស្គាល់ផែនទីថៃគូសស្រេចតែចិត្តឯង ឬ«ផែនទីចោរ» ដែលសម្ដេចតេជោ បានហៅ
-
ព័ត៌មានអន្ដរជាតិ៥ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៣ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៦ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ១ សប្តាហ៍ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានអន្ដរជាតិ៣ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ៥ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៣ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៣ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន