ព័ត៌មានជាតិ
វិទ្យាស្ថានបច្ចេកទេសពោធិ៍សាត់បានត្រៀមរួចរាល់ សម្រាប់បវេសនកាលខណៈយុវជនក្រីក្រជាង៦០០នាក់ចុះឈ្មោះចូលរៀន
លោក លឹម ឆៃគ្រី នាយកវិទ្យាស្ថានបច្ចេកទេសពោធិ៍សាត់បានឱ្យដឹងនៅថ្ងៃទី៦ មករា នេះថា វិទ្យាស្ថានរបស់លោកបានត្រៀមលក្ខណៈសម្បត្តិរួចរាល់ហើយដូចជា ថ្នាក់រៀន បន្ទប់ពិសោធន៍ និងអនុវត្តន៍ផ្ទាល់ គ្រូដែលមានសមត្ថភាព បទពិសោធន៍លើការបង្រៀនជំនាញវិជ្ជាជីវៈនិងបច្ចេកទេស ការសំអាតបរិស្ថាន និងសម្ភារៈបច្ចេកទេសផ្សេងៗផងដែរ។
ការលើកឡើងបែបនេះបន្ទាប់ក្រសួងការងារ និងបណ្តុះបណ្តាលវិជ្ជាជីវៈបានលើកឡើងថា ក្រសួងការងារនឹងបើកបវេសនកាលថ្នាក់បណ្តុះបណ្តាលជំនាញវិជ្ជាជីវៈ និងបច្ចេកទេស ១,៥ លាននាក់ទៅដល់យុវជនមកពីគ្រួសារក្រីក្រ និងគ្រួសារងាយរងហានិភ័យនៅថ្ងៃទី១៥ ខែមករា ឆ្នាំ២០២៤ ឆាប់ៗខាងមុខនេះ។
បើតាមលោកនាយកវិទ្យាស្ថានរូបឱ្យដឹងថា ក្រៅពីការត្រៀមលក្ខណៈសម្បត្តិសម្រាប់ថ្នាក់ដំបូងនៅថ្ងៃទី១៥ មករា នេះ វិទ្យាស្ថានបានទទួលយុវជនមកចុះឈ្មោះចូលរៀនបានប្រមាណ ៦៤៥នាក់ ស្រី២៩៦នាក់ ចាប់តាំងពីប្រកាសឱ្យអនុវត្តន៍ជាផ្លូវការការបណ្តុះបណ្តាលថ្នាក់ជាតិនេះកាលពីថ្ងៃទី១៥ វិច្ឆិកា ២០២៣ កន្លងទៅ។ ក្នុងចំណោម ១០ វិស័យ និង៣០ជំនាញរបស់ក្រសួងការងារសម្រាប់ការបណ្តុះបណ្តាលថ្នាក់ជាតិនេះ វិទ្យាស្ថានបានជ្រើសរើសវិស័យចំនួន៨ និងជំនាញចំនួន១២។
ក្នុងនោះ វិស័យសំណង់ វិស័យអគ្គិសនី និងថាមពល វិស័យកម្មន្តសាល វិស័យមេកានិចទូទៅ និងមេកានិចរថយន្ត វិស័យព័ត៌មានវិទ្យា វិស័យសេវាកម្ម វិស័យបរិក្ខាត្រជាក់ និងកម្តៅ និងជាចុងក្រោយវិស័យកសិកម្ម និងកសិឧស្សាហកម្ម។ ដោយឡែកមាន ជំនាញការងារកំបោរ ការដំឡើងបណ្តាញបំពង់ទឹក ការដំឡើងបណ្តាញអគ្គិសនីក្នុងអាគារ ការដំឡើងប្រព័ន្ធម៉ូទ័រអគ្គិសនី ការផ្សារអគ្គិសនី ការថែរទាំ និងជួសជុលរថយន្ត ការថែរទាំជួសជុលម៉ាស៊ីត្រជាក់រថយន្ត ក្រាហ្វិកដោយកុំព្យូទ័រ សេវាកម្មកុំព្យូទ័រ សេវាកម្មសម្អាងកាយ សេវាកម្មបរិក្ខារត្រជាក់ ក្នុងគេហដ្ឋាន និងការចិញ្ចឹមត្រីប្រា។
លោកបន្ថែមថា «ជំនាញទាំងអស់នេះសុទ្ធសឹងតែមានទីផ្សារការងារល្អនៅក្នុងខេត្ត ប្រាក់ចំណូលសមរម្យ ហើយសិស្សអាចជ្រើសរើសជំនាញដែលខ្លួនស្រលាញ់ដែលវិទ្យាស្ថានបានដាក់ជូនខាងលើដោយសេរី។ វិទ្យាស្ថានក៏បានត្រៀមខ្លួនរួចជាស្រេចសម្រាប់ការបណ្តុះបណ្តាលថ្នាក់ដំបូងនៅថ្ងៃទី១៥ មករា ឆ្នាំ២០២៤ ខាងមុខនេះ»។
សម្រាប់ការបណ្តុះបណ្តាលថ្នាក់ជាតិនេះវិញ លោកមើលឃើញថា ជាការយុទ្ធសាស្ត្រមួយជំរុញ និងលើកកម្ពស់សមត្ថភាពជំនាញរបស់យុវជនមកពីគ្រួសារក្រីក្រ ដែលយ៉ាងហោចណាស់មានជំនាញមួយសម្រាប់ជីវិតដើម្បីប្រកបរបរការងារក្នុងគ្រួសារ។ ជាពិសេសនោះការបណ្តុះបណ្តាលថ្នាក់ជាតិនេះដើម្បីជំរុញសេដ្ឋកិច្ចកម្ពុជាឱ្យមានភាពល្អប្រសើនាពេលអនាគតផងដែរ៕
គុណភាពល្អឥតខ្ចោះ! ខុនដូប្រណិតរំដួលស៊ីធីលំដាប់ខ្ពស់ដំបូងនៅភ្នំពេញត្រូវបានប្រគល់ជូនជាផ្លូវការ
សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤
សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន
Breaking News! ប្រធានាធិបតី វៀតណាម ប្រកាសលាលែងពីតំណែង
នេន ទុំ ប្រកាសផលិតចម្រៀងបន្សល់ទុកស្នាដៃចុងក្រោយដល់វីរ:សិល្បករអាយ៉ៃលោក ព្រហ្ម ម៉ាញ
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង