ព័ត៌មានជាតិ
ពាណិជ្ជកម្មកម្ពុជា-ឥណ្ឌូណេស៊ីកើនឡើងខ្លាំងជាង ១៥០ភាគរយ នៅឆ្នាំ ២០២៣
ទំហំពាណិជ្ជកម្មកម្ពុជា ឥណ្ឌូណេស៊ី បានហក់ឡើងខ្លាំងនៅឆ្នាំ ២០២៣ ពោលគឺ ១៥១ភាគរយ គិតជាទឹកប្រាក់ជាង ១ពាន់លានដុល្លារ។ នេះបើតាមយោងតាមរបាយការណ៍អគ្គនាយកដ្ឋានគយ និងរដ្ឋាករកម្ពុជា។
ប្រភពដដែលបញ្ជាក់ថា នាំចេញរបស់កម្ពុជា ទៅទីផ្សារឥណ្ឌូណេស៊ីសម្រេចបានទឹកប្រាក់ជាង ៩២លានដុល្លារ កើនឡើងជិត ១០ភាគរយ ខណៈដែលការនាំចូលមកវិញមានចំនួនទឹកប្រាក់ជាង ៩០០លានដុល្លារ កើនឡើងជាង ១៤ភាគរយ។
បើយោងតាមអគ្គនាយកដ្ឋានគយ ក្នុងរយៈពេល ១២ខែ ឆ្នាំ ២០២៣ ប្រទេសឥណ្ឌូណេស៊ី គឺជាដៃគូពាណិជ្ជកម្មធំទី៦ របស់កម្ពុជា ដែលនាំមុខដោយប្រទេសចិន អាមេរិក វៀតណាម ថៃ និងជប៉ុន។
កាលពីខែកញ្ញា ឆ្នាំ ២០២៣កន្លងទៅ ប្រទេសឥណ្ឌូនេស៊ី បានប្រកាសទិញអង្ករពីកម្ពុជាចំនួន ២៥ម៉ឺនតោន ក្នុង ១ ឆ្នាំ ដើម្បីធានាសុវត្ថិភាពស្បៀងអាហារនៅក្នុងប្រទេស ខណៈប្រទេសនេះ ក៏បានសន្យានឹងគាំទ្រហេដ្ឋារចនាសម្ព័ន្ធសន្តិសុខស្បៀងអាហារកម្ពុជា តាមរយៈការផ្គត់ផ្គង់ជី និងផ្តល់ការបណ្តុះបណ្តាលដល់ប្រជាកសិករផងដែរ។
សូមបញ្ជាក់ថា នៅឆ្នាំ ២០២២ ទំហំរពាណិជ្ជកម្មកម្ពុជា-ឥណ្ឌូណេស៊ី មានទឹកប្រាក់សរុបជាង ៩៤៨ លានដុល្លារ កើន ៤៨,៣ ភាគរយ ពីជាង ៦៣៩លានដុល្លារកាលពីឆ្នាំ ២០២១។ ក្នុងនោះទំនិញនាំពីប្រទេសឥណ្ឌូណេស៊ីមកកម្ពុជា មានចំនួនជាង ៩១១ លានដុល្លារ កើនឡើង ៥០ ភាគរយ និងទំនិញដែលកម្ពុជានាំទៅឥណ្ឌូណេស៊ីមានចំនួនជាង ៣៦ លានដុល្លារ កើន ១៥,៩ ភាគរយ។ នេះបើតាមអគ្គនាយកដ្ឋានគយ និងរដ្ឋាករកម្ពុជា៕
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម២២ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ