Connect with us

ព័ត៌មានជាតិ

ACU ថា មិនមានការកៀបសង្កត់យកលុយពីអ្នក បើកទូកទេសចរណ៍នោះទេ

បានផុស

នៅ

អង្គភាពប្រឆាំងអំពើពុករលួយ (ACU) អះអាងថា មិនមានការកៀបសង្កត់យកប្រាក់ពីអ្នកប្រកបរបរបើកទូកទេសចរណ៍នៅតាមដងទន្លេមុខព្រះបរមរាជវាំងនោះទេ។ នេះបើតាមលិខិតមួយច្បាប់របស់ ACU នៅថ្ងៃទី១៥​ ខែមករា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមកបញ្ជាក់បែបនេះពីអង្គភាពប្រឆាំងអំពើពុករលួយ គឺបន្ទាប់ពីទទួលបានពាក្យបណ្តឹងដែលបានរាយការណ៍ ថា មានការកៀបសង្កត់យកប្រាក់ពីអ្នកប្រកបរបរបើកទូកទេសចរណ៍នៅមូលដ្ឋានខណ្ឌដូនពេញ និងផ្សាររាត្រី ក្នុងមួយទូកតម្លៃ ២លានរៀលជារៀងរាល់ខែ។

ជុំវិញករណីនេះ អង្គភាពប្រឆាំងអំពើពុករលួយ បានរៀបរាប់ថា​ តាមរបាយការណ៍ពិនិត្យស្រាវជ្រាវរបស់លោក ជា ខេមា អភិបាលខណ្ឌដូនពេញ គឺរដ្ឋបាលខណ្ឌបានហៅលោក ចាប ឌីណា អភិបាលរងខណ្ឌដូនពេញ លោក ឆាយ បូរ៉ាស៊ី និងលោក កែម ហេង អនុប្រធានសណ្តាប់ធ្នាប់ខណ្ឌដូនពេញ មកសួរនាំលើករណីលើកឡើងនេះ។ ក្រោយសួរនាំ បានឃើញថា ក្រុមការងារសណ្តាប់ធ្នាប់ខណ្ឌបានចុះអនុវត្តតាមស្មារតីអង្គប្រជុំរបស់រដ្ឋបាលរាជធានីភ្នំពេញ កាលពីថ្ងៃទី១១ ខែតុលា ឆ្នាំ២០២៣ និងតាមសេចក្តីជូនដំណឹងរបស់រដ្ឋបាលខណ្ឌដូនពេញស្តីពីការរៀបចំសណ្តាប់ធ្នាប់របៀបរៀបរយសាធារណៈ និងអនាម័យបរិស្ថាននៅតាមច្រាំងទន្លេ និងតាមវិថីព្រះស៊ីសុវត្តិ ក្នុងមូលដ្ឋានខណ្ឌដូនពេញ។

អង្គភាពប្រឆាំងអំពើពុករលួយ បានបន្តថា រហូតមកដល់ថ្ងៃទី២២ ខែតុលា ឆ្នាំ២០២៣ ក្រុមការងារសណ្តាប់ធ្នាប់ខណ្ឌដូនពេញ បានចុះអនុវត្តការងារ ដោយតម្រូវឱ្យទូកកាណូតទេសចរណ៍ទាំងអស់ចល័តចេញពីច្រាំងទន្លេទៅរកទីតាំងផ្សេង ដើម្បីឱ្យក្រុមការងារមានលទ្ធភាពក្នុងការចុះរៀបបាញ់លាងសម្អាតអនាម័យបរិស្ថានតាមច្រាំងទន្លេ និងក្នុងទន្លេ ដើម្បីត្រៀមអបអរសាទរកម្មវិធីផ្សេងៗដែលរៀបចំឡើងតាមបណ្ដោយសួនមាត់ទន្លេ។ ជាពិសេស ដើម្បីជាការស្វាគមន៍អបអរសាទរព្រះរាជពិធីបុណ្យ អុំទូក បណ្តែតប្រទីប និងសំពះព្រះខែ អកអំបុក ដែលបានខកខានក្នុងប៉ុន្មានឆ្នាំចុងក្រោយនេះ។

ប៉ុន្តែ ក្នុងដំណាក់កាលនៃការរៀបចំនេះ មានទូក-កាណូតទេសចរណ៍ភាគច្រើនបានចូលរួមសហការ​ ប៉ុន្តែក៏មានទូក-កាណូតទេសចរណ៍ប្រមាណចំនួន៥ ទៅ៦គ្រឿង មិនព្រមចូលរួមសហការ និងបន្តចេញចូលច្រាំងទន្លេ ដែលអាជ្ញាធរបានសំណូមពរកុំឱ្យមានការចល័តចេញចូល ហើយបានចល័តដើរហៅភ្ញៀវជិះទូកទេសចរណ៍ បណ្តាលឱ្យបាត់បង់នូវសណ្តាប់ធ្នាប់សាធារណៈ និងបង្កឱ្យមានភាពអនាធិបតេយ្យនៅក្នុងតំបន់។

ហេតុនេះ ជាការឆ្លើយតប ក្រុមការងារបានចុះណែនាំជាច្រើនលើកច្រើនសារ រហូតឈានដល់អាជ្ញាធរព្រមាន និងដកហូតយកជណ្តើរឆ្លងកាត់ចុះទូកជាបណ្តោះអាសន្ន តែបានប្រគល់ឱ្យវិញនៅពេលដែលមានការចូលរួមសហការ ដោយពុំបានកៀបសង្កត់យកប្រាក់ជាប្រចាំខែនោះទេ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៧ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម