ព័ត៌មានជាតិ
លោក កែ គឹមយ៉ាន ជួបសំណេះសំណាលជាមួយសមាជិកក្រុមប្រឹក្សាឃុំ-សង្កាត់ ជាអង្គបោះឆ្នោតជ្រើសតាំងសមាជិកព្រឹទ្ធសភា នីតិកាលទី ៥
នៅថ្ងៃទី ១៧ ខែមករា ឆ្នាំ ២០២៤ នេះ លោក កែ គឹមយ៉ាន សមាជិកគណៈអចិន្ត្រៃយ៍គណៈកម្មាធិការកណ្ដាល និងជាប្រធានក្រុមការងារគណបក្សប្រជាជនកម្ពុជាចុះមូលដ្ឋានខេត្តបន្ទាយមានជ័យ អមដោយក្រុមការងារគ្រប់ថ្នាក់ បានអញ្ជើញសំណេះសំណាលជាមួយសមាជិក សមាជិកា ក្រុមប្រឹក្សាឃុំ-សង្កាត់ ក្នុងតំណែង (CPP) ដែលជាអង្គបោះឆ្នោតអសកល ជ្រើសតាំងសមាជិកព្រឹទ្ធសភា នីតិកាលទី ៥ ឆ្នាំ ២០២៤។
ក្នុងពិធីនោះក៏មានវត្តមានចូលរួមផងដែរពី លោក ប៉ុល លឹម ប្រធានក្រុមការងារសមាជិកព្រឹទ្ធសភា ភូមិភាគ ៤ និង លោក ឌិត ទីណា អនុប្រធានទី ១ ក្រុមការងារគណបក្សចុះមូលដ្ឋានខេត្តបន្ទាយមានជ័យ។
ថ្លែងក្នុងនាមក្រុមការងារក្នុងឱកាសនោះ លោក កែ គឹមយ៉ាន បានសម្តែងនូវបីតិសោមនស្សពាំនាំការសួរសុខទុក្ខ ថ្លែងអំណរគុណ កោតសរសើរពីថ្នាក់ដឹកនាំកំពូល ពិសេស សម្ដេចតេជោ ហ៊ុន សែន ប្រធានគណបក្ស ជូនចំពោះសមាជិកទាំងអស់ក្នុងខេត្តបន្ទាយមានជ័យ និងបានវាយតម្លៃខ្ពស់ចំពោះកិច្ចខិតខំរួមសាមគ្គីការពារសុខសន្តិភាព សណ្ដាប់ធ្នាប់សាធារណៈ គាំទ្រ និងអនុវត្តតាមកម្មវិធីនយោបាយរបស់គណបក្ស និងរាជរដ្ឋាភិបាលគ្រប់អាណត្តិ បន្តការអភិវឌ្ឍមូលដ្ឋានខេត្តបន្ទាយមានជ័យឲ្យរីកចម្រើន និងសាទរចំពោះបេក្ខជនដែលទទួលបានសេចក្តីទុកចិត្តពីបក្សចាត់ឲ្យឈរឈ្មោះជាសមាជិកព្រឹទ្ធសភាមណ្ឌលភូមិភាគ ៤។
ក្នុងឱកាសនោះដែរ លោក កែ គឹមយ៉ាន បានកោតសរសើរ និងវាយតម្លៃខ្ពស់ចំពោះលទ្ធផលដែលគណបក្សខេត្តសម្រេចបាន និងលើកទិសដៅការងារស្របតាមកម្មវិធីនយោបាយរបស់គណបក្សប្រជាជន ជាពិសេសការខិតខំសម្រេចបាននូវជោគជ័យ នៃការបោះឆ្នោតជ្រើសតាំងតំណាងរាស្ត្រនីតិកាលទី ៧ នៃរដ្ឋសភា ឆ្នាំ ២០២៣ ប្រសូតបានរាជរដ្ឋាភិបាលដែលបាននិងកំពុងធ្វើដំណើរក្នុងជំហរដ៏រឹងមាំឆ្ពោះកាន់អនាគតភ្លឺស្វាង សុទិដ្ឋិនិយម និងក្តីសង្ឃឹមសម្រាប់ប្រជាជនគ្រប់ៗ រូប។ បន្តអភិវឌ្ឍន៍ ឃុំ-សង្កាត់ តាមបែបលទ្ធិប្រជាធិបតេយ្យថ្នាក់ក្រោមជាតិ ផ្ទេរមុខងារ ធនធាន ចាត់ចែង ដោះស្រាយ បម្រើប្រជាជនបានកាន់តែប្រសើរ។
ជាមួយនឹងការណែនាំឲ្យប្រតិបត្តិតាមប្រតិទិនបោះឆ្នោត លោក កែ គឹមយ៉ាន បានណែនាំដល់សមាជិកព្រឹទ្ធសភាបច្ចុប្បន្ន បន្តធ្វើសកម្មភាពឲ្យបានទៀងទាត់ ចុះជួបលើកទឹកចិត្តដោយផ្ទាល់ជាមួយសមាជិក សមាជិកា ក្រុមប្រឹក្សាឃុំ-សង្កាត់ ចលនាអង្គបោះឆ្នោតបន្ថែម ហើយសមាជិក សមាជិកាក្រុមប្រឹក្សា ឃុំ-សង្កាត់ ត្រូវបន្តសហការជួយគាំទ្រដល់បេក្ខជនឈរឈ្មោះបោះឆ្នោតជាផ្លូវការត្រៀមឯកសារនានាសម្រាប់ទៅបោះឆ្នោត ថែរក្សាសុខភាព និងបន្តចូលរួមអភិវឌ្ឍន៍មូលដ្ឋាន ដោះស្រាយរាល់សំណើសំណូមពរ និងតម្រូវការរបស់ប្រជាពលរដ្ឋនៅមូលដ្ឋានឲ្យបានកាន់តែល្អប្រសើរថែមទៀត។
ក្នុងពិធីនោះដែរ មានការបង្ហាញខ្លួនបេក្ខជនឈរឈ្មោះបោះឆ្នោតជ្រើសតាំងសមាជិកព្រឹទ្ធសភា នីតិកាលទី ៥ ទាំងពេញសិទ្ធិ និងបម្រុង ចំនួន ២០ រូប ផងដែរ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង