ព័ត៌មានជាតិ

អភិបាលខណ្ឌ ៧ មករា ជួបសំណេះសំណាលមន្ត្រី ប្រជាការពារ នាឱកាសបុណ្យភ្ជុំបិណ្ឌ

បានផុស

១០ ខែ មុន

នៅ

ថ្ងៃសុក្រ ១៩ កញ្ញា ២០២៥

ដោយ

កាលពីព្រឹកថ្ងៃទី ១៩ ខែកញ្ញា ឆ្នាំ ២០២៥ នេះ រដ្ឋបាលខណ្ឌ ៧ មករា ក្រោមវត្តមានលោក សោម សុវណ្ណ ប្រធានក្រុមប្រឹក្សាខណ្ឌ ៧ មករា , លោក ថេង សុថុល អភិបាលខណ្ឌ ៧ មករា បានសំណេះសំណាលជាមួយមន្ត្រី និងប្រជាការពារទូទាំងខណ្ឌ ក្នុងឱកាសបុណ្យភ្ជុំបិណ្ឌ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសនោះ លោក សោម សុវណ្ណ បានមានប្រសាសន៍ជូនពរដល់មន្ត្រី និងប្រជាការពារនៅទូទាំងខណ្ឌ សូមឱ្យជួបតែភាពសុខសប្បាយ ក្នុងដំណើរទៅស្រុកកំណើត ទាំងនៅទីជិត និងទីឆ្ងាយ ពិសេសនោះ គឺការបើកបរគោរពច្បាប់ ឱ្យបានខ្ជាប់ខ្ជួន ដើម្បីសុវត្ថិភាពខ្លួនឯង និងក្រុមគ្រួសារផងដែរ។

សម្រាប់លោក ថេង សុថុល បានលើកឡើងដែរថា មន្ត្រីរដ្ឋបាលខណ្ឌ ក៏ដូចជាប្រជាការពារ តែងតែសស្រាក់សស្រាំណាស់ជាមួយការខិតខំបំពេញភារកិច្ច និងកិច្ចការងារក្នុងដែនរបស់ខ្លួន ដើម្បីបម្រើប្រជាពលរដ្ឋ ដូច្នោះហើយក្នុងនាមថ្នាក់ដឹកនាំខណ្ឌ គឺចាំបាច់ត្រូវគិតគូរជាមួយពួកគាត់តាមរយៈការឧបត្ថម្ភជាភេសជ្ជៈ និងលុយកាក់បន្តិចបន្តួច សម្រាប់ឱ្យពួកគាត់អាចយកទៅប្រើប្រាស់ក្នុងរដូវកាលបុណ្យទាននេះ។