ព័ត៌មានជាតិ
ក្រសួងមុខងារសាធារណៈ បើករបបប្រជុំប្រចាំខែជាលើកដំបូង សម្រាប់ឆ្នាំ ២០២៤
កាលពីព្រឹកថ្ងៃទី ២៤ ខែមករា ឆ្នាំ ២០២៤ ឯកឧត្ដម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានដឹកនាំកិច្ចប្រជុំប្រចាំខែជាលើកដំបូង ដោយមានការអញ្ជើញចូលរួមពីថ្នាក់ដឹកនាំដែលជាក្បាលម៉ាស៊ីនរបស់ក្រសួងមុខងារសាធារណៈជាច្រើនរូប នៅគណៈកម្មការជាតិកែទម្រង់រដ្ឋបាលសាធារណៈ(គ.ក.ស) ក្នុងបរិវេណសាលាភូមិន្ទរដ្ឋបាល។
![](https://www.kampucheathmey.com/wp-content/uploads/2024/01/421820422_797388002427458_721398602329708471_n-1024x683.jpg)
តាមរយៈកិច្ចប្រជុំប្រចាំខែនេះ លោក ហាស់ ប៊ុនថ្ថន អគ្គលេខាធិការ នៃអគ្គលេខាធិការដ្ឋានក្រសួងមុខងារសាធារណៈ បានធ្វើរបាយការណ៍ជូនថ្នាក់ដឹកនាំ ហើយក៏មានការចូលរួមយោបល់យ៉ាងច្រើនផុសផុលពីសំណាក់ថ្នាក់ដឹកនាំជាច្រើនរូប ក្នុងន័យផ្ដល់ជូនជាវឌ្ឍនភាពការងារជារួម ប្រចាំខែ និងការលើកឡើងនូវបញ្ហាដើម្បីដោះស្រាយជាមួយគ្នា ព្រមទាំងបានលើកនូវទិសដៅការងារបន្តឆ្ពោះទៅមុខរបស់ក្រសួងមុខងារសាធារណៈ។
![](https://www.kampucheathmey.com/wp-content/uploads/2024/01/421814236_797387552427503_8851591922243696772_n-1024x673.jpg)
បន្ទាប់ពីបានស្ដាប់របាយការណ៍ ក៏ដូចជាមតិយោបល់ចូលរួមពីថ្នាក់ដឹកនាំជាច្រើនរូបរួចមក ឯកឧត្ដមរដ្ឋមន្ត្រី ក៏បានកោតសរសើរ និងវាយតម្លៃខ្ពស់ចំពោះការងារដែលសម្រេចបានកន្លងមក។ ក្នុងនោះ ឯកឧត្ដម ក៏បានបន្ថែមដោយលើកឡើងថា ដ្បិតថាពេលនេះជាកិច្ចប្រជុំលើកដំបូងនៅក្នុងរបត់ នៃរបៀបរបបការងារថ្មីក៏ពិតមែន ប៉ុន្តែក្នុងរយៈពេល ៥ ខែ កន្លងទៅនេះ ក្រសួងមុខងារសាធារណៈ បានសម្រេចការងារជាច្រើនរួចមកហើយ ក្នុងនាមជាសេនាធិការរបស់រាជរដ្ឋាភិបាល អាណត្តិទី ៧ ដែលដឹកនាំដោយ សម្ដេចធិបតី នាយករដ្ឋមន្ត្រី។
![](https://www.kampucheathmey.com/wp-content/uploads/2024/01/421783323_797387872427471_3280382899656994485_n-1024x683.jpg)
តាមរយៈសមិទ្ធផលដែលសម្រេចបាន និងសមត្ថភាព ក៏ដូចជាឆន្ទៈការងាររបស់ថ្នាក់ដឹកនាំ និងមន្ត្រីគ្រប់រូប ឯកឧត្ដមរដ្ឋមន្ត្រី ជឿជាក់ថា ក្រសួងមុខងារសាធារណៈ នឹងសម្រេចបានការងារជាច្រើនបន្ថែមទៀត ឆ្ពោះទៅកាន់គោលដៅ លើកកម្ពស់ប្រសិទ្ធភាពសមិទ្ធិកម្មក្រសួងមុខងារសាធារណៈ និងគោលដៅ នៃកិច្ចការកែទម្រង់សាធារណៈ ស្របតាមយុទ្ធសាស្ត្របញ្ចកោណរបស់រាជរដ្ឋាភិបាល៕
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ