ព័ត៌មានជាតិ
សម្ដេចធិបតី ថា ការអភិវឌ្ឍរួមគ្នារវាងកម្ពុជា-ថៃ នៅតំបន់ត្រួតស៊ីគ្នា មិនធ្វើឱ្យបាត់អធិបតេយ្យភាពជាតិឡើយ
សម្ដេចនាយករដ្ឋមន្ត្រី ហ៊ុន ម៉ាណែត អះអាងថា ការអភិវឌ្ឍរួមគ្នារវាងកម្ពុជា-ថៃ នៅក្នុងតំបន់ត្រួតស៊ីគ្នា (OCA) មិនប៉ះពាល់ដល់អធិបតេយ្យភាពរបស់កម្ពុជាឡើយ តែផ្ទុយទៅវិញ គឺដើម្បីជំរុញបង្កើនសេដ្ឋកិច្ច និងធានាបានសន្តិសុខប្រេង។
សម្ដេចធិបតី នាយករដ្ឋមន្ត្រី ចេញមកអះអាងបែបនេះ ក្រោយមានក្រុមបុគ្គលប្រឆាំងមួយចំនួនរិះគន់រាជរដ្ឋាភិបាលកម្ពុជាលើករណីនៅតំបន់ត្រួតស៊ីគ្នា OCA នេះ។ ជុំវិញករណីនេះ សម្ដេចធិបតី បានប្រាប់ទៅបុគ្គលដែលរិះគន់រាជរដ្ឋាភិបាលលើករណីនេះ ត្រូវចែកឱ្យដាច់ពីការអភិវឌ្ឍរួមគ្នារវាងកម្ពុជា និងថៃ និងកិច្ចការព្រំដែនរវាងប្រទេសទាំងពីរ។
សម្ដេចថ្លែងឱ្យដឹងនៅក្នុងពិធីបិទសន្និបាតបូកសរុបការងារប្រចាំឆ្នាំរបស់ក្រសួងការងារ នៅរសៀលថ្ងៃទី៨ ខែកុម្ភៈ ឆ្នាំ ២០២៤នេះ ថា ក្នុងដំណើរទស្សនកិច្ចរបស់សម្ដេច នៅប្រទេសថៃ គឺរាជរដ្ឋាភិបាលនៃប្រទេសទាំងពីរ បានឯកភាពក្នុងការអភិវឌ្ឍរួមគ្នានៅតំបន់ត្រួតស៊ីគ្នា OCA ដើម្បីរុករកធនធានប្រេង និងឧស្ម័នធម្មជាតិនៅបាតសមុទ្ររវាងកម្ពុជា និង ថៃ។
តែយ៉ាងណា សម្ដចធិបតី បានគូសបញ្ជាក់ដូច្នេះថា៖ «ញែកឱ្យដាច់ផលប្រយោជន៍សេដ្ឋកិច្ចនៃការអភិវឌ្ឍរួមគ្នា មិនបានធ្វើឱ្យបាត់អធិបតេយ្យភាពក្នុងការចចារព្រំដែនទេ ញែកឱ្យដាច់ ខណៈការចចារព្រំដែនទឹកនៅតែបន្តធ្វើតាមរយៈលក្ខណៈបច្ចេកទេស»។ សម្ដេចធិបតី ថា ការរួមគ្នាទាញយកផលប្រយោជន៍ពីតំបន់ត្រួតស៊ីគ្នា OCA គឺដើម្បីជាតិ។
សម្ដេចធិបតី ក៏បានរំលឹកដែរថា សម្ដេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា បានដាក់ទិសដៅក្នុងការចចារបញ្ហាព្រំដែនប្រកបដោយចក្ខុវែងឆ្ងាយ និងការទទួលខុសត្រូវខ្ពស់ចំពោះជាតិ និងប្រជាជន ដើម្បីធានាកុំឱ្យកូនខ្មែរជំនាន់ក្រោយមានជម្លោះព្រំដែនជាមួយប្រទេសជិតខាង។
តំបន់សមុទ្រត្រួតស៊ីគ្នា កម្ពុជា និងថៃ គឺជាកន្លែងមានធនធានប្រេង និងឧស្ម័នធម្មជាតិ ហើយវាក៏អំណោយផលដល់ការធ្វើអាជីវកម្ម ដែលអាចកាត់បន្ថយការពឹងផ្អែកលើការផ្គត់ផ្គង់ពីបរទេស និងប្រើប្រាស់សម្រាប់ផលិតអគ្គិសនីក្នុងស្រុក។ តំបន់ OCA នៅព្រំដែនកម្ពុជា-ថៃ ក្នុងឈូងសមុទ្រ គឺជាចំណុចនៃជម្លោះរវាងប្រទេសទាំង២ ដែលបានទាមទារតាំងពីដើមទសវត្សរ៍ឆ្នាំ១៩៧០ មកម្ល៉េះ ហើយអនុស្សរណៈនៃការយោគយល់ដើម្បីរួមគ្នារុករកនៅតំបន់ OCA ត្រូវបានចុះហត្ថលេខានៅក្នុងឆ្នាំ ២០០១ ប៉ុន្តែក្រោយមកត្រូវបានផ្អាកដោយរាជរដ្ឋាភិបាលថៃក្នុងឆ្នាំ ២០០៩៕
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ