លោក​​ជំទាវ ឱ​ វណ្ណឌីន​៖ មក​ដល់​ពេល​នេះអ្នក​ទទួល​វ៉ាក់សាំងកូវីដ១៩ មាន​សុខភាពធម្មតាទាំងអស់​
Connect with us
Helistar Cambodia - Helicopter Charter Services

ព័ត៌មានជាតិ

លោក​​ជំទាវ ឱ​ វណ្ណឌីន​៖ មក​ដល់​ពេល​នេះអ្នក​ទទួល​វ៉ាក់សាំងកូវីដ១៩ មាន​សុខភាពធម្មតាទាំងអស់​

Published

on

ក្រសួងសុខាភិបាលបានបញ្ជាក់ថា មកដល់ថ្ងៃទី១៨ ខែកុម្ភៈ ឆ្នាំ២០២១នេះ មិនមានបុគ្គលណាម្នាក់ដែលស្ម័គ្រចិត្តចាក់វ៉ាក់សាំងកូវីដ១៩ ស៊ីណូហ្វាមនៅកម្ពុជារួចហើយនោះ បានស្លាប់បាត់បង់ជីវិតដោយសារចាក់វ៉ាក់សាំងនោះឡើយ ពោល​គឺមាន​សុខភាពធម្មតាទាំងអស់​។

លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលកម្ពុជា បានមានប្រសាសន៍ប្រាប់ កម្ពុជាថ្មី នៅរសៀលនេះថា អ្នកស្ម័គ្រចិត្តចាក់វ៉ាក់សាំងទាំងអស់មានសុខភាពជាប្រក្រតី និងច្រានចោលមានព័ត៌មានបំពុងសង្គមថាមានពលរដ្ឋម្នាក់បានស្លាប់ក្រោយចាក់វ៉ាក់សាំងកូវីដ១៩។

លោកជំទាវ មានប្រសាសន៍ថា៖ “មិនមានអ្នកណាបាត់បង់ជីវិតដោយសារការចាក់វ៉ាក់សាំងទេ។ ហើយចំនួនប្រជាពលរដ្ឋកម្ពុជាដែលបានចាក់វ៉ាក់សាំង៣០០០ ជិត៤០០០នាក់នោះ មានស្ថានភាពសុខភាពធម្មតា គឺមិនមានអ្នកណាមានបញ្ហា ឬស្លាប់បាត់បង់ជីវិតទេ”។

លោកស្រី បានបកស្រាយបន្តថា៖ “ធម្មតាការចាក់វ៉ាក់សាំង [កូវីដ១៩] គឺដូចជាវ៉ាក់សាំងដទៃទៀតអ៊ីចឹង អ្នកដែលធ្លាប់យកកូនចៅទៅចាក់វ៉ាក់សាំង [បង្ការជំងឺផ្សេង] គាត់ដឹងហើយ ចំពោះការប្រតិកម្មដែលខ្លួនយើងឆ្លើយតបវ៉ាក់សាំងហ្នឹង មានដូចជាក្ដៅខ្លួន អ្នកខ្លះចង់ក្អួត ឈឺពោះ រាគរូសអ៊ីចឺងទៅ ប៉ុន្តែវានឹងបាត់ទៅវិញនៅរយៈពេល២៤ម៉ោង គឺតែ១ថ្ងៃ ២ថ្ងៃវានឹងបាត់ទៅវិញហើយ។ ឬអ្នកខ្លះមានចេញរមាស់ តែវានឹងបាត់ទៅវិញផងដែរ ឬបើចេញរមាស់ខ្លាំងអាចទៅជួបគ្រូពេទ្យ គ្រូពេទ្យឱ្យថ្នាំ នោះនឹងបាត់វិញហើយ… វាអត់មានបញ្ហាអ្វីដល់ថ្នាក់បាត់បង់ជីវិតទេ”។

លោកជំទាវ ឱ​​ វណ្ណឌីន បានលើកឡើងថា ចំណែកករណីថាគ្រូបង្រៀនស្លាប់នោះ ជារឿងបុគ្គលសុទ្ធសាទ ដោយសារមានជំងឺរលាកស្រោមខួរក្បាលធ្ងន់ធ្ងរ បន្ទាប់ពីគ្រូពេទ្យជួយសង្គ្រោះមិនបាន គឺមិនពាក់ព័ន្ធនឹងការចាក់វ៉ាក់សាំងទេ តែត្រូវជនបំពុលសង្គមយករូបថតគាត់មកបំផុសបំផុលថា មានគ្រូបង្រៀនម្នាក់នៅខេត្តក្រចេះស្លាប់បាត់បង់ជីវិតដោយសារវ៉ាក់សាំងកូវីដ១៩ស៊ីណូហ្វាមរបស់ចិន។

លោកជំទាវបញ្ជាក់ទៀតថា ក្រសួងសុខាភិបាលសូមចូលរួមចែករំលែកមរណៈទុក្ខចំពោះគ្រួសារសព ហើយសូមឱ្យ​អាជ្ញាធរមានសមត្ថកិច្ចជួយចាត់វិធានការតាមផ្លូវច្បាប់ទៅលើការផ្សាយបំផុសប្រឌិតនូវព័ត៌មាននេះ។ ថាមកទល់ពេលនេះក្រសួងនៅមិនទាន់មានការចាក់វ៉ាក់សាំងកូវីដ១៩ដល់ក្រុមគ្រូបង្រៀននៅឡើយទេ។ មានន័យថារហូតមកដល់ពេលនេះនៅមិនទាន់មានគ្រូបង្រៀនណាម្នាក់ទទួលបានចាក់វ៉ាក់សាំងនេះទេ។

គិតចាប់ពីថ្ងៃទី១០ ដល់ថ្ងៃទី១៨ ខែកុម្ភ: ឆ្នាំ២០២១ មានអ្នកស្ម័គ្រចិត្តចាក់វ៉ាក់សាំងកូវីដ-១៩ (Sinopharm Beijing Institute of Biological Products) មានចំនួនសរុប ៤៦៦៩នាក់ (ស្រី ១៧២២នាក់) ក្នុងនោះមាន អ្នកបានចាក់វ៉ាក់សាំងរួចចំនួន ៣៨០៣នាក់ (ស្រី ១២៥៩នាក់) និង អ្នកដែលគ្រូពេទ្យមិនអនុញ្ញាត្តឲ្យចាក់មានចំនួន ៨៦៦នាក់ (ស្រី ៤៦៣នាក់)៕

អត្ថបទ៖ ច័ន្ទ វីរៈ
សូមអានព័ត៌មានពាក់ព័ន្ធ៖ អនុក្រឹត្យ​ថ្មី ពិន័យអ្នកគេចវេះ​ចត្តាឡីស័ក​​មួយ​គុណ​ជាប្រាំ មេខ្យល់ឡើង​ដល់​ ៥០​លាន​រៀល

អាជ្ញាធរ​ខេត្ត​ជាប់​ព្រំដែនកម្ពុជា-ថៃ ដាក់ចេញ​វិធានការតឹង​រឹង​ ទប់​ស្កាត់​ការ​ឆ្លងកូវីដ១៩

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services