Connect with us

ព័ត៌មានជាតិ

រយៈពេល​២០​ថ្ងៃ​នៃ​យុទ្ធនាការ​បាញ់ថ្នាំ​សម្លាប់​មូស​បញ្ចប់​ទៅ​ដោយ​ជោគជ័យ អភិបាល​រាជធានី​ថ្លែងការ​អរគុណ​ចំពោះ​កងពលតូច​លេខ​៧០

បានផុស

នៅ

​លោក​ឃួ​ង ស្រេង អភិបាល​រាជធានី​ភ្នំពេញ​បាន​ថ្លែង​នូវ​ការ​អរគុណ​យ៉ាង​ជ្រាលជ្រៅ​បំផុត ចំពោះ​កងពលតូច​លេខ​៧០ ក៏ដូចជា​មន្ទីរ​សុខាភិបាល​និង​អាជ្ញាធរ​ដែនដី​ទាំងអស់ ដែល​បាន​យក​អស់​កម្លាំងកាយ​ចិត្ត ក្នុង​យុទ្ធនាការ​បាញ់ថ្នាំ​សម្លាប់​មូស ដើម្បី​បង្ការ​ទប់ស្កាត់​ជំងឺគ្រុនឈាម ជូន​ប្រជាពលរដ្ឋ​នៅ​ទូទាំង​រាជធានី​ភ្នំពេញ​នា​រយៈពេល​២០​ថ្ងៃ​កន្លងមកនេះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ថ្លែងអំណរគុណ​បែបនេះ​បាន​ធ្វើ​ឡើង នា​ល្ងាច​ថ្ងៃ​ទី​១៤ ខែមីនា ឆ្នាំ​២០២៤ ក្នុង​ពិធី​ជួបជុំ​ក្រុមការងារ​បាញ់ថ្នាំ​មូស​ក្នុង​រាជធានី​ភ្នំពេញ នៅ​សាលា​រាជធានី​ភ្នំពេញ។

លោក​ឃួ​ង ស្រេង​ បាន​មានប្រសាសន៍​លើកឡើង​ថា កងពលតូច​លេខ​៧០ តែង​ជួយ​រដ្ឋបាល​រាជធានី​ភ្នំពេញ គ្រប់​កាលៈទេសៈ​ទាំងអស់​។ ជាក់ស្ដែង​នៅ​ពេល​នេះ កងពលតូច​លេខ​៧០ បាន​សហការ​ជាមួយ​អាជ្ញាធរ​រាជធានី​ភ្នំពេញ បើក​យុទ្ធនាការ​បាញ់ថ្នាំ​មូស​បង្ការ​ជំងឺគ្រុនឈាម​ជូន​ប្រជាពលរដ្ឋ​យ៉ាងសកម្ម​បំផុត​។ សកម្មភាព​ទាំងនេះ យើង​ក៏​នឹកឃើញ មិន​ភ្លេច​ចំពោះ​ការ​លះបង់​របស់​កងពល​តូច​លេខ​៧០ ក្នុង​ដំណាក់កាល នៃ​ការរីក​រាតត្បាត​ជំងឺ​កូ​វីដ​-១៩ ដោយ​កម្លាំង កងពលតូច​លេខ​៧០ បាន​លះបង់​កម្លាំងកាយ​ចិត្ត ក្នុង​ការ​ដឹកជញ្ជូន​ស​ម្ភា​រៈ គ្រឿងឧបភោគ​បរិភោគ​ជូន​ប្រជាពលរដ្ឋ​។

ជា​មួយ​នឹង​ការ​បាញ់​ថ្នាំ​បង្ការ​ការពារ​ជំងឺ covid-19 ថែមទៀត​។ ជាក់ស្តែង​នៅ​ពេល​នេះ ពោលគឺ​តប​តាម​ការស្នើសុំ​ពី​រដ្ឋបាល​រាជធានី​ភ្នំពេញ លោក​នាយ​ឧ​ត្ត​ម​សេនីយ៍​ម៉ៅ សុផាន់ មេបញ្ជាការ​កងទ័ពជើងគោក បានប្រគល់​ទាំង​រថយន្ត កម្លាំង​ព្រមទាំង ម៉ាស៊ីន​សម្រាប់​បាញ់​មូស ដើម្បី​បើក​​យុទ្ធនាការ​បាញ់ថ្នាំ​មូស​នៅក្នុង​ភូមិសាស្ត្រ​រាជធានី​ភ្នំពេញ​រហូត​ទទួល​បាន​បញ្ចប់​ដោយ​ជោគជ័យ​។

លោក​ឃួ​ង ស្រេង បាន​បន្ត​ថា ក្រោយ​យុទ្ធនា​ការដែល​ប្រើប្រាស់​រយៈពេល​២០​ថ្ងៃ​នៃ​ការបាញ់​ថ្នាំ​មូស​នេះ​ឃើញថា ជំងឺគ្រុនឈាម បាន​ថយចុះ​ច្រើន ដែល​ធ្វើ​ឲ្យ​ប្រជាពលរដ្ឋ មានការ​ត្រេកអរ​និង​អរគុណ​យ៉ាង​ជ្រាលជ្រៅ​បំផុត​ចំពោះ អាជ្ញាធរ​រាជធានី​ភ្នំពេញ​និង​កងកម្លាំង​កងពលតូច​លេខ​៧០ ដែល​បាន​ខិតខំ​លះបង់​ទាំង​កម្លាំងកាយ​ចិត្ត​ដើម្បី​សុខុមាលភាព​ប្រជាពលរដ្ឋ​នៅ​រាជធានី​ភ្នំពេញ​។

លោក​ឃួ​ង ស្រេង ក៏បាន​បញ្ជាក់​ផង​ដែរ​ថា យុទ្ធនា​នៃ​ការ​បាញ់​ថ្នាំ​មូស​នេះ ក៏ដូចជា​ការ​ដាស់តឿន​ក្រើនរំលឹក ឲ្យ​បងប្អូន​ប្រជាពលរដ្ឋ មានការ​ប្រុងប្រយ័ត្ន អោយ​ចេះ​បង្ការ​ខ្លួន ដើម្បី​គិត​ឱ្យ​រួច​ផុតពី​ជំងឺគ្រុនឈាម​នេះ​ផងដែរ​។

ចំពោះ​កងពលតូច​លេខ​៧០ ដែល​ចុះ​យុទ្ធនា​នៃ​ការ​បាញ់​ថ្នាំ​មូស​នេះ ចំនួន​២៨​នាក់ ត្រូវបាន​លោក​ឃួ​ង ស្រេង នាំ​យក​អំណោយ​របស់​ស​ម្ដេច​មហា​បវរ​ធិបតី ហ៊ុន ម៉ា​ណែ​ត មក​ប្រគល់ជូន​ដោយ ក្នុង​ម្នាក់ៗ​ទទួល​ថវិកា​ចំនួន​៤០​ម៉ឺន​រៀល​។

គូរ​បញ្ជាក់​ថា ក្រុមការងារ ដែលមាន​មន្ទីរ​សុខាភិបាល​រាជធានី​ភ្នំពេញ ក្រុមគ្រូពេទ្យ អាជ្ញាធរ​ខណ្ឌ​ទាំង​១៤ និង​កងពលតូច​លេខ​៧០ បាន​បើក​យុទ្ធនាការ​បាញ់ថ្នាំ​សម្លាប់​មូស ការពារ​ជំងឺគ្រុនឈាម​នៅ​ទូទាំង​១០៥​សង្កាត់ កាលពី​ថ្ងៃ​២៣​កុម្ភៈ ហើយ​បាន​បញ្ចប់​យុទ្ធនាការ កាលពី​ថ្ងៃទី​១២​មីនា​២០២៤​នេះ តាម​ការ​ចង្អុល​បង្ហាញ​ពី​ស​ម្ដេច​មហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី​កម្ពុជា ដែល​បាន​យកចិត្តទុកដាក់​ទៅលើ​សុខុមាលភាព​ប្រជាពលរដ្ឋ​៕

ដោយ ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៨ នាទី មុន

ឯកឧត្តម ហ៊ុន ម៉ានី ថ្លែងអំណរគុណ សមាជិក សាមាជិកា ដែលរួមគ្នានាំមកនូវជ័យជំនះក្នុងការបោះឆ្នោត

សេចក្ដីជូនដំណឹង២ ម៉ោង មុន

ឯកឧត្ដម ឃួង ស្រេង ផ្ញើរសារលិខិតរំលែកទុក្ខ ជូនលោក ជា ពិសី ចំពោះការទទួលមរណភាពរបស់មហាឧបាសិកា ជា ហៀម ត្រូវជាម្តាយបង្កើត

ព័ត៌មានជាតិ២ ម៉ោង មុន

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមអនុវត្តយោគៈ និងសមាធិ នៅបរិវេណប្រាសាទអង្គរវត្ត

ព័ត៌មានជាតិ៣ ម៉ោង មុន

អភិបាលរាជធានី ចុះពិនិត្យទីតាំងប្រារព្ធពិធី ថ្វាយ​ព្រះភ្លើងព្រះបរមសពសម្តេច ទេព វង្ស

ព័ត៌មានជាតិ៤ ម៉ោង មុន

សហព័ន្ធកីឡាទោចក្រយានកម្ពុជា ជិះកង់ប្រមូលមូលនិធិសប្បុរសធម៌ ដើម្បីទ្រទ្រង់មន្ទីរពេទ្យកុមារអង្គរ

Sokha Hotels

ព័ត៌មានពេញនិយម