ព័ត៌មានជាតិ

បន្ទប់រង់ចាំពិសេសនៅព្រលានយន្តហោះសៀមរាបមាន ៥ បន្ទប់ បែងចែកខុសៗគ្នាតាមឋានៈតួនាទី

បានផុស

២ years មុន

នៅ

ថ្ងៃសុក្រ ២២ មីនា ២០២៤

ដោយ

នៅព្រលានយន្តហោះសៀមរាបអង្គរមានរៀបចំបន្ទប់ពិសេសដាច់ដោយឡែកសម្រាប់ទទួលថ្នាក់ដឹកនាំ ឥស្សរជន និងបុគ្គលមានមុខមាត់ ជាមួយការរៀបចំយ៉ាងប្រណិតស័ក្ដិសមឋានៈនិងតួនាទីរបស់ភ្ញៀវកិត្តិយស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក យឹម សានីរាន អ្នកសម្របសម្រួលនៅអាកាសយានដ្ឋានសៀមរាបបានប្រាប់ក្រុមអ្នកសារព័ត៌មានក្នុងឱកាសចុះទស្សនកិច្ចនៅព្រលានយន្តហោះសៀមរាបកាលពីសប្ដាហ៍មុនថា បន្ទប់រង់ចាំពិសេសនៅព្រលានយន្តហោះសៀមរាបមាន ៥ បន្ទប់ បែងចែកខុសៗគ្នាតាមកម្រិតលំដាប់ភ្ញៀវ។

បន្ទប់ពិសេសបំផុតនោះគឺ VVIP សម្រាប់យាងទទួលព្រះមហាក្សត្រ នាយករដ្ឋមន្រ្តី ឧបនាយករដ្ឋមន្រ្តី និងរដ្ឋមន្រ្តី និង ៤ បន្ទប់ផ្សេងទៀតសម្រាប់ភ្ញៀវពិសេសធម្មតា។

បន្ទប់នីមួយៗមានការរៀបចំតាមឋានៈតួនាទីរបស់ភ្ញៀវ។ បើតាមលោក យឹម សានីរាន ក្នុងពេលតែមួយបើមានភ្ញៀវច្រើនស្ថានីយអ្នកដំណើរក្នុងព្រលានអាចទទួលភ្ញៀវពិសេសបានចំនួន ១០០ នាក់៕