ព័ត៌មានជាតិ
យោធិនពាក់ព័ន្ធក្នុងព្រឹត្តិការណ៍ “សហគមន៍២០កុម្ភៈ” ត្រូវយកសំណាក និងធ្វើចត្តាឡីស័កទាំងអស់
នាយឧត្ដមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ បានបញ្ជាក់ថា យោធិនដែលពាក់ព័ន្ធក្នុងព្រឹត្តិការណ៍ “សហគមន៍២០កុម្ភៈ” ត្រូវយកសំណាកទៅពិនិត្យ និងធ្វើចត្តាឡីស័កឱ្យបានត្រឹមត្រូវបំផុត ប្រសិនបើមិនអនុវត្ត ត្រូវអនុវត្តបទវិន័យរបស់កងយោធពលខេមរភូមិន្ទ និងអនុក្រឹត្យស្តីពី វិធានការចត្តាឡីស័កដើម្បី ទប់ស្កាត់ការឆ្លងរាលដាលនៃជំងឺកូវីដ-១៩។
បទបញ្ជារបស់នាយឧត្ដមសេនីយ៍ វង្ស ពិសេន បានធ្វើឡើងតាមរយៈសេចក្តីណែនាំមួយ ដែលកម្ពុជាថ្មីទើបទទួលបាននៅថ្ងៃទី២២ ខែកុម្ភៈ ឆ្នាំ២០២១នេះ។
សេចក្តីណែនាំបញ្ជាក់ថា ដោយអនុវត្តតាមការដឹកនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការបង្ការ ការពារ និងទប់ស្កាត់ការរីករាលដាលនៃជំងឺកូវីដ-១៩ នៅព្រះរាជាណាចក្រកម្ពុជាក្នុងដំណាក់កាលនៃព្រឹត្តិការណ៍ “សហគមន៍២០កុម្ភៈ” មេបញ្ជាការប្រភេទទ័ព ទ័ពជំនាញ និងនាយកស្ថាប័នចំណុះអគ្គបញ្ជាការដ្ឋានទាំងអស់ ត្រូវអនុវត្តឱ្យបានម៉ឺងម៉ាត់នូវវិធានការ៥ចំណុច ដែលរួមមាន៖
ទី១- គ្រប់កងឯកភាព ទីតាំងឈរជើងកងទ័ព និងសាលា ជាពិសេសបណ្តាអង្គភាពដែលមានទីតាំង នៅរាជធានីភ្នំពេញ និងតំបន់ជុំវិញរាជធានីភ្នំពេញ ត្រូវបង្កើនការប្រុងប្រយ័ត្នខ្ពស់ រឹតបន្តឹងការគ្រប់គ្រង កម្លាំងឱ្យបានល្អ និងអនុវត្តឱ្យបានខ្ជាប់ខ្ជួននូវវិធានការការពារជំងឺកូវីដ-១៩ ដូចជាការវាស់កម្ដៅនៅគ្រប់ច្រកចេញ-ចូលអង្គភាព ការបាញ់ថ្នាំសម្លាប់មេរោគនៅក្នុងបន្ទាយ រោងបាយ បន្ទប់ប្រជុំ ឬបន្ទប់ធ្វើការ រួមនឹងការអនុវត្តយ៉ាងម៉ឺងម៉ាត់នូវវិធានការការពារ ៣កុំ របស់រាជរដ្ឋាភិបាល។
ទី២- យោធិនដែលពាក់ព័ន្ធក្នុងព្រឹត្តិការណ៍ “សហគមន៍២០កុម្ភៈ” ត្រូវយកសំណាកទៅពិនិត្យ និងធ្វើចត្តាឡីស័កឱ្យបានត្រឹមត្រូវបំផុត ក្នុងករណីយោធិនមិនបានធ្វើចត្តាឡីស័កឱ្យបានត្រឹមត្រូវ នឹងត្រូវអនុវត្តបទវិន័យទូទៅរបស់កងយោធពលខេមរភូមិន្ទ និងអនុក្រឹត្យស្តីពីវិធានការចត្តាឡីស័ក្តដើម្បី ទប់ស្កាត់ការឆ្លងរាលដាលនៃជំងឺកូវីដ-១៩។
ទី៣- មិនត្រូវរើសអើងចំពោះអ្នកដែលមានការសង្ស័យពាក់ព័ន្ធនឹងអ្នកឆ្លងជំងឺកូវីដ-១៩។
ទី៤- គ្រប់កងឯកភាព និងស្ថាប័នចំណុះអគ្គបញ្ជាការដ្ឋាន ត្រូវត្រៀមកម្លាំងទាំងកម្លាំងជំនាញ និងកម្លាំងអន្តរាគមន៍ ដើម្បីត្រៀមលក្ខណៈក្នុងករណីមានបទបញ្ញា។
ទី៥- ក្រុមការងាររបស់រាជរដ្ឋាភិបាលចុះជួយមូលដ្ឋាន ត្រូវអប់រំផ្សព្វផ្សាយដល់ប្រជាពលរដ្ឋអ្នក ចំណាកស្រុក អនុវត្តឱ្យបានត្រឹមត្រូវបំផុតចំពោះការធ្វើចត្តាឡីស័ក្ក និងរួមគ្នាពង្រឹងវិធានការការពារជំងឺ កូវីដ-១៩ តាមការដឹកនាំរបស់រាជរដ្ឋាភិបាល និងការអំពាវនាវរបស់ក្រសួងសុខាភិបាល។
សូមបញ្ជាក់ថា មកដល់ថ្ងៃនេះ ក្រសួងសុខាភិបាល បានរកឃើញអ្នកឆ្លងជំងឺ Covid-19 ចំនួន៥៦៨ នាក់ក្នុងនោះព្យាបាលជាសះស្បើយចំនួន៤៧៥ នាក់ និងកំពុងសម្រាកព្យាបាលចំនួន៩៣ នាក់ ហើយរកឃើញថ្មីសម្រាប់ថ្ងៃនេះមានចំនួន៣៥ នាក់ ក្នុងនោះមានពាក់ព័ន្ធករណីឆ្លងសហគមន៍២០ កុម្ភៈ ចំនួន៣១ នាក់៕
អត្ថបទ៖ កោះកែវ
ជប៉ុន ផ្តល់ថវិកាជិត៤ម៉ឺនដុល្លារ សម្រាប់កែលម្អឧបករណ៍តន្ត្រីបុរាណនៅសាលាមធ្យមវិចិត្រសិល្បៈ
យីហោល្បីៗសម្រុកផ្ដាច់កុងត្រាពាណិជ្ជកម្មគ្មានសល់ ក្រោយ Han So Hee ចម្រូងចម្រាសស្នេហាត្រីកោណ
ឯកឧត្ដម ហ៊ុន ម៉ានី អញ្ជើញបើកវគ្គបណ្ដុះបណ្ដាលស្ដីពី «ភាពជាអ្នកដឹកនាំ និងនវានុវត្តន៍ ជំនាន់ទី ៦»
ថៃ មិនទាន់មានលុយគ្រប់ ៤៧០ លានដុល្លារទិញនាវាមុជទឹក
រដ្ឋមន្ត្រីក្រសួងសាធារណការចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាមដងផ្លូវ
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង