ព័ត៌មានជាតិ
ខេត្តកោះកុង មានទេសចរជាង ២ ម៉ឺននាក់ មកលេងថ្ងៃបុណ្យចូលឆ្នាំខ្មែររយៈពេល ៤ ថ្ងៃ
ខេត្តកោះកុង ដែលជាខេត្តជាប់មាត់សមុទ្រមួយនៅក្នុងប្រទេសកម្ពុជា បានទទួលភ្ញៀវទេសចរមកលេងកម្សាន្តអំឡុងថ្ងៃបុណ្យចូលឆ្នាំខ្មែរចំនួនជាង ២ ម៉ឺននាក់ រយៈពេល ៤ ថ្ងៃ មកនេះ។
លោក សាគុណ ភក្តី ប្រធានការិយាល័យព័ត៌មានផ្សព្វផ្សាយ នៃមន្ទីរទេសចរណ៍ខេត្តកោះកុង បានឱ្យដឹងនៅថ្ងៃទី ១៧ ខែមេសា នេះថា ក្នុងចំណោមភ្ញៀវទេសចរចំនួន ២០,១៤១ នាក់ ដែលបានមកស្នាក់នៅកម្សាន្ត គឺមានភ្ញៀវជាតិចំនួន ១៩,៣២០ នាក់ កើនឡើង ៣,៣៤០ នាក់ ស្មើនឹង ២១% ធៀបនឹងរយៈពេលដូចគ្នាឆ្នាំ ២០២៣។ រីឯភ្ញៀវបរទេសចំនួន ៨២១ នាក់ កើនឡើង ៣៨៣ នាក់ ស្មើនឹង ១៥២% ធៀបនឹងរយៈពេលដូចគ្នាឆ្នាំ ២០២៣។ បើគិតចាប់ពីថ្ងៃទី ១៣ ដល់ ១៦ ខែមេសា ឆ្នាំ ២០២៤។
លោក សាគុណ ភក្តី បន្ថែមថា ចំពោះប្រជាពលរដ្ឋ និងភ្ញៀវទេសចរដែលបានចូលរួមលេងកម្សាន្ត នៅតាមទីតាំងប្រារព្ធពិធីសង្ក្រាន្តឆ្នាំថ្មី រយៈពេល ៤ ថ្ងៃ តាមបណ្ដាក្រុងស្រុក មានចំនួនប្រមាណ ៤០៥,២០០ នាក់។ មូលហេតុដែលនាំឱ្យមានចំនួនភ្ញៀវទេសចរកើនឡើង ក៏ព្រោះតែរដ្ឋបាលខេត្ត បានរៀបចំការប្រគំតន្ត្រី និងពិធីស្រង់ទឹកព្រះពុទ្ធរូប ព្រះសង្ឃ និងចាស់ព្រឹទ្ធាចារ្យ ព្រមទាំងរៀបចំទីតាំង(តំបន់ត្រជាក់) រយៈពេល ៤ ថ្ងៃ។ អាកាសធាតុអំណោយផលល្អ មានតំបន់ទេសចរណ៍ថ្មីៗ ច្រើន។ សម្រាប់បរិស្ថាន សណ្ដាប់ធ្នាប់ អនាម័យនៅតាមរមណីយដ្ឋានដោយមានការយកចិត្តទុកដាក់ពីអាជ្ញាធរគ្រប់លំដាប់ថ្នាក់ ស្ថាប័នពាក់ព័ន្ធ និងការចូលរួមរបស់ភ្ញៀវទេសចរ និងប្រជាជន ធ្វើឱ្យតំបន់គោលដៅទេសចរណ៍នានាក្នុងខេត្តមានសោភ័ណភាពល្អ។
តម្លៃសេវាដឹកអ្នកដំណើរ ទំនិញ ម្ហូបអាហារ និងសេវាផ្គត់ផ្គង់នៅតាមរមណីយដ្ឋាន ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរឆ្នាំនេះ មានសេវាដឹកអ្នកដំណើរ ភោជនីយដ្ឋាន អាហារដ្ឋាន សណ្ឋាគារ ផ្ទះសំណាក់មួយចំនួន បានឡើងថ្លៃ ដោយមានការយល់ព្រមពីភ្ញៀវទេសចរ។
លោកឧត្ដមសេនីយ៍ត្រី សរ សារ៉ាត់ ស្នងការរងនគរបាលខេត្តកោះកុង បង្ហាញថា បញ្ហាសន្តិសុខសណ្ដាប់ធ្នាប់វិញ គឺកងកម្លាំងសមត្ថកិច្ច បានសហការជាមួយអាជ្ញាធរស្ថាប័នពាក់ព័ន្ធបានដាក់វេនប្រចាំការតាមគោលដៅទេសចរណ៍ និងតាមដងផ្លូវសាធារណៈ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ពុំមានបញ្ហាអ្វីកើតឡើងទេ៕
អត្ថបទ ៖ សិរីវឌ្ឍនៈ
-
ចរាចរណ៍២ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ១ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ២ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ព័ត៌មានអន្ដរជាតិ១ សប្តាហ៍ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម២៣ ម៉ោង ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
ព័ត៌មានអន្ដរជាតិ៦ ថ្ងៃ ago
តើប្រទេស អាស៊ាន ណាខ្លះរៀបចំពិធីបុណ្យចូលឆ្នាំថ្មីក្នុងខែមេសាដូច កម្ពុជា ដែរ?
-
សន្តិសុខសង្គម១ សប្តាហ៍ ago
អ្នកនាំពាក្យ៖ ករណីបាញ់សម្លាប់សា្វមីម្ចាស់ប្រេន Lakamo ជនដៃដល់បានធ្វើអត្តឃាតខ្លួនឯងតាមក្រោយ(មានវីដែអូ)
-
ព័ត៌មានអន្ដរជាតិ៥ ថ្ងៃ ago
យប់មិញ អ៉ីរ៉ង់សងសឹកអ៉ីស្រាអែលដោយមីស៊ីល-យន្តហោះគ្មានមនុស្សជាង២០០គ្រាប់