Connect with us

ព័ត៌មានជាតិ

អាជ្ញាធរ​រាជធានី​បំពេញ​តួនាទី​-​ភារកិច្ច បាន​​យ៉ាង​ល្អ​ប្រសើរ​ ដើម្បី​ថែរក្សា​ស្ថិរភាព​នយោបាយ សន្តិសុខ​សង្គម និង​សណ្តាប់ធ្នាប់​សាធារណៈ

បានផុស

នៅ

​គ​ណៈ​បញ្ជា​ការ​ឯកភាព​រាជធានី​ភ្នំពេញ បាន​ខិតខំ​ប្រឹងប្រែង បំពេញ​តួនាទី​-​ភារកិច្ច​ដើម្បី​កែលម្អ​យន្ត​ការ​ផ្តល់សេវា​សាធារណៈ សេវា​សន្តិសុខ ជាតិ ដើម្បី​រួមចំណែក​ថែរក្សា​ស្ថិរភាព​នយោបាយ សន្តិសុខ​សង្គម និង​សណ្តាប់​ធ្នាប់​សាធារណៈ ប្រកបដោយ​ស្មារតី​ម្ចាស់ការ ជាមួយនឹង​ការចាត់តាំង​អនុវត្ត​យ៉ាង​ម៉ឺងម៉ាត់​នូវ​គោលនយោបាយ​“​ភូមិឃុំ​-​សង្កាត់​មាន​សុវត្ថិភាព​” បាន​យ៉ាង​ល្អប្រសើរ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះ​ជា​ការ​លើកឡើង​របស់​លោក ហ៊ុន សុរិទ្ធី អភិបាលរង​រាជធានី​ភ្នំពេញ​ខណៈ​លោក​អញ្ជើញ​ជា​តំណាង​លោក​ឃួ​ង ស្រេង អភិបាល នៃ​គណៈ​អភិបាល​រាជធានី​ភ្នំពេញ ក្រោម​អធិបតីភាព​លោក​សន្តិ​បណ្ឌិត ម៉ៅ ច័ន្ទ​តារា រដ្ឋមន្ត្រី​ស្តីទី ក្រសួងមហាផ្ទៃ ក្នុង​កិច្ចប្រជុំ ផ្សព្វផ្សាយ​ផែនការ​យុទ្ធសាស្ត្រ​ស្តីពី​ការលើកកម្ពស់​ការគ្រប់គ្រង​រដ្ឋបាល​ដែនដី សន្តិសុខ​ជាតិ សណ្តាប់ ធ្លាប់​សា​ធារ​ណៈ និង​សុវត្ថិភាព​សង្គម ២០២៤-២០២៨ របស់​ក្រសួងមហាផ្ទៃ នៅ​រាជធានី​ភ្នំពេញ​នា​ព្រឹក​ថ្ងៃទី​១៩ ខែមេសា ឆ្នាំ​២០២៤ នៅ​សាលា​រាជធានី​ភ្នំពេញ​។

លោក ហ៊ុន សុរិទ្ធី បាន​មានប្រសាសន៍​លើកឡើង​ថា សម្តេច​មហា​បវរ ធិបតី ហ៊ុន ម៉ា​ណែ​ត នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​នឹង​កំពុង​យកចិត្តទុកដាក់​ជាខ្លាំង​លើ​វិស័យ​សន្តិសុខ ជាតិ សណ្តាប់ធ្នាប់​សា​ធារ​ណៈ និង​សុវត្ថិភាព​សង្គម ដែល​ជា​វិស័យ​អាទិភាព​មួយ​ដ៏​សំខាន់ គឺជា​ឆ្អឹងខ្នង​សម្រាប់​ទ្រទ្រង់​ការ អភិវឌ្ឍន៍​សេដ្ឋកិច្ចសង្គម ស្របតាម​កម្មវិធី​នយោបាយ និង​យុទ្ធសាស្ត្រ​បញ្ជា​កោណ ដំណាក់កាល​ទី​១​។

លោក​បន្ត​ថា គ​ណៈ​បញ្ជា​ការ​ឯកភាព​រាជធានី​ភ្នំពេញ បាន​ខិតខំ​ប្រឹងប្រែង បំពេញ​តួនាទី​-​ភារកិច្ច​ដើម្បី​កែលម្អ​យន្ត​ការ​ផ្តល់សេវា​សា​ធា​រណៈ ជាពិសេស​សេវា​រដ្ឋបាល សេវា​សន្តិសុខ ជាតិ ដើម្បី​រួមចំណែក​ថែរក្សា​ស្ថិរភាព​នយោបាយ សន្តិសុខ​សង្គម និង​សណ្តាប់ធ្នាប់​សាធារណៈ ប្រកបដោយ​ស្មារតី​ម្ចាស់ការ ប្រសិទ្ធភាព តម្លាភាព គណនេយ្យភាព យុត្តិធម៌ សមធម៌​សង្គម​បរិ​យាប​ន្ន ជាមួយនឹង​ការចាត់តាំង​អនុវត្ត​យ៉ាង​ម៉ឺងម៉ាត់​នូវ​គោលនយោបាយ​“​ភូមិ ឃុំ​-​សង្កាត់​មាន​សុវត្ថិភាព​” យ៉ាង​ល្អ ប្រសើរ ធានា​ប្រក្រតីភាព​នៃ​ជីវភាព​សង្គម​លើ​គ្រប់​វិស័យ រក្សាបាន​ស្ថិរភាព​ម៉ាក្រូសេដ្ឋកិច្ច ព​ន្លឿ​ន​ការ​អភិវឌ្ឍ និង​បង្កើន​ទំនុក ចិត្ត​ជូន​ដល់​វិនិយោគិន ធុរជន ពាណិជ្ជករ ភ្ញៀវ​ទេសចរណ៍ និង​ប្រជាពលរដ្ឋ​រស់នៅ​ប្រកបដោយ​ភាព​សុខដុមរមនា។

ជាក់​ស្តែង​ក្នុងអំឡុងពេល​រៀបចំ​ការបោះឆ្នោត​ជ្រើសតាំង​ព្រឹទ្ធសភា អាណត្តិ​ទី​៥ ក៏ដូចជា ព្រឹត្តិការណ៍​ពិធីបុណ្យ​ចូលឆ្នាំ​ខ្មែរ​ប្រពៃណីជាតិ ​កាលពី​ថ្ងៃទី​១៣-១៦ មេសា ២០២៤ កន្លង​ទៅ​នេះ​មាន​ភ្ញៀវទេសចរ​ណ៍​ចូលរួម​លេង​កម្សាន្ត​សប្បាយ​ក្នុង​ព្រឹត្តិការណ៍​សង្ក្រាន្ត​នេះ មាន​ភ្ញៀវ​ជាតិ​ប្រហាក់ប្រហែល ១.៣០២.៦៦៦​នាក់ និង ភ្ញៀវ​ទេសចរណ៍​អន្តរជាតិ​ប្រហាក់ប្រហែល ១៨.៤៥៤​នាក់ ដែល​ញាំ​ង​ឲ្យ​បរិយាកាស​ក្នុង​ព្រឹត្តិការ​ណ៍​សង្ក្រាន្ត​ឆ្នាំ​ថ្មី ប្រកបដោយ បរិយាកាស​សប្បាយរីករាយ អធិកអធម និង​ពោរពេញ​ដោយ​ក្តី​មោទនភាព​បំផុត​។

លោក​បន្ត​ទៀត​ថា ផែនការ​យុទ្ធសាស្ត្រ​ស្តីពី​ការលើកកម្ពស់​ការគ្រប់គ្រង​រដ្ឋបាល​ដែនដី សន្តិសុខ ជាតិ សណ្តាប់ធ្នាប់​សាធារណៈ និង​សុវត្ថិភាព​សង្គម ២០២៤-២០២៨ របស់​ក្រសួងមហាផ្ទៃ​ដែល​ផ្សព្វផ្សាយ​នាពេលនេះ គឺជា​យន្តការ​ទិសដៅ​ថ្មី​បន្ថែម​ទៀត ដែលជា​ផែនទី​បង្ហាញផ្លូវ​ច្បាស់លាស់​មួយទៀត សម្រាប់​ការដឹកនាំ ការ គ្រប់គ្រង និង​ការអនុវត្ត​កិច្ចការ​ជា​អាទិភាព សំដៅ​ពង្រឹង​ការអនុវត្ត​មុខងារ​របស់​រដ្ឋបាល​ថ្នាក់ក្រោម​ជាតិ ជាពិសេស​ការធ្វើឱ្យ មាន​សង្គតិភាព រវាង​យន្តការ​គាំទ្រ​ដោយ​ក្រសួង​-​ស្ថាប័ន​ថ្នាក់ជាតិ និង​ការអនុវត្ត​តួនាទី ភារកិច្ច​នៅ​ថ្នាក់មូលដ្ឋាន ឱ្យ​កាន់​តែមាន ប្រសិទ្ធភាព និង​ប្រសិទ្ធិ​ផល​ខ្ពស់​។

លោក​សន្តិ​បណ្ឌិត ម៉ៅ ច័ន្ទ​តារា បាន​មានប្រសាសន៍ថា ក្រោម​ការដឹកនាំ​របស់ សម្តេច​មហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី​បាន​ជាក់​ចេញ យុទ្ធសាស្ត្រ​បញ្ច​កោណ​ដំណាក់កាល​ទី​១ សម្រាប់​កំណើន ការងារ សមធម៌ ប្រសិទ្ធភាព និង​ចីរភាព ដោយ​ផ្តោតលើ​វិស័យ​អាទិភាព​ចំនួន​៥ ពី​មនុស្ស ផ្លូវ ទឹក ភ្លើង និង​បច្ចេកវិទ្យា ដើម្បី​បន្ត​កសាង មូលដ្ឋានគ្រឹះ​ឆ្ពោះទៅ​សម្រេច​ចក្ខុវិស័យ​កម្ពុជា​ឆ្នាំ​២០៣០​ជា​ប្រទេស​មាន​ចំណូល​មធ្យម​កម្រិត ខ្ពស់ និង​ឆ្នាំ​២០៥០​ជា​ប្រទេស​មាន​ចំណូល​ខ្ពស់​។​

លោក​បន្តថា ដើម្បី​ធានា​ដល់​ការបំពេញ​តួនាទី​ជា​សេនាធិការ​ជូន​រាជរដ្ឋាភិបាល​ប្រកប ដោយ​ការទទួលខុសត្រូវ​ខ្ពស់ ក្រសួងមហាផ្ទៃ​បានរៀបចំ​ផែនការ​យុទ្ធសាស្ត្រ​ស្តីពី “​ការលើក កម្ពស់​ការគ្រប់គ្រងរ​ដ្ឋ​បាល​ដែនដី សន្តិសុខ​ជាតិ សណ្តាប់ធ្នាប់​សាធារណៈ និង​សុវត្ថិភាព​សង្គម ធ្វើជា​ផែនទី​បង្ហាញផ្លូវ​ច្បាស់លាស់​មួយ​សម្រាប់​អនុវត្ត​ពី​ឆ្នាំ​២០២៤​ដល់​ឆ្នាំ​២០២៨ សំដៅ​ចូលរួម ចំណែក​អនុវត្ត​យុទ្ធសាស្ត្រ​បញ្ច​កោណ​ដំណាក់កាល​ទី​១​ឱ្យសម្រេចបាន​គោលដៅ គោលបំណង និង​ចក្ខុវិស័យ​ដែល​បានកំណត់​៕

ដោយ ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ វិនាទី មុន

ក្រសួង​ការងារ​ប្រមូល​ធាតុ​ចូល​ពី​អង្គការ​អន្តរជាតិ ដើម្បី​រៀបចំ​ទារកដ្ឋាន​សហគម​ន៍ស​ម្រា​ប់​កម្មករ​ឱ្យមាន​ស្តង់ដារ​អន្តរជាតិ

ព័ត៌មានជាតិ៦ នាទី មុន

អាជ្ញាធរ​រាជធានី​បំពេញ​តួនាទី​-​ភារកិច្ច បាន​​យ៉ាង​ល្អ​ប្រសើរ​ ដើម្បី​ថែរក្សា​ស្ថិរភាព​នយោបាយ សន្តិសុខ​សង្គម និង​សណ្តាប់ធ្នាប់​សាធារណៈ

ព័ត៌មានជាតិ៣៩ នាទី មុន

លោក នេ​ត ភ​ត្ត្រា​៖ ធម្មនុញ្ញ​វិជ្ជាជីវៈ​សារព័ត៌មាន គឺជា​កិច្ចការ​អាទិភាព​ចម្បង​ក្នុងចំណោម​បេសកកម្ម​សំខាន់ៗ​របស់​ក្រសួង​ព័ត៌មាន​អាណត្តិ​ទី​៧

ព័ត៌មានជាតិ២ ម៉ោង មុន

មន្ទីរ​សុខាភិបាល​​​ខេត្ត​ក្រចេះ​៖ មនុស្ស​​១៦​នាក់​​ធ្លាក់​ខ្លួន​​ដោយសារ បរិភោគ​នំ​បញ្ចុក​មិន​​មាន​អនាម័យ​

ព័ត៌មានជាតិ៤ ម៉ោង មុន

នគរបាល​កម្ពុជា សហការ​ជាមួយ​នគរបាល​កូរ៉េ ចាប់ខ្លួន​ជនសង្ស័យ​ម្នាក់ មាន​និវេទន៍​ក្រហម​របស់​នគរបាល​អន្តរជាតិ

Sokha Hotels

ព័ត៌មានពេញនិយម