ព័ត៌មានជាតិ

ផ្ទះមួយខ្នងរួមនឹងសម្ភារៈមួយចំនួន ត្រូវបានអគ្គិភ័យឆេះគ្មានសល់ និងរបួសស្រាលម្នាក់

បានផុស

៥ years មុន

នៅ

ថ្ងៃអង្គារ ២៣ កុម្ភៈ ២០២១

ដោយ

បាត់ដំបង ៖ បើតាមរបាយការណ៍បឋមពីសមត្ថកិច្ចមកថា ហេតុការណ៍អគ្គិភ័យឆាបឆេះនេះបានកើតឡើងកាលពីវេលាម៉ោង២និង៥២នាទី នៅរសៀលថ្ងៃទី២៣ ខែកុម្ភៈ ឆ្នាំ២០២១នេះ នៅត្រង់ចំណុចក្រុមទី១៦ភូមិកគោ ឃុំជ្រៃ ស្រុកថ្មគោល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងហេតុការណ៍នេះបានបណ្តាលឲ្យម្ចាស់ផ្ទះឈ្មោះយ៉ាត សាម ភេទប្រុស អាយុ៦៧ឆ្នាំ រស់នៅភូមិឃុំកើតហេតុខាងលើ រងរបួសស្រាល។

ប្រភពខាងលើបន្តថា ការខូចខាតក្នុងហេតុការណ៍ខាងលើនេះរួមមាន ផ្ទះតម្កល់ទំហំ៧មx៩មធ្វើពីឈើប្រក់ស័ង្កសីជញ្ជាំងស័ង្កសីក្រាលបាតក្តារ(ខូចខាតទាំងស្រុង)។ ក្នុងនោះលុយខ្មែរ៣,០០០,០០០៛,ធុងបាស់០២គ្រឿង,ទូរទស្សន៍០២គ្រឿង,កង់០១គ្រឿងរួមជាមួយឯកសារនិងសម្លៀកបំពាក់ត្រូវបានខូចខាតទាំងស្រុង សរុបការខូចខាតទាំងអស់ប្រហែល៤០,០០០,០០០រៀល(សែសិបលានរៀល)។

សមត្ថកិច្ចបានបញ្ជាក់ពីមូលហេតុនៃការឆេះនេះថា បណ្តាលមកពីឆ្លងចរន្តអគ្គិសនី(ទុស្សេខ្សែភ្លើង)ហើយភ្លាមៗនោះបានចេញរថយន្ត០៥គ្រឿង ក្នុងនោះរថយន្តពន្លត់អគ្គិភ័យស្រុក០១គ្រឿង,រថយន្តទឹកច្នៃ០១គ្រឿង,រថយន្តសង្គ្រោះ០១គ្រឿងនិងរថយន្តស៊ីរ៉ែន០១គ្រឿងនិងប្រើប្រាស់ទឹកអស់០៤ឡាន,ឡានធំ១ឡាន,រថយន្តច្នៃ០៣ឡានទើបគ្រប់គ្រងភ្លើងបាន។ ចំណែកម្ចាស់ផ្ទះដែលបានរងគ្រោះដោយសារភ្លើងឆេះក៏ត្រូវបានសមត្ថកិច្ចយករថយន្តសង្គ្រោះដឹកទៅមន្ទីរពេទ្យខេត្តបាត់ដំបងផងដែរ៕

ដោយ ៖ សៅ សារិទ្ធ