ព័ត៌មានជាតិ
ជំនួសផ្ទាំងស្រាបៀ ខេត្តបាត់ដំបងឈានមួយជំហាន បង្កើនការផ្សព្វផ្សាយសក្តានុពលខេត្ត
អាជ្ញាធរខេត្តបាត់ដំបង បានកំពុងជំរុញការផ្សព្វផ្សាយបង្ហាញអំពីសក្តានុពលរបស់ខេត្តបាត់ដំបង រួមមានតំបន់ទេសចរណ៍ កន្លែងកម្សាន្ត កន្លែងស្នាក់នៅ ម្ហូបអាហារ និងផលិតផលក្នុងស្រុក ក្នុងគោលបំណងឲ្យភ្ញៀវទេសចរក្នុងនិងក្រៅស្រុកបានដឹងនិងស្គាល់កាន់តែច្រើនអំពីសក្តានុពលក្នុងខេត្ត កាត់បន្ថយការផ្សព្វផ្សាយគ្រឿងស្រវឹងរហូតដល់ការលុបបំបាត់ទាំងស្រុង។
លោក ហម អរុណ អនុប្រធានមន្ទីរទេសចរណ៍ខេត្តបាត់ដំបងបានឲ្យដឹងថា ការដាក់តាំងបង្ហាញអំពីសក្តានុពលខេត្តបាត់ដំបងធ្វើឡើងជំនួសក្នុងការផ្សព្វផ្សាយគ្រឿងស្រវឹង ដើម្បីឲ្យប្រជាពលរដ្ឋក្នុងក្រុងក៏ដូចជានៅទូទាំងខេត្តងាកមកចាប់អារម្មណ៍មកលើសក្តានុពលក្នុងខេត្តវិញ ជាពិសេសភ្ញៀវទេសចរមិនថាក្នុងឬក្រៅស្រុក បានឃើញនិងបានស្គាល់ទីតាំងកម្សាន្ត និងមុខម្ហូបអាហារឆ្ងាញ់ៗហើយប្លែកៗដោយស្នាដៃអ្នកខេត្តបាត់ដំបងឲ្យកាន់តែទូលំទូលាយឡើង។
លោកបន្តថា ជំហានដំបូងការដាក់តាំងបង្ហាញរៀបចំនៅជុំវិញលើដំបូលផ្សារធំបាត់ដំបង ដោយសារតែទីតាំងផ្សារមួយនេះ ស្ថិតនៅចំទីប្រជុំជនកណ្តាលក្រុងផង ហើយមានរនាំងដែកស្រាប់ក្នុងការដាក់តាំងផង។
លោកថា ក្រៅពីនេះលោកអភិបាលខេត្តក៏កំពុងពិនិត្យលើទីតាំងផ្សេងទៀត ដើម្បីឲ្យការផ្សព្វផ្សាយកាន់តែមានវិសាលភាពទូលាយទូទាំងក្រុងបាត់ដំបង ងាយស្រួលសម្រាប់ភ្ញៀវទេសចរបានស្គាល់គោលដៅតំបន់ទេសចរណ៍សំខាន់ៗដែលចង់ទៅកម្សាន្ត និងបានស្គាល់ពីមុខម្ហូបអាហាររួមទាំងទិន្នផលកសិកម្មប្រកបដោយសក្តានុពលរបស់ខេត្តបាត់ដំបង។
ប្រជាពលរដ្ឋរស់នៅក្នុងក្រុងបាត់ដំបង សាទរនិងគាំទ្រចំពោះការតាំងបង្ហាញអំពីសក្តានុពលរបស់ខេត្តបាត់ដំបង នាពេលនេះ និងចង់ឲ្យបង្កើនទីតាំងផ្សព្វផ្សាយឲ្យបានកាន់តែទូលំទូលាយក្នុងក្រុងទាំងមូល ហើយបំបាត់ការផ្សព្វផ្សាយគ្រឿងស្រវឹង កុំឲ្យមានបន្តទៀត។
ពលរដ្ឋមួយរូបរស់នៅក្នុងក្រុងបាត់ដំបង អ្នកស្រី ស្រីមុំបានបង្ហាញការចាប់អារម្មណ៍ថា “ខ្ញុំក្រឡេកឃើញភ្លាមហាក់មានអារម្ភណ៍ស្រស់ស្រាយ ហើយមានមោទនភាពមែនទែន ដែលខេត្តខ្ញុំបានតាំងរូបភាពទាំងនេះ។ ខ្ញុំគិតថាអ្នកផ្សេងក៏មានចិត្តមិនខុសពីខ្ញុំដែរ”។
លោក សុខ លូ ក៏បានសរសេរបង្ហោះសារថា ក្រៅពីរៀបចំនៅជុំវិញដំបូលផ្សារធំបាត់ដំបង (ផ្សារណាត់) បង្ហាញផ្ទាំងផ្សព្វផ្សាយពីសក្តានុពលរបស់ខេត្តបាត់ដំបង រួមមានតំបន់ទេសចរណ៍ កន្លែងកំសាន្ត កន្លែងស្នាក់នៅ ម្ហូបអាហារ និងផលិតផលក្នុងស្រុក ត្រូវបានដាក់តាំងលើដំបូលផ្សារធំបាត់ដំបង្ហាញ តិចទៀតក៏នឹងបន្តរៀបចំនៅតាមដងផ្លូវផងដែរ៕
អត្ថបទ៖ សៅ សារិទ្ធ
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៧ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល