ព័ត៌មានជាតិ
អាជ្ញាធរខណ្ឌដូនពេញប្រើធម៌ក្ដៅលើរថយន្តធុនធំដែលបើកលើផ្លូវហាមឃាត់ចូលក្រុង
រថយន្តដឹកទំនិញធុនធំ និងវែងៗប្រមាណជាង៤០គ្រឿង ត្រូវបានកម្លាំងគណៈបញ្ជាការឯកភាពខណ្ឌដូនពេញធ្វើការឃាត់យកមករក្សាទុកតាមបទបញ្ជារបស់សាលារាជធានីភ្នំពេញដោយសារតែបើកបំពានផ្លូវហាមឃាត់ក្នុងរាជធានីភ្នំពេញ។
លោក សុខ ពេញវុធ អភិបាលនៃគណៈអភិបាលខណ្ឌដូនពេញបានមានប្រសាសន៍ថា ដោយអនុវត្តតាមការណែនាំរបស់សាលារាជធានីភ្នំពេញអនុវត្តនូវការឃាត់រថយន្តដែលបើកបរបំពានផ្លូវហាមឃាត់(ផ្លូវសម្រាប់ប្រតិភូឆ្លងកាត់)ក្នុងខណ្ឌដូនពេញរួមមានផ្លូវនរោត្តម ផ្លូវព្រះស៊ីសុវត្ថិ ផ្លូវព្រះមុន្នីវង្សនិងផ្លូវភ្លោះអង្គឌួង ជាលទ្ធផលនៃការឃាត់រថយន្តនាយប់ថ្ងៃទី២៣ ខែកុម្ភៈឆ្នាំ២០២១ នេះគណៈបញ្ចាការឯកភាពខណ្ឌបានឃាត់រថយន្តជាង ៤០គ្រឿងយកមករក្សាទុកនៅសាលាខណ្ឌដូនពេញដើម្បីមានគោលការណ៍ពីសាលារាជធានីភ្នំពេញ ចាត់ការបន្តទៀត។
ក្នុងប្រតិបត្តិការនោះដែរ លោក គឹម វុត្ថា ប្រធានប្រជាការពារខណ្ឌដូនពេញបានឲ្យដឹងថា ការហាមឃាត់មិនអនុញ្ញាតឱ្យរថយន្តប្រភេទធំពាក់ស្លាកលេខ 3 Aបើកឆ្លងកាត់នោះ ទី១គឺផ្លូវសព្រះស៊ីសុវត្ថិចាប់ពីសម្ដេចសង្ឃជួនណាតដល់ដើមពោធិ៍បារទន្លេសាបនិងផ្លូវទី២ផ្លូវនរោត្តម គឺចាប់ពីវិមានឯករាជ្យដល់រមណីយដ្ឋានវត្តភ្នំ និងជាពិសេសទៀតផ្លូវមុន្នីវង្ស គឺចាប់ពីស្តុបពេទ្យចិនរហូតដល់រង្វង់មូលកួចកាណុង។
លោកគឹម វុត្ថា ប្រធានប្រជាការពារខណ្ឌដូនពេញបានបញ្ជាក់ទៀតថា ប្រតិបត្តិការនេះអាជ្ញាធរខណ្ឌដូនពេញបានធ្វើជាយូរមកហើយ គឺអនុវត្តតាមគោលការណ៍របស់សាលារាជធានីភ្នំពេញដែលបានប្រកាសហាមឃាត់រថយន្តប្រភេទធុនធំបើកឆ្លងកាត់នៅផ្លូវហាមទាំងប៉ុន្មានខ្សែនោះជាក់ស្តែងនៅយប់ថ្ងៃទី២៣ខែកុម្ភះឆ្នាំ២០២១នេះដែរកម្លាំងខណ្ឌដូនពេញបានឃាត់រថយន្ត៤១គ្រឿងយកមករក្សាទុក៕
អត្ថបទ ៖ រស្មី
-
ព័ត៌មានជាតិ១ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច៧ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ១ សប្តាហ៍ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៥ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៥ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៧ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី