ក្រសួងការងារ ប្រាប់សមាជិក ប.ស.ស ប្រុងប្រយ័ត្នចំពោះជនអនាមិកឆបោកឱ្យបង់លុយវិភាគទាន តាម QR Code

ក្រសួងការងារ និងបណ្ដុះបណ្ដាលវិជ្ជាជីវៈ បានជូនដំណឹងដល់សមាជិក ប.ស.ស.  និងសាធារណៈជនឱ្យប្រុងប្រយ័ត្នចំពោះករណីជនអនាមិកទាក់ទងទៅតាមគណនីតេឡេក្រាមឱ្យបង់វិភាគទានតាមរយៈ QR Code ដែលជាគណនីក្លែងក្លាយ។

ការងារ និងបណ្តុះបណ្តាលវិជ្ជាជីវៈ បានជូនដំណឹងដល់សមាជិក ប.ស.ស. និងសាធារណជន បែបនេះ​ គឺបន្ទាប់ពីក្នុងពេលថ្មីៗនេះ មានជនអនាមិកបានបន្លំខ្លួនជាមន្ត្រី ប.ស.ស. នៃក្រសួងការងារ និងបណ្តុះបណ្តាល ជ្ជាជីវៈ ដោយប្រើប្រាស់រូបថត និងនិមិត្តសញ្ញា ប.ស.ស. ទាក់ទងទៅកាន់សមាជិកដោយផ្ទាល់ ដែលបានភ្ជាប់លេខគណនីធនាគារក្លែងក្លាយរបស់ ប.ស.ស. និង QR Code ផ្ទេរប្រាក់ក្លែងក្លាយ ដែលនាំឱ្យមានការភាន់ច្រឡំ និងធ្វើឱ្យខាតបង់ថវិការបស់សមាជិក ប.ស.ស. ដែលត្រូវបង់ភាគទានរបបសន្តិសុខសង្គមមកក្រសួង។

ក្នុងន័យនេះ ក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ជូនពលរដ្ឋថា ក្រៅពីការផ្តល់ព័ត៌មានតាមរយៈ ប្រព័ន្ធ Hotline លេខ ១២៨៦ ឬ ១២៩៧ ឬ Facebook Page ឬ Telegram ផ្លូវការ https://t.me/nssfcambodia_Chat  ទៅកាន់សមាជិក និងសាធារណៈជន ក្រសួងមិនមានគោលការណ៍ឱ្យមន្ត្រី ប.ស.ស. ផ្សព្វផ្សាយ លេខគណនីធនាគារផ្ទាល់ខ្លួនទៅសមាជិក ប.ស.ស. នោះទេ។

សេចក្ដីជូនដំណឹងបន្ថែមថា សម្រាប់ការបង់ភាគទាន ប.ស.ស. ដាច់ខាត មិនមានការប្រើប្រាស់ QR Code ដើម្បីផ្ទេរប្រាក់ចូលមកលេខគណនី ប.ស.ស. នោះឡើយ។ ចំពោះការបង់ភាគទាន ត្រូវធ្វើឡើងតាមរយៈ App ផ្លូវការរបស់ធនាគារដៃគូ ដោយចូលទៅមីនុយ (Menu) ទូទាត់ រួចធ្វើការបង់ប្រាក់សេវាសាធារណៈដែលមាននិមិត្តសញ្ញា ប.ស.ស. ឬត្រូវបង់ចូលគណនីធនាគាររបស់ ប.ស.ស. ដោយផ្ទាល់នៅតាមទីស្នាក់ការធនាគារដៃគូ។ ក្នុងករណីមានការសង្ស័យណាមួយ ឬសួរនាំព័ត៌មានបន្ថែម សូមទាក់ទងមកកាន់ប្រព័ន្ធ Hotline លេខ ២៨៦ ឬ ១២៩៧ ឬ Facebook Page 11 Telegram ផ្លូវការ https://t.me/nssfcambodia Chat៕​