ព័ត៌មានជាតិ
សម្ដេចតេជោ និងមេដឹកនាំមីយ៉ាន់ម៉ា បញ្ជាក់ពីការរង់ចាំធ្វើការជាមួយគ្នា ដើម្បីពង្រឹងទំនាក់ទំនងប្រទេសទាំងពីរ
សម្ដេចតេជោ ហ៊ុន សែន និងមេដឹកនាំកំពូលរបស់មីយ៉ាន់ម៉ា បានបញ្ជាក់ពីការរង់ចាំដើម្បីធ្វើការជាមួយគ្នា ក្នុងគោលបំណងពង្រឹងពង្រីកទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ កម្ពុជា និងមីយ៉ាន់ម៉ា។
ការបញ្ជាក់នេះបានធ្វើឡើងតាមរយៈសារលិខិតឆ្លើយឆ្លងគ្នារវាងសម្ដេចតេជោ ហ៊ុន សែន ប្រធានព្រឹទ្ធសភានៃកម្ពុជា និងលោក មីន អោងឡាំង ប្រធានក្រុមប្រឹក្សារដ្ឋបាលរដ្ឋនៃប្រទេសមីយ៉ាន់ម៉ា។ លិខិតរបស់សម្ដេចតេជោ ហ៊ុន សែន ចុះថ្ងៃ ទី៦ ខែឧសភា ឆ្នាំ២០២៤ បានបញ្ជាក់ជូនលោក មីន អោងឡាំង ដូច្នេះថា «ក្នុងនាមជាប្រធានព្រឹទ្ធសភាកម្ពុជា ខ្ញុំទន្ទឹងរង់ចាំធ្វើការយ៉ាងជិតស្និទ្ធជាមួយឯកឧត្តម ក្រុមប្រឹក្សារដ្ឋបាលរដ្ឋ និងស្ថាប័ននីតិប្បញ្ញត្តិនៃសាធារណរដ្ឋសហភាព មីយ៉ាន់ម៉ា ដើម្បីបន្តកែលម្អបន្ថែមទៀតនូវទំនាក់ទំនង និងកិច្ចសហប្រតិបត្តិការរវាងប្រទេសយើងទាំងពីរ ដើម្បីលើកតម្កើងឧត្តមប្រយោជន៍នៃប្រទេស និងប្រជាជនយើងទាំងពីរ»។
ខ្លឹមសារនៃលិខិតដដែលនេះ ក៏បានរម្លឹកអំពីទំនាក់ទំនងរវាងកម្ពុជា និងមីយ៉ាន់ម៉ា ដែលមានចំណងមិត្តភាព សាមគ្គី ភាព និងកិច្ចសហប្រតិបត្តិការ ជាប្រវត្តិសាស្ត្រ និងជាវប្បធម៌យ៉ាងមាំយូរអង្វែង ហើយបាននាំមកនូវផលប្រយោជន៍ទៅវិញទៅមកសម្រាប់ប្រទេស និងប្រជាជនយើងទាំងពីរ។
ការលើកឡើងខាងលើនេះពីសំណាក់សម្ដេចតេជោ ហ៊ុន សែន ជាការឆ្លើយតបនឹងមេដឹកនាំមីយ៉ាន់ម៉ា លោក មីន អោងឡាំង។ លិខិតផ្ញើជូនសម្ដេចតេជោ កាលពីដើមខែមេសា ឆ្នាំ២០២៤ លោក មីន អោងឡាំង បានបញ្ជាក់ពីការទន្ទឹមរង់ចាំរបស់លោកក្នុងការពង្រឹងមិត្តភាព និងកិច្ចសហប្រតិបត្តិការរវាងប្រទេសកម្ពុជា និងមីយ៉ាន់ម៉ា ដើម្បីប្រយោជន៍ទៅវិញទៅមកនៃប្រជាជនរបស់ប្រទេសទាំងពីរ។
មេដឹកនាំកំពូលមីយ៉ាន់ម៉ារូបនេះ បញ្ជាក់ថា ក្នុងរយៈពេល៦ទសវត្សរ៍នៃចំណងមិត្តភាព និងកិច្ចសហប្រតិបត្តិការដ៏យូរអង្វែងរបស់មីយ៉ាន់ម៉ា និងកម្ពុជា គឺតែងតែរក្សាបាននូវមិត្តភាពដ៏ជិតស្និទ្ធ ការយោគយល់ និងជឿទុកចិត្តគ្នាទៅវិញទៅមក ដោយផ្អែកលើភាពស្រដៀងគ្នានៃវប្បធម៌ សាសនា និងប្រពៃណី។ លោក ក៏សម្ដែងក្ដីជឿជាក់ថា ក្រោមការដឹកនាំប្រកបដោយចក្ខុវិស័យរបស់សម្តេចតេជោ ប្រទេសកម្ពុជានឹងបន្តទទួលបានសុខសន្តិភាព វឌ្ឍនភាព និងវិបុលភាព៕
-
ព័ត៌មានជាតិ៥ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៦ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
សេដ្ឋកិច្ច១ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ២ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ៥ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានអន្ដរជាតិ៦ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ព័ត៌មានជាតិ៥ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ជីវិតកម្សាន្ដ១ សប្តាហ៍ ago
តារាថៃ Bella បញ្ចាក់ទំនាក់ទំនងជាមួយកូនថៅកែ CP Group