អាជ្ញាធរខេត្តស្វាយរៀង ចុះពិនិត្យការស្ដារអូរ ដើម្បីសង្គ្រោះស្រូវប្រាំង ចំណុចអូពាម ស្រុកកំពង់រោទិ៍

នៅថ្ងៃពុធ ទី៨ ខែឧសភា ឆ្នាំ២០២៤ នេះ លោក  ម៉ែន អេង នឹងលោក  សេង សីលា អភិបាលរងខេត្តស្វាយរៀង បានចុះពិនិត្យការស្ដារអូរសង្គ្រោះស្រូវប្រាំងពីចំណុចបង្គោលព្រំដែនលេខ២១៥(បួនមុខ)  មកទិសខាងកើតទល់នឹងចំណុចអូពាម ស្ថិតនៅភូមិជប់ព្រីង ឃុំថ្មី ស្រុកកំពង់រោទិ៍។

ការស្ដារប្រឡាយនេះមន្ទីរធនធាតុទឹក និងឧតុនិយមខេត្តបានយកអេស្កាវទ័ចំនួនមួយគ្រឿង មកជួយជីកនិងស្ដារ ហើយមានការជួយឧបត្ថម្ភប្រេងពីប្រជាពលរដ្ឋដែលមានដីស្រែជាប់មាត់អូរ  ប្រជាពលរដ្ឋសរុប៧០គ្រួសារ ដែលមានបណ្ដោយប្រវែង២៨៥០ម៉ែត្រ  ទទឹង ៣.៥០ម៉ែត្រ ជម្រៅ២ម៉ែត្រ  ផ្ទៃដីសរុប១០២ហិចតា ។

តាមអ្វីដែលប្រជាពលរដ្ឋបានលេីកឡេីងថា ពួកគាត់សេចក្តីត្រេកអរ  ព្រោះមានទឹកសម្រាប់ស្រោចស្រពស្រូវរដូវប្រាំងរបស់គាត់បានទាន់ពេលវេលា  ហេីយសម្រាប់ស្រែខ្លះ  ក៏បានចាប់ផ្តេីមធ្វេីឡេីងវិញ  ព្រោះដោយហេតុថា  មានទឹកគ្រប់គ្រាន់ក្នុងការធ្វេីស្រូវ  ទោះជាក្នុងរដូវប្រាំងក៏ដោយ  គាត់ក៏បានអរគុណដល់ថ្នាក់ដឹកនាំ  ដែលបានស្វះស្វែងរកដំណោះស្រាយជូនពួកគាត់  ឱ្យមានស្នាមញញឹម  និងក្តីសង្ឃឹមឡើងវិញ៕

អត្ថបទ៖ភក្ដី