Connect with us

ព័ត៌មានជាតិ

អាជ្ញាធរស្រុកសៀមប៉ាងស្ថាបនាផ្លូវក្រួសក្រហម ៥​ខ្សែ​ ប្រវែង ១៤ គីឡូម៉ែត្រ

បានផុស

នៅ

អាជ្ញាធរស្រុកសៀមប៉ាងបានស្ថាបនាផ្លូវក្រួសក្រហមចំនួន ៥ ខ្សែប្រវែងជាង១៤ គីឡូម៉ែត្រជូនប្រជាពលរដ្ឋរស់នៅ​ឃុំ​ថ្មកែវជាង ៩០០ គ្រួសារនៅឆ្នាំ ២០២៤ នេះ បន្ទាប់ពីអាជ្ញាធរបានលើកគម្រោងសាងសង់ផ្លូវ ខ្វាត់ខ្វែងនៅក្នុងភូមិ ឃុំ សម្រាប់ប្រជាពលរដ្ឋធ្វើចរាចរណ៍ទៅមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផាន់ យុទ្ធ អភិបាលស្រុកសៀមប៉ាងមានប្រសាសន៍ថា ដើម្បីអនុវត្តឲ្យបានឆ្លើយតបតាមយុទ្ធសាស្ត្របច្ចកោណរបស់រាជរដ្ឋាភិបាល នៅក្នុងអាណត្តិទី ៧ គឺ មនុស្ស ផ្លូវ ទឹក ភ្លើង និងបច្ចេកវិទ្យា អាជ្ញាធរនៅមូលដ្ឋានបានអនុវត្ត នូវការ ស្ថាបនាហេដ្ឋារចនាសម្ព័ន្ធ បានល្អសម្រាប់ប្រជាពលរដ្ឋ។

លោកអភិបាលស្រុកមានប្រសាសន៍បន្ថែមថា នេះជាសមិទ្ធផលរបស់បងប្អូនប្រជាពលរដ្ឋយើងទាំងអស់គ្នា ដែលកើតចេញពីការខិតខំប្រឹងប្រែង របស់អាជ្ញាធរស្រុក ក៏ដូចជាថ្នាក់ដឹកនាំក្នុងខេត្ត ជាពិសេសរាជរដ្ឋាភិបាលបានធ្វើការអភិវឌ្ឍមូលដ្ឋានឱ្យមានការរីកចម្រើនឡើង ពីមួយឆ្នាំទៅមួយឆ្នាំ ដើម្បីដោះស្រាយរាល់បញ្ហាប្រឈមនានា ជូនដល់បងប្អូនប្រជាពលរដ្ឋយើងឲ្យដល់មូលដ្ឋាននៅទីជនបទ។

លោកបន្តថា នៅតាមភូមិឃុំនីមួយៗអាជ្ញាធរបានលើកគម្រោងធ្វើការអភិវឌ្ឍ ផ្លូវ ស្ពាន លូ ដើម្បីបម្រើសេចក្តី ត្រូវការចាំបាច់ជូនប្រជាពលរដ្ឋយើង ឲ្យកាន់តែបានប្រសើរឡើង ពីមួយឆ្នាំទៅមួយឆ្នាំ មិនដែលអាក់ខានឡើយ។

លោកមេឃុំថ្មកែវបានបញ្ជាក់ថាថា÷ជាក់ស្ដែងនៅក្នុងឃុំថ្មកែវ យើងបានចំណាយថវិកាមូលនិធិឃុំជាង ៦០០ លាន​រៀល សម្រាប់ទៅលើគម្រោងសាងសង់ផ្លូវ ស្ពាន លូ ចាប់ចេញពីចំណុចមួយទៅចំណុចមួយ ដែលជាគោលដៅបម្រើសេចកក្តីត្រូវការចាំបាច់ របស់បងប្អូនប្រជាពលរដ្ឋ ឱ្យមានភាព ងាយស្រួលក្នុងការធ្វើចរាចរណ៍ទាក់ទងគ្នាទៅវិញទៅមក និងបាន បង្ហាញពីការដោះស្រាយបញ្ហាប្រឈម ទៅតាមសំណូមពរដែលប្រជាពលរដ្ឋចង់បាន។

លោក ស៊ីនដាន តំណាងឲ្យប្រជាពលរដ្ឋក្នុងឃុំថ្មកែវបានសាទរចំពោះការយកចិត្តទុកដាក់ ពីថ្នាក់ដឹកនាំខេត្ត ស្រុក ជាពិសេសក្រុមការងារចុះជួយមូលដ្ឋានខេត្តស្ទឹងត្រែងរបស់រាជរដ្ឋាភិបាល ដែលបានគិតគូដោះស្រាយបញ្ហាលំបាក ជូនបងប្អូនប្រជាពលរដ្ឋយើងបានឆ្លើយតបទៅនឹងស្ថានភាពជាក់ស្ដែងដូចសព្វថ្ងៃនេះ។

លោកបន្តថា បច្ចុប្បន្ន យើងមានផ្លូវ ល្អស្រួលធ្វើចរាចរណ៍ ហើយប្រជាកសិករ មានភាពងាយស្រួលក្នុងការដឹកសម្ភារៈកសិកម្មទៅស្រែចំការ ដឹកកសិផលមកកាន់ទីផ្សារ កូនចៅទៅសាលារៀនក៏បានទាន់ពេលវេលាផងដែរ។  

សូមបញ្ជាក់ថា ផ្លូវទាំង៥ខ្សែនេះស្ថិតនៅក្នុងភូមិញ៉ាំងស៊ុម និងភូមិផាបាំង ក្នុងឃុំថ្មកែវ ដែលអាជ្ញាធរឃុំ បានលើកគម្រោង​ធ្វើការអភិវឌ្ឍ ដោយត្រូវចំណាយថវិកាមូលនិធិឃុំ សរុប ជាង ៦០០ លានរៀល សាងសង់ផ្លូវបានចំនួន ៥ ខ្សែមានប្រវែងសរុបជាង ១៤ គីឡូម៉ែត្រ បានសម្ពោធដាក់ឲ្យប្រើប្រាស់កាលពីថ្ងៃទី១៦ ខែឧសភាឆ្នាំ ២០២៤នេះ៕

អត្ថបទ៖ ងិនលីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម