ព័ត៌មានជាតិ

ឯកឧត្ដម ហ៊ុន ម៉ានី អញ្ជើញជាអធិបតីក្នុងពិធីសំណេះសំណាលជាមួយសមាជិក-សមាជិកា ស.ស.យ.ក ប្រចាំវិទ្យាស្ថានគរុកោសល្យរាជធានីភ្នំពេញ

បានផុស

២ years មុន

នៅ

ថ្ងៃអង្គារ ២១ ឧសភា ២០២៤

ដោយ

ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញជាអធិបតីក្នុងពិធីសំណេះសំណាលជាមួយសមាជិក-សមាជិកា ក្រុមការងារយុវជនសហភាពសហព័ន្ធយុវជនកម្ពុជា ប្រចាំវិទ្យាស្ថានគរុកោសល្យរាជធានីភ្នំពេញ កាលពីព្រឹកថ្ងៃទី ២១ ខែឧសភា ឆ្នាំ ២០២៤ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អញ្ជើញអមដំណើរ ឯកឧត្ដមប្រធាន និងមានវត្តមានក្នុងពិធីនេះរួមមាន លោក សាយ សំអាល់ លោកស្រី ដាំ ដារិនី លោក សុះ មុះសិន អនុប្រធាន ស.ស.យ.ក ឯកឧត្តម លោកជំទាវ សមាជិក-សមាជិកាគណៈអចិន្ត្រៃយ៍ គណៈកម្មាធិការកណ្ដាល គណៈដឹកនាំចលនាយុវជនគ្រឹះស្ថានឧត្ដមសិក្សា ប្រចាំវិទ្យាស្ថានគរុកោសល្យរាជធានីភ្នំពេញ និងសមាជិក-សមាជិកាចូលរួមចំនួន ៤៧៨ នាក់។

យោងតាមរបាយការណ៍ លោក ដោក ជា សកលវិទ្យាធិការ និងជាប្រធានក្រុមការងារ ស.ស.យ.ក ប្រចាំវិទ្យាស្ថាន បានគូសបញ្ជាក់ពីសកម្មភាពសង្ខេប និងលទ្ធផលសំខាន់ៗ របស់ក្រុមការងារ ស.ស.យ.ក ប្រចាំវិទ្យាស្ថាន ពាក់ព័ន្ធនឹងការបញ្ចូលសមាជិក សកម្មភាពចូលរួមការងារសង្គម និងការបង្កើនសមត្ថភាពយុវជនក្នុងការចូលរួមជាមួយការងារស្ម័គ្រចិត្ត និងមនុស្សធម៌។

ជាមួយគ្នានេះ លោកសកលវិទ្យាធិការ តំណាងឲ្យ សមាជិក-សមាជិកា បានធ្វើការប្ដេជ្ញាចូលរួមជាមួយ ស.ស.យ.ក ដើម្បីក្លាយខ្លួនជាសសរទ្រូងប្រទេសជាតិ និងចូលរួមចំណែកក្នុងការអភិវឌ្ឍប្រទេសជាតិ។

មានប្រសាសន៍ទៅកាន់អង្គពិធី ឯកឧត្ដម ហ៊ុន ម៉ានី បានលើកឡើងថា នេះគឺជាលើកទីមួយហើយដែលបានជួបជុំគ្នា ក្នុងនាមជាក្រុមគ្រួសារ ស.ស.យ.ក តែមួយ ឯកសណ្ឋានតែមួយ នៅវិទ្យាស្ថានគរុកោសល្យរាជធានីភ្នំពេញ ដែលយើងនឹងរួមគ្នាសម្រេចនូវបេសកកម្ម និង បុព្វហេតុ ស.ស.យ.ក។

ឯកឧត្ដម បានបន្តថា ការរៀបចំពិធីសំណេះសំណាលនេះ ម្យ៉ាងជាការឆ្លុះបញ្ចាំងពីការរីកធំធាត់របស់គ្រួសារ ស.ស.យ.ក ប៉ុន្តែក៏ជាការរៀបចំដើម្បីពង្រឹងភាពស្និទ្ធស្នាលរវាងគណៈកម្មាធិការកណ្ដាល ស.ស.យ.ក ជាមួយសមាជិក-សមាជិកា ដែលជាអ្នកបន្តវេន និងជាធនធានមនុស្សដ៏មានសក្ដានុពល ក្នុងការចូលរួមរក្សា បន្តកសាង អភិវឌ្ឍន៍ និងកំណត់ជោគវាសនាប្រទេសជាតិនាពេលអនាគតផងដែរ៕