Connect with us

ព័ត៌មានជាតិ

ការផ្លាស់ប្ដូររថយន្តដឹកកម្មករស្របតាមបទដ្ឋានបច្ចេកទេស និងផាសុកភាព ជាការគិតគូរប្រយោជន៍ទាំងសម្រាប់កម្មករ និងអ្នកប្រកបរបរដឹកជញ្ជូន

បានផុស

នៅ

លោក ហេង សួរ រដ្ឋមន្ត្រី​ក្រសួង​ការងារ និង​បណ្ដុះបណ្ដាល​វិជ្ជាជីវៈ បាន​បញ្ជាក់​ថា ការ​ផ្លាស់ប្ដូរ​រថយន្ត​ដឹក​កម្មករ-និយោជិត ឱ្យ​ស្រប​តាម​បទដ្ឋាន​បច្ចេកទេស និង​ផាសុកភាព គឺជា​ការ​គិតគូរ ដែល​រាជរដ្ឋាភិបាល នឹង​ជួយ​ទៅ​ដល់​កម្មករ ឱ្យ​ធ្វើ​ដំណើរ​ប្រកប​ដោយ​ផាសុកភាព និង​ស្របតាម​បទដ្ឋាន​បច្ចេកទេស ហើយ​អ្នក​ប្រកប​របរ​ដឹកជញ្ជូន ក៏​នឹង​មិន​ប៉ះពាល់​ដល់​ចំណូល​របស់​ខ្លួន​ផង​ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​បញ្ជាក់​យ៉ាង​ដូចនេះ ក្នុង​ពេល លោក​រដ្ឋមន្ត្រី បាន​អញ្ជើញ​បើក​សិក្ខាសាលា​នៅ​ថ្ងៃ​ទី ២៩ ខែ​ឧសភា ឆ្នាំ ២០២៤ ស្តីពី “​ការ​ជំរុញ​ការ​ផ្លាស់ប្ដូរ​រថយន្ត​ដឹក​កម្មករ-និយោជិត ឱ្យ​ស្រប​តាម​បទដ្ឋាន​បច្ចេកទេស និង​ផាសុកភាព​” ដែល​បាន​រៀបចំ​ឡើង​នា​សណ្ឋាគារ​ភ្នំពេញ ដោយ​មាន​ភាគី​ពាក់ព័ន្ធ​ចូលរួម​ប្រមាណ ៥០០ នាក់។

ក្រៅពី​ការ​បញ្ជាក់​លើ​សារៈសំខាន់ នៃ​ការ​ផ្លាស់ប្ដូរ​មធ្យោបាយ​ធ្វើដំណើរ​សម្រាប់​កម្មករ លោក​រដ្ឋមន្ត្រី បាន​ស្នើ​ឱ្យ​អង្គ​សិក្ខាសាលា​ប្រមូល​ធាតុ​ចូល​ពី​គ្រប់​ភាគី​ពាក់ព័ន្ធ ដែល​មាន​ទាំង​កម្មករ-និយោជិត និយោជក អ្នក​ប្រកប​របរ​ដឹកជញ្ជូន និង​អង្គការ​ដៃគូ ដើម្បី​ធានា​ការ​ផ្លាស់ប្ដូរ​មួយ​ដែល​គ្រប់​ភាគី​ទទួល​យក​បាន និង​ពេញចិត្ត ព្រោះថា មានតែ​ធាតុ​ចូល ដែល​ឈរ​លើ​ស្មារតី​ជាក់ស្តែង​និយម មិន​ប៉ះពាល់​ដល់​ភាគី​ណាមួយ​ប៉ុណ្ណោះ​ទេ ទើប​ធ្វើ​ឱ្យ​ការ​ផ្លាស់ប្តូរ​រថយន្ត​ដឹក​កម្មករ-និយោជិត ​ប្រកប​ដោយ​បទដ្ឋាន​បច្ចេកទេស និង​ផាសុកភាព​នេះ ទទួល​បាន​ជោគជ័យ។

សូម​រំលឹក​ថា ការ​ផ្លាស់ប្ដូរ​មធ្យោបាយ​ធ្វើដំណើរ​សមរម្យ​នេះ គឺជា​អនុសាសន៍​មួយ​ក្នុងចំណោម​អនុសាសន៍ ១០ ចំណុច ដែល សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី បាន​ដាក់​ឱ្យ​ក្រសួង​ការងារ និង​បណ្តុះបណ្តាល​វិជ្ជាជីវៈ កាលពី​ថ្ងៃទី​ ២៩ ខែសីហា ឆ្នាំ​ ២០២៣។ ដើម្បី​សម្រេច​អនុសាសន៍​នេះ ក្រសួង​ការងារ និង​បណ្ដុះបណ្ដាល​វិជ្ជាជីវៈ តាមរយៈ​បេឡា​ជាតិ​សន្តិសុខ​សង្គម បាន​រៀបចំ​ការ​ពិភាក្សា​ជាមួយ​ភាគី​ពាក់ព័ន្ធ​ចំនួន ៦ លើក រួច​មក​ហើយ បើ​គិត​ត្រឹម​ថ្ងៃ​ទី ២៩ ខែ​ឧសភា ឆ្នាំ ២០២៤ នេះ។

ជាមួយ​នឹង​សិក្ខាសាលា ដែល​មាន​ទាំង​កម្មករ និង​សហជីព​ចូលរួម លោក​រដ្ឋមន្ត្រី បាន​រំលឹក​ថា រាជរដ្ឋាភិបាល​កម្ពុជា ក្រោម​ការ​ដឹកនាំ​របស់ សម្តេច​មហា​បវរ​ធិបតី ហ៊ុន ម៉ាណែត ពិតជា​បាន​គិតគូរ​គ្រប់​ជ្រុងជ្រោយ ចំពោះ​កម្មករ-និយោជិត មិន​ត្រឹមតែ​ពេល​កំពុង​ធ្វើការ ឬ​ពេល​មាន​បញ្ហា​សុខភាព​នោះ​ទេ សូម្បីតែ​ពេល​​កម្មករ-និយោជិត ធ្វើ​ដំណើរ ក៏​ជា​ក្តីកង្វល់ ដែល​រាជរដ្ឋាភិបាល​កំពុង​ផ្តោត​យក​ចិត្តទុកដាក់​ខ្លាំង​ផង​ដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

ក្រសួងសុខាភិបាល ធ្វើតេស្តរហ័សស្វែងរកសារធាតុញៀន​ដល់ថ្នាក់ដឹកនាំមន្ត្រីរាជការ និងមន្ត្រីជាប់កិច្ចសន្យា

ព័ត៌មានអន្ដរជាតិ៨ នាទី មុន

ចិន គំរាម​ព្យួរ​ ក ​ប្រហារ​ជីវិត​ជន​ផ្ដាច់​ខ្លួន​និយម​តៃវ៉ាន់

ព័ត៌មានជាតិ៣៦ នាទី មុន

រដ្ឋមន្ត្រីសុខាភិបាល ជំរុញមន្ត្រី ត្រូវពង្រីកសមត្ថភាពបន្ថែមទៀត ដើម្បីផ្តល់សេវាជូនពលរដ្ឋកាន់តែមានប្រសិទ្ធភាពខ្ពស់

ព័ត៌មានជាតិ៩ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ១១ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ២០ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១៨ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ២១ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ១៥ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ១៩ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម