ព័ត៌មានជាតិ
ប្រភពអនាមិក៖ ពីក្រោយករណីប្លន់ប្រដាប់អាវុធកក្រើកក្រុងភ្នំពេញ
ឧក្រិដ្ឋជនម្នាក់ នៃហេតុការណ៍ប្លន់ដ៏កក្រើកភ្នំពេញនៅថ្ងៃនេះ ជាអតីតអ្នកបើកឡានឱ្យគ្រួសារជនរងគ្រោះ។ នេះបើយោងតាមប្រភពអនាមិកបានទម្លាយឱ្យកម្ពុជាថ្មីដឹងមុននេះបន្តិច។
ប្រភពបានទម្លាយថា ផែនការប្លន់ប្រដាប់អាវុធនេះ បានធ្លាក់ដំណឹងដល់ដៃសមត្ថកិច្ចមុន ដោយសារបុគ្គលដែលធ្លាប់ធ្វើការជាមួយម្ចាស់ផ្ទះរងគ្រោះ បានរាយការណ៍អំពីផែនការឧក្រិដ្ឋកម្មនេះ ខណៈជននេះត្រូវបានអូសទាញឱ្យចូលរួមប្រព្រឹត្តិជាមួយក្រុមឧក្រិដ្ឋជន ទើបសមត្ថកិច្ចបានត្រៀមលក្ខណៈទុកជាមុនច្បាមចាប់ទាំងអស់។
ប្រភពមិនបញ្ជាក់ឈ្មោះបានប្រាប់ដំណើរដើមទង សាច់រឿងដំបូងគឺ មាន ២ នាក់ ក្នុងចំណោម ៥ នាក់សុំម្ចាស់ផ្ទះចូលធ្វើការវិញ ប៉ុន្តៃម្ចាស់ផ្ទះមិនព្រមទទួល។ ក្នុងចំណោម២នាក់ នោះមានម្នាក់បែកគំនិតចង់ប្លន់ចាប់ជំរិត និងសម្លាប់ ហើយបានរៀបចំផែនការទៅបបួលម្នាក់ទៀតឱ្យរកមនុស្ស ៣នាក់ សរុបគឺ ៥ នាក់។ ប៉ុន្តែមានម្នាក់ក្នុងចំណោមគ្នីគ្នាទាំង ៥ នាក់មិនចូលដៃជាមួយ ដោយគ្រាន់តែធ្វើជាយល់ព្រម និងបានលួចយកការសម្ងាត់ចាប់ជំរិតនេះ ទៅជូនដំណឹងដល់ម្ចាស់ផ្ទះមុន ហើយជនរងគ្រោះបានប្រាប់កងរាជអាវុធហត្ថ ត្រៀមផែនការចាំស្ទាក់។
ប្រភពដបាននិយាយបន្តថា កងកម្លាំងរាជអាវុធហត្ថបានត្រៀមតាំងពី៣ថ្ងៃមុនមកម៉្លេះ រង់ចាំឡោមព័ទ្ធឧក្រិដ្ឋជនទាំង ៤ គឺពេលមកដល់នឹងចាត់ការតែម្តង។
ដល់ថ្ងៃកើតហេតុម៉ោង ១១ ព្រឹកថ្ងៃទី ១ ខែមីនា នេះ ឧក្រិដ្ឋជន ៤ នាក់ បានចូលទៅប្លន់ក្នុងភូមិគ្រឹះជនរងគ្រោះនៅក្នុងបុរីអង្គរភ្នំពេញ។ ក្នុងករណីប្លន់នេះ ឧក្រិដ្ឋជនទាំង០៤នាក់ បានប្រើប្រាស់កាំភ្លើងវែងAK ០១ដើម និងកាំភ្លើងខ្លី០២ដើម បាញ់ស្រោចតដៃមកលើកម្លាំងកងរាជអាវុធហត្ថរាជធានីភ្នំពេញ ហើយកម្លាំងអាវុធហត្ថបានប្រើសិទ្ធិការពារខ្លួន បាញ់តបតត្រឡប់ទៅវិញ បណ្តាលឲ្យក្រុមឧក្រិដ្ឋជនទាំង០៤នាក់ ស្លាប់នៅនឹងកន្លែង។
ក្នុងហេតុការណ៍នេះ មិនបណ្តាលឲ្យជងរងគ្រោះរងគ្រោះថ្នាក់នោះទេ។
ព័ត៌មានបន្ថែមនឹងផ្សាយនៅលើគេហទំព័រកម្ពុជាថ្មី នៅពេលសមត្ថកិច្ចបញ្ចេញរបាយការណ៍លំអិតបន្ថែមទៀត៕
អត្ថបទ៖ ឡេង ដេត
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ