Connect with us

ព័ត៌មានជាតិ

អ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ

បានផុស

នៅ

មេធាវីរបស់អ្នកឧកញ៉ា លី សុភ័ក្ត បានចេញលិខិតនៅព្រឹកថ្ងៃទី១០ ខែកក្កដា ឆ្នាំ២០២៤ ទៅកាន់ម្ចាស់ទំព័របណ្តាញសង្គមហ្វេសប៊ុក និងតិកតុ មានឈ្មោះ Camcar Collection ឱ្យលុបសំណេរ និងវីដេអូរបស់ខ្លួន និងសុំទោសជាសាធារណៈចំពោះការធ្វើឱ្យប៉ះពាល់ដល់កេរ្តិ៍ឈ្មោះ និងកិត្តិយសរបស់ អ្នកឧកញ៉ា លី សុភ័ក្ត។

អ្នកឧកញ៉ា លី សុភ័ក្ត
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញលិខិតនេះ ធ្វើឡើងបន្ទាប់ពីទំព័រហ្វេសប៊ុក Camcar Collection បានផ្សព្វផ្សាយលើហ្វេសប៊ុកនៅថ្ងៃទី៩ ខែកក្កដា ថា អ្នកឧកញ៉ា លី សុភ័ក្ត បានផ្ដល់ឡានបួនគ្រឿង (៣កែឆ្នៃ+កាប់សាច់) ឱ្យទៅលោក ឡាយ ភាល័យ (ម្ចាស់ Camcar Collection) កែច្នៃជាឡានកង់៦ មកជា៣គ្រឿង។ ប្រភពបន្តអះអាងថា ឡានម៉ាក Rang Rove Defender ពេលដែលលោកកែច្នៃហើយ ឡាននោះអ្នកឧកញ៉ា មិនទទួលយក បែរជាបញ្ជូនមេធាវីឱ្យលោក ឡាយ ភាល័យ ផ្ដិតមេដៃទទួលស្គាល់ថាជាបំណុល ស្មើនឹងជាង១៤ ម៉ឺនដុល្លារទៅវិញ។ ការផ្សព្វផ្សាយដដែលថា អ្នកឧកញ៉ាលេងផ្លូវកាត់ ដោយប្ដឹងកម្លាំងកងរាជអវុធហត្ថព័ទ្ធចាប់បង្ខំលោក ឡាយ ភាល័យ ទៅកងរាជអាវុធហត្ថស្ទឹងមានជ័យតែម្ដង។

លោក ឡាយ ភាល័យ

ឆ្លើយតបនឹងការផ្សព្វផ្សាយនេះ នៅព្រឹកថ្ងៃទី១០ ខែកក្កដា មេធាវីរបស់អ្នកឧកញ៉ា លី សុភ័ក្ត បានចេញលិខិតឱ្យបុគ្គលខាងលើលុបសំណេរ វីដេអូ ព្រមទាំងសុំទោសជាសាធារណៈ ព្រោះបានបំផ្លើសការពិត បង្កើតឱ្យមានការញុះញង់លើបណ្តាញសង្គម និងធ្វើឱ្យប៉ះពាល់ដល់កូនក្តីខ្លួន។ ក្នុងលិខិតនោះបញ្ជាក់ថា កន្លងមក លោក ឡាយ ភាល័យ បានណែនាំឱ្យអ្នកឧកញ៉ា លី សុភ័ក្ត ទិញរថយន្ត និងយកឱ្យរូបគេកែច្នៃ។ បន្ទាប់ពីអ្នកឧកញ៉ាព្រមទិញ និងយកឱ្យកែច្នៃ ដោយបានបង់ប្រាក់អស់ជាច្រើនផងដែរ ប៉ុន្តែ ក្រោយពីម្ចាស់ Camcar Collection បានទទួលប្រាក់ និងរៀបចំដំឡើងរថយន្តហើយ បុគ្គលខាងលើមិនបានប្រគល់រថយន្តឱ្យទៅអ្នកឧកញ៉ាវិញទេ ហើយក៏មិនបានធ្វើតាមសន្យាដែរ។ អ្នកឧកញ៉ា ក៏បានឱ្យអ្នកតំណាងទាក់ទងទៅបុគ្គលខាងលើគ្រប់មធ្យោបាយ តែលោក ឡាយ ភាល័យ មិនព្រមសហការរកដំណោះស្រាយ និងព្យាយាមរត់ជាបន្តបន្ទាប់។

ដូចនេះ មេធាវី ស្នើឱ្យម្ចាស់ទំព័របណ្តាញសង្គម (Facebook, Tik tok) ឈ្មោះ Camcar Collection ត្រូវលុបសំណេរដែលខ្លួន បានបង្ហោះធ្វើឱ្យប៉ះពាល់ដល់កិត្តិយស សេចក្តីថ្លៃថ្នូររបស់អ្នកឧកញ៉ា លី សុភ័ក្ត និងសុំទោសជាសាធារណៈដោយទុករយៈពេល ២៤ ម៉ោង គិតចាប់ពីពេលទទួលបានការជូនដំណឹងនេះតទៅ។ ប្រសិនបើ ម្ចាស់ទំព័របណ្តាញសង្គម (Facebook, Tik tok) ឈ្មោះ Camcar Collection នៅតែមិនព្រមអនុវត្តតាមកម្មវត្ថុដូចខាងលើនេះទេ មេធាវីការពារសិទ្ធិឱ្យអ្នកឧកញ៉ា លី សុភ័ក្ត នឹងអនុវត្តទៅតាមនីតិវិធីច្បាប់ជាធរមាន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ នាទី មុន

ចិន ផ្អាក​កិច្ច​ចរចា​ការ​គ្រប់គ្រង​អាវុធ​នុយក្លេអ៊ែរ​ជាមួយ​អាមេរិក ជុំវិញ​រឿង​លក់សព្វាវុធឲ្យ​តៃវ៉ាន់

ព័ត៌មានជាតិ៦ នាទី មុន

រដ្ឋមន្ត្រីមហាផ្ទៃ រម្លឹកមន្ត្រីចរាចរណ៍កុំឱ្យឃាត់ពលរដ្ឋពិនិត្យឯកសារ បើការបើកបរមិនខុសអ្វី

ព័ត៌មានជាតិ១៣ នាទី មុន

អ្នកនាំពាក្យអប់រំ ៖ មកដល់ពេលនេះ ក្រសួង នៅមិនទាន់អនុញ្ញាតឱ្យ​សាលាណាមួយរៀបចំការប្រឡងបាក់ឌុបដោយខ្លួនឯងទេ

ព័ត៌មានអន្ដរជាតិ១៦ នាទី មុន

តម្លៃ​ប្រេង​កើន​ឡើង​ ដោយសារ​​ស្ដុក​ប្រេងអាមេរិក​ធ្លាក់​ចុះ​ច្រើន​ជាង​ការ​រំពឹង​ទុក​​​

ព័ត៌មានជាតិ២៩ នាទី មុន

នគរបាលខណ្ឌចំការមន​ ឃាត់អ្នកជិះម៉ូតូបញ្ច្រាសផ្លូវ២៧អ្នកមកអប់រំ

ព័ត៌មានជាតិ១៩ ម៉ោង មុន

ត្រី​តុកកែ​មានតម្លៃ​ថ្លៃ​តាម​ហាង​ចិន កំពុង​បង្កាត់​ពូជ​នៅ​មជ្ឈមណ្ឌល​វារីវប្បកម្ម​នៅ​ខេត្ត​ព្រះសីហនុ

ព័ត៌មានអន្ដរជាតិ៥ ម៉ោង មុន

កំណើន​កម្តៅ​ផែនដី​​ធ្វើ​ឲ្យពេលថ្ងៃ​ អូសបន្លាយ​ពេល​យូរជាង​ពេលយប់

ព័ត៌មានជាតិ១៩ ម៉ោង មុន

UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត

ព័ត៌មានជាតិ២២ ម៉ោង មុន

ភ្លៀងធ្លាក់ជាប់ៗ គ្នា បណ្ដាលឲ្យស្រុកចំនួន ០៣ រងផលប៉ះពាល់ពីជំនន់ទឹកភ្លៀង

ព័ត៌មានអន្ដរជាតិ២២ ម៉ោង មុន

ភ្លៀងធ្លាក់ខ្លាំងឆក់យក​ជីវិត​មនុស្ស​៤០នាក់ របួស​រាប់រយនាក់​ និង​បំផ្លាញផ្ទះសម្បែង រួមទាំងកាត់ផ្ដាច់ចរន្តអគ្គិសនី

Sokha Hotels

ព័ត៌មានពេញនិយម