ព័ត៌មានជាតិ

ផ្លូវបេតុងឆ្អឹងដែកប្រវែង៨៦១ម៉ែត្រ ក្នុងភូមិព្រៃទា១ ត្រូវបានស្ថាបនារួចរាល់១០០ភាគរយហើយ

បានផុស

១ year មុន

នៅ

ថ្ងៃសៅរ៍ ១៣ កក្កដា ២០២៤

ដោយ

ភ្នំពេញ ៖ ផ្លូវដែលធ្លាប់តែមានភក់ជ្រាំជង្ហុកធំៗ ដែលធ្វើឱ្យប៉ះពាល់ដល់ការរស់នៅ រកស៊ី និងការធ្វើដំណើរដល់ប្រជាពលរដ្ឋពេលនេះប្រែក្លាយទៅជាផ្លូវបេតុងឆ្អឹងដែកយ៉ាងស្រស់បំព្រងជួយដោះស្រាយនិងងាយស្រួលដល់បងប្អូនប្រជាពលរដ្ឋប្រកបរបរនិងធ្វើដំណើរ ក្រោយពីមានការយកចិត្តទុកដាក់ពីអាជ្ញាធរខណ្ឌពោធិ៍សែនជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា សាវឿន ចៅសង្កាត់ចោមចៅទី៣ បានឱ្យដឹងថា ផ្លូវបេតុងឆ្អឹងដែកដែលស្ថាបនាខាងលើមានប្រវែងបណ្តោយ៨៦១ម៉ែត្រ ទទឹង៦ម៉ែត្រ កម្រាស់១តឹក ដែលស្ថិតនៅក្នុងភូមិ ព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ នឹងប្រើប្រាស់ថវិកា គម្រោងអភិវឌ្ឍន៍របស់សាលាខណ្ឌពោធិ៍សែនជ័យ។

លោក សុទ្ធ សុជាតិ ចៅសង្កាត់រងទី១ បានប្រាប់បន្ថែមថា ផ្លូវបេតុងឆ្អឹងដែកដែលស្ថាបនាខាងលើពេលនេះស្ថាបនារួចរាល់១០០ភាគរយហើយ នឹងដាក់ឱ្យប្រើប្រាស់ហើយសម្រាប់តែថ្មើរជើងនិងម៉ូតូតែប៉ុណ្ណោះ ដោយឡែកសម្រាប់រថយន្តលក្ខណៈគ្រួសារនិងធុនធំមិនទាន់អនុញ្ញាតឱ្យបើកបរឆ្លងកាត់នៅឡើយទេដោយសាររង់ចាំបេតុងរឹងស្ងួតល្អសិន។